ஆஸ்கர் விருது போட்டிக்கு விஸ்வரூபம் தேர்வாகாதது ஏமாற்றமா? கமல் பதில்

ரேவதி · ரேவதி Thu Oct 03, 2013 3:44 pm

விஸ்வரூபம் படம் ஆஸ்கர் போட்டிக்கு தேர்வாகாதது ஏமாற்றமா என்பதற்கு பதில் அளித்தார் கமல்ஹாசன். இந்திய படங்கள் ஆஸ்கர் விருது போட்டியில் பங்கேற்பதற்கான தேர்வு சமீபத்தில் நடந் தது. இதில் இந்தி உள்ளிட்ட மற்ற மொழிப்படங்களுடன் கமலின் விஸ்வரூபம் படமும் பங்கேற்றது. ஆனால் குஜராத் மொழியில் உருவான தி குட் ரோட் இந்தியா சார்பில் ஆஸ்கர் போட்டியில் பங்கேற்க தேர்வானது. விஸ்வரூபம் தேர்வாகவில்லை.

இந்நிலையில் மும்பையில் நடந்த பட விழா ஒன்றில் கமலுக்கு சிறப்பு விருது வழங்கப்பட்டது. பின்னர் அவரிடம் விஸ்வரூபம் படம் ஆஸ்கர் போட்டிக்கு தேர்வாகாதது குறித்து கேட்டதற்கு பதில் அளித்தார். அவர் கூறும்போது, இதுவரை என்னுடைய படங்கள் 7 முறை ஆஸ்கர் போட்டிக்கு சென்றுள்ளது. விருது கிடைக்கிறதா என்பதைவிட இந்திய படவுலகின் திறமை அமெரிக்க படங்களின் போட்டி விழாவில் பங்கேற்பதே ஒருவிதத்தில் சிறப்பு. இந்த பாணியில்தான் சத்யஜித்ரே இந்திய படங்களை உலக அளவுக்கு கொண்டு சென்றார். அமெரிக்காவை பொறுத்தவரை நாம் இப்போது வெறும் பார்வையாளர்களாகவும், டூரிஸ்ட்டுகளாகவும் மட்டுமே இருக்கிறோம் என்றார்.

தினகரன்

பாலாஜி · பாலாஜி Thu Oct 03, 2013 3:46 pm

விஸ்வரூபம் படம் ஆஸ்கர் போட்டிக்கு தேர்வாகாதது பற்றி எங்களுக்கு ஒரு கவலையும் இல்லை .

விஸ்வரூபம் ஹாலிவுட் பாணியில் எடுக்கப்பட்ட ஒரு சிறந்த படம் .

17/02/2013

நமது திரைபடங்களுக்கு அவர்கள் ஏன் மதிப்பளிக்க வேண்டுமென்று நினைக்கிறோம்
அவர்களின் திரைப்படங்களுக்கு நாம் பரிசளிக்கும் முறையை கொண்டுவந்தாலென்ன ?

அசுரன் · அசுரன் Thu Oct 03, 2013 8:59 pm

செம்மொழியான் பாண்டியன் wrote:நமது திரைபடங்களுக்கு அவர்கள் ஏன் மதிப்பளிக்க வேண்டுமென்று நினைக்கிறோம்
அவர்களின் திரைப்படங்களுக்கு நாம் பரிசளிக்கும் முறையை கொண்டுவந்தாலென்ன ?

நல்ல மாற்று சிந்தனை

**சிவா** · **சிவா** Thu Oct 03, 2013 9:00 pm

செம்மொழியான் பாண்டியன் wrote:நமது திரைபடங்களுக்கு அவர்கள் ஏன் மதிப்பளிக்க வேண்டுமென்று நினைக்கிறோம்
அவர்களின் திரைப்படங்களுக்கு நாம் பரிசளிக்கும் முறையை கொண்டுவந்தாலென்ன ?

அருமையான சிந்தனை!