குறட்பாவில் விடுகதைகள்

by **ரமணி** Mon Sep 30, 2013 4:25 pm

First topic message reminder :

குறட்பாவில் விடுகதைகள்

தமிழில் விடுகதைகளுக்குப் பஞ்சமே யில்லை. ஒருவரியில் இருவரியில் பலவரியில் என்று அவை ரத்தினச் சுருக்கமாகவோ வெற்றிலைப் பெருக்கமாகவோ காணப்படுகின்றன. முதலில் புதிராகவும் விடையை அறிந்தபின் வியப்பாகவும் காணும் விடுகதைகளை வெண்பாக்களில் சேகரித்து எழுதுவோம். சின்னச் சின்ன விடுகதைகளைக் குறட்பாவில் எழுதலாம்.

விடுகதை ஒன்றைக் குறட்பாவிலோ, மற்ற வகை வெண்பாவிலோ அமைக்கக் கீழ்வருவது போன்ற விதிகளை அமைத்துக்கொள்ளலாம்.

1. வெண்பாவின் ஈற்றடியில் உள்ள மூன்று சீர்களில் ஒன்றில் விடை அமைய வேண்டும்.

2. விடைச்சொல் சிதைவோ புணர்ச்சியோ உறாது அதுவாகவே அமைய வேண்டும். புணர்ச்சி தவிர்க்க முடியாத போது புணரும் எழுத்தை அடைப்புக் குறிகள் மூலமோ வேறு விதத்திலோ காட்டுதல் நலம்.

3. விடைச்சொல் மறமொழி யாவதால் அது மற்ற சீர்களுடன் இலக்கணத்தில் பொருந்தி நின்றாலும் பொருளில் பொருந்தாது நிற்குமாதலால் அதை இனங்கண்டு கொள்வது எளிதாகுமாறு அமைக்க வேண்டும்.

4. விடைச்சொல்லைப் பலவிதமான மறைமொழிகளில் (encryption) கூறலாம். எவ்வித மறைமொழி உத்தியாயினும் விடை எளிதில் காண முடிவதாக இருக்கவேண்டும்.

5. மறைமொழியும் பொருளுடன் அமைந்தால் விடை காணுவது சுவையான சிக்கலாக இருக்கும். பொருளில்லாதோ வேற்று மொழிச் சொல்லாகவோ அமைந்தாலும் தனித்து நின்று கண்பட்டு விடை காண வைக்கும்.

6. சில மறைமொழி உத்திகள்:
6.1. அதிக பட்சம் இரண்டு எழுத்துகளை மறையாக்கலாம், ஒற்றுகள் தவிர்த்து.

6.2. மறையாகும் எழுத்து விடையின் எழுத்தைச் சேர்ந்த இனமாக--குறிலெனில் குறிலாக, நெடிலெனில் நெடிலாக--இருக்கவேண்டும். அவ்வாறு வரும் குறில்/நெடில் தகுந்த முந்தைய அல்லது பின்வரும் எழுத்தாக அமைந்தால் விடைகாண எளிதாக இருக்கும். தள்ளியுள்ள எழுத்துகளாகவும் அமையலாம்.

உதாரணமாக, ’பட்டு’ என்னும் விடைச்சொல்லை முன்பின் அடுத்துள்ள எழுத்துகள் மூலம் ’நட்டு, மட்டு, மிட்டு’ என்று அமைக்கலாம். தள்ளி வரும் எழுத்துகள் மூலம் ’கட்டு, முட்டு, மொட்டு’ என்று அமைக்கலாம்.

6.3. விடைச்சொல்லின் எழுத்துகள் இடம் மாறியோ, ஒலி மாறியோ வரலாம். சான்று: ’சிவா’ என்பது ’வாசி’ அல்லது ’விசா’ என வரலாம்.

6.4. இரண்டு எழுத்துகளை மறைக்கும் போது ஒன்றின் மறை அருகில் வருவதாகவும் மற்றது தள்ளி வருவதாகவும் அமைக்கலாம். சான்று: ’பெண்மணி’ என்பதைத் ’தண்பணி’ எனலாம்.

6.5. வேறுவித உத்திகளைக் கையாளுவோர் அவற்றை இந்தப் பட்டியலில் சேர்க்கலாம்.

*****

by **சிவா** Thu Oct 03, 2013 12:23 am

குறட்பாவில் விடுகதைகள் - Page 6 Medal113

முயற்சிக்கிறேன் அண்ணா!

by **ஜாஹீதாபானு** Thu Oct 03, 2013 12:49 pm

க்ளூ தாங்க

ஜாஹீதாபானு wrote:தான்மட்டும் ஒட்டிக்கொள் வான்பிற வெட்டுவான்
யான்தரிக்கக் கோலாவான் யார்? ... 10
பலா

பலாவுமில்ல பக்கத்துவீட்டுக் கலாவுமில்ல
இதுக்குப் நான் பதில் சொல்லிட்டேன்.
அதுக்குத்தான் தினமும் கட்டடிக்காம வரணுமுன்னு சொல்றது.

by **ஜாஹீதாபானு** Thu Oct 03, 2013 1:14 pm

செம்மொழியான் பாண்டியன் wrote:
ஜாஹீதாபானு wrote:தான்மட்டும் ஒட்டிக்கொள் வான்பிற வெட்டுவான்
யான்தரிக்கக் கோலாவான் யார்? ... 10
பலா
பலாவுமில்ல பக்கத்துவீட்டுக் கலாவுமில்ல
இதுக்குப் நான் பதில் சொல்லிட்டேன்.
அதுக்குத்தான் தினமும் கட்டடிக்காம வரணுமுன்னு சொல்றது.

பார்த்துட்டு தான் டெலிட் செய்தேன் ...அதை மேற்கோள் போட்டாச்சா சோகம்

by **ரமணி** Thu Oct 03, 2013 4:54 pm

ஓர் எழுத்து மறையை மட்டும் விடுவிக்கிறேன்.
ஊசிபால், மாண்டு, காசணி, நண்டு.
ஊ, டு, ச என்பன சரியான, மறை நீக்கிய எழுத்துகள்.

இவற்றில் ’நண்டு’ சரியான விடையாகிறது.
இப்போது மற்றவை மிக எளிது.

ஜாஹீதாபானு wrote:க்ளூ தாங்க

by **ரமணி** Thu Oct 03, 2013 5:06 pm

தொட்டுநாம் காணவே றோர்விழி நேர்காணும்
எட்டிநாம் காணா மெழுகு. ... 21

மரத்தின் உயரே மலைப்பாம் பெனவே
உரத்துடன் தொங்கும் கழுகு. ... 22

(இரு சொல் விடை)
உரசினால் பாம்புபோல் மூர்க்கமாய்ச் சீறும்
சிரசினை நோக்கச் சிலை. ... 23

(இரு சொல் விடை)
அம்மா படுத்திருப் பாள்மகளோ டித்திரிவாள்
அம்மா கிழவியா பார். ... 24

(இரு சொல் விடை)
விழமாட்டீர் கீழ்சாய்ந்தால் அஞ்சாநீர் கொம்போ
எழுந்தாலோ நிற்பதறி யீர். ... 25

by **ஜாஹீதாபானு** Thu Oct 03, 2013 5:09 pm

ஊசி , மாடு காணி

by **ரமணி** Thu Oct 03, 2013 5:20 pm

விதிகளைச் சரியாகப் புரிந்து கொள்ளுங்கள்.
மறைமொழியில் இருந்து விடையை வருவிக்கும் போது எந்த எழுத்தும் குறையாது, அதிகரிக்காது,
ஒற்றுகள் அப்படியே அவற்றின் இடத்தில் அமையும்.

’காசிபால்’ என்ற மறைமொழியில் ’ஊசி’ என்பது சரியான ஒரு சொல். ’வாட் அபௌட்’ பால்?

’மாண்டு’ என்பதை ’மாண்டு’ என்று விடுவித்துச் சரியான ஓர் எழுத்து ’டு’ என்றேன்.
எனவே நீங்கள் ’மா’ வின் மூலம் தேடவேண்டும், ஒற்று அப்படியே இருக்க.

இதுபோலவே ’காதணி’ யைக் ’காசணி’ என்று விடுவித்து ’ச’ சரியான எழுத்து என்றதால்,
’கா’ வின் மூலம் தேடுக.

அவசரம் வேண்டாம். விடையைக் கண்டறிந்து விடுகதை வரிகளுடன் ஒத்துப் போகிறதா
என்று பொருத்திப்பார்த்து அஞ்சலிட்டால் என் வேலை குறையும்.

ஜாஹீதாபானு wrote:ஊசி , மாடு காணி

by **ஜாஹீதாபானு** Thu Oct 03, 2013 5:27 pm

இன்னைக்கு முழுக்க இதை பார்த்து பார்த்து கண்ணு தான் வலிக்குது ... 2ஈகரை ஓப்பன் செய்து வச்சிருக்கேன் சோகம்

by **ரமணி** Thu Oct 03, 2013 7:01 pm

உங்கள் ஊக்கம் வரவேற்பதற் குறியது.
கொஞ்சம் ஓய்வு கொண்டு தொடரலாமே?

விடையை அறிந்தபின் ஏதாவது விடைச் சொல்லை அதன் மறைமொழியில் இருந்து இனம் காண்பது கடினமாக இருந்தால் அந்தக் கடினத்தை விளக்கினால் மறைமொழியை இன்னும் எளிதாக்க முயல்கிறேன்.