வெண்பாவில் விடுகதைகள்

by **ரமணி** Tue 1 Oct 2013 - 17:31

First topic message reminder :

வெண்பாவில் விடுகதைகள்

குறட்பாவில் விடுகதைகள் தொடரை அடுத்துப் பெரிய விடுகதைகளை வெண்பாவில் சேகரிப்போம்.
விடை ஈற்றடி வரும் ஒரு மறைசொல்லில். மற்ற விதிகள் முன்போல.

ஆலமரம் தூங்க அவனியெல்லாம் தூங்கவும்
பாலாழி வண்ணனும் பாம்பணையில் தூங்கவும்
கோலமில் லாவொருவன் போய்வருவான் கண்விழித்தே
ஓலமுடன் பேர்கேட்டால் போச்சு.

இலையுண்டு இல்லை கிளைகளே காற்றில்
அலையும் மலருண்டு வாசமில்லை காயில்
இலைவிதையே கன்றுண்டு இல்லை பசுவே
பலபட்டை யுண்டெனினும் கட்டையென் றில்லை
விலையில்லா ஏழையிது வே!

--ரமணி, 01/10/2013

விடைகள் அடுத்த அஞ்சலில்.

by ரேவதி Thu 3 Oct 2013 - 13:58

ரமணி wrote:இது இன்றைய கடைசி வெண்பா.

கோட்டை அகலாதே கொள்ளுவான் சொல்லுவான்
வேட்கை அதிகரித்தால் வேட்டையே - ஏட்டிலே
இல்லாத சொல்லி இரைவான் அலறுவான்
பொல்லாத கூர்முனை ஊக்கு. ... 4

மூக்கு

by **ரமணி** Thu 3 Oct 2013 - 18:54

விடை சரியே.

ரேவதி wrote:மூக்கு

by சின்னக் கண்ணன் Mon 24 Feb 2014 - 19:31

கொஞ்சம் எழுதிப் பார்த்தேன்..சொல்லுங்க பார்க்கலாம்..

வண்ண மெதுவென்றால் வஞ்சியரின் மெல்லிதழில்
திண்ணமாய் நின்றே சிரித்திடும் - தன்மையில்
நெஞ்சப் பிணிநீக்கி நேர்படச் செய்வதில்
விஞ்சிடும் இப்பழம் தான்..

கூட ஒருவார்த்தை கொண்டாலே இப்பழமும்
நாடத்தான் வைக்கும் நாயகரை - பூடகமாய்
உள்சிரிக்கும் நங்கை உதடுகளில் தானுறையும்
பற்களுக் கீடாகும் பார்..

by **ஜாஹீதாபானு** Mon 24 Feb 2014 - 19:49

சின்னக் கண்ணன் wrote:கொஞ்சம் எழுதிப் பார்த்தேன்..சொல்லுங்க பார்க்கலாம்..

வண்ண மெதுவென்றால் வஞ்சியரின் மெல்லிதழில்
திண்ணமாய் நின்றே சிரித்திடும் - தன்மையில்
நெஞ்சப் பிணிநீக்கி நேர்படச் செய்வதில்
விஞ்சிடும் இப்பழம் தான்..

கூட ஒருவார்த்தை கொண்டாலே இப்பழமும்
நாடத்தான் வைக்கும் நாயகரை - பூடகமாய்
உள்சிரிக்கும் நங்கை உதடுகளில் தானுறையும்
பற்களுக் கீடாகும் பார்..

மாதுளம்பழம்

by சின்னக் கண்ணன் Tue 25 Feb 2014 - 11:28

சரியான விடை.. :clap:

by **ரமணி** Tue 25 Feb 2014 - 11:47

வணக்கம் சின்னக்க்கண்ணன்.

இனிதே அமைந்த வெண்பாக்கள்! மரபுக் கவிதை நிறைய முயலுங்கள்.

ரமணி

சின்னக் கண்ணன் wrote:சரியான விடை.. :clap:

by சின்னக் கண்ணன் Tue 25 Feb 2014 - 11:52

நன்றி ரமணி ஐயா. கண்டிப்பாகச் செய்கிறேன்....

by சின்னக் கண்ணன் Tue 25 Feb 2014 - 15:15

சரியா வந்திருக்கான்னு தெரியலை..ம்ம் சொல்லுங்க..

தண்டை கலகலக்கத் தாள்வைத்துத் தான்நடக்கும்
வண்டு விழிகளுடன் வண்ணமுக மங்கையரின்
கையில் சிரிக்குமிக் காயினை நீரும்தான்
மையிட்டுச் சொல்லிடு மே..

by **ஜாஹீதாபானு** Tue 25 Feb 2014 - 15:24

சின்னக் கண்ணன் wrote:சரியா வந்திருக்கான்னு தெரியலை..ம்ம் சொல்லுங்க..

தண்டை கலகலக்கத் தாள்வைத்துத் தான்நடக்கும்
வண்டு விழிகளுடன் வண்ணமுக மங்கையரின்
கையில் சிரிக்குமிக் காயினை நீரும்தான்
மையிட்டுச் சொல்லிடு மே..

வாழைக்காய்?