குறுங்கவிதைகள் ....அந்தாதி பகுதி 2

by **M.M.SENTHIL** Wed Sep 25, 2013 2:25 pm

First topic message reminder :

குறுங்கவிதைகளின் அந்தாதி - நண்பர்களே தங்களின் கவிதைகளை இங்கே தாருங்கள் - முந்தைய கவிதையின் கடைசி வார்த்தை அல்லது கடைசி வரியை வைத்து உங்கள் கவிதையை துவங்குங்கள்

குறுங்கவிதைகள் ....அந்தாதி பகுதி 1 ஐ காண இங்கு சொடுக்கவும் http://www.eegarai.net/t92219-1

- பூவன்

நானும் அதையே தெரிவித்து கொள்கிறேன்.

by பூவன் Wed Sep 25, 2013 6:11 pm

இந்த தலைவனோட காதலியோ
இதம் தரும் காதல் இவளோ
இல்லை என்ற காதலை தந்தவள் இவளோ
இருள் ஆக்கி சென்றவள் இவளோ
இனிவரும் நாளெல்லாம் இவள் நினைவோ
இனிக்கும் இனிப்பு என்றிருந்தேன்
இனி எல்லாம் கசந்ததே
இந்த காதல் என்ற ஒன்றாலே ...

by பூவன் Wed Sep 25, 2013 8:50 pm

இந்த காதல் என்ற ஒன்றாலே ...
இதமான இதயங்கள் எத்தனையோ
இரும்பான இதயங்கள் எத்தனையோ
இதயம் விரும்ப இல்லம் வெறுக்க
இத்தனை போராட்டமும் இருக்கும்
இந்த காதல் இறக்கும் காலம் தான்
இன்பம் ஆகும் காலம் ..
இனிவரும் காலமும் இன்பம் ஆகும் ...

by யினியவன் Wed Sep 25, 2013 8:59 pm

இன்பம் ஆகும் இனி வரும் காலம்
வருத்தம் நீக்கும் வருங்காலம்
காதல் வாழ்வின் பொற்காலம்
கதை பேசிடும் பிற்காலம்

by பூவன் Wed Sep 25, 2013 9:02 pm

யினியவன் wrote:இன்பம் ஆகும் இனி வரும் காலம்
வருத்தம் நீக்கும் வருங்காலம்
காதல் வாழ்வின் பொற்காலம்
கதை பேசிடும் பிற்காலம்

கதை பேசிடும் பிற்காலம்
கவிதை பாடியே இக்காலம்
கனவுகள் நினைவாகும் பொற்காலம்
கலையாத காலம் அக்காலம்
களிப்பாய் மாறும் வருங்காலம் ....

by யினியவன் Wed Sep 25, 2013 9:06 pm

வருங்காலம் வரவேற்போம்
கற்காலம் தொட்டே வரவேற்றது போல்
வரவாய் வரட்டும் வரும் உறவே
செலவாய் கழியட்டும் கவலையே

by பூவன் Wed Sep 25, 2013 9:12 pm

செலவாய் கழியட்டும் கவலையே
செல்லாத காலமெல்லாம்
சென்றது என செழிக்கட்டும்
சொல்லாத சோகங்கள்
சொல்லாமலே மறையட்டும்
சொல்லிய வார்தைகள்
சொல்லியவண்ணமே தொலையட்டும்
சொல்லெல்லாம் சிறக்கவே
செல்லும் இடமும் சிறந்திடவே
செல்வாக்கு என வாழ்ந்திடுவோம் ...

by யினியவன் Wed Sep 25, 2013 9:23 pm

வாழ்ந்திடுவோம் பிறர் போற்ற அன்றி
வாழ்ந்திடுவோம் நாம் மகிழ்ந்து
வாழ்ந்திடுவோம் இச்சிறப்பினை அறிந்து
வாழ்ந்திடுவோம் வாழும் வரை புரிந்து

by பூவன் Wed Sep 25, 2013 9:28 pm

யினியவன் wrote:வாழ்ந்திடுவோம் பிறர் போற்ற அன்றி
வாழ்ந்திடுவோம் நாம் மகிழ்ந்து
வாழ்ந்திடுவோம் இச்சிறப்பினை அறிந்து
வாழ்ந்திடுவோம் வாழும் வரை புரிந்து

வாழ்ந்திடுவோம் வாழும் வரை புரிந்து
வாழ்ந்திடும் நாள் எல்லாம் வாழ்க்கை புரிந்து
வாழ்ந்திடும் காலம் வரை வருவோரை உணர்ந்து
வாழ்ந்திடுவோம் அழகிய வாழ்க்கை என அறிந்து ....