குறட்பாவில் விடுகதைகள்

by **ரமணி** Mon 30 Sep 2013 - 17:55

First topic message reminder :

குறட்பாவில் விடுகதைகள்

தமிழில் விடுகதைகளுக்குப் பஞ்சமே யில்லை. ஒருவரியில் இருவரியில் பலவரியில் என்று அவை ரத்தினச் சுருக்கமாகவோ வெற்றிலைப் பெருக்கமாகவோ காணப்படுகின்றன. முதலில் புதிராகவும் விடையை அறிந்தபின் வியப்பாகவும் காணும் விடுகதைகளை வெண்பாக்களில் சேகரித்து எழுதுவோம். சின்னச் சின்ன விடுகதைகளைக் குறட்பாவில் எழுதலாம்.

விடுகதை ஒன்றைக் குறட்பாவிலோ, மற்ற வகை வெண்பாவிலோ அமைக்கக் கீழ்வருவது போன்ற விதிகளை அமைத்துக்கொள்ளலாம்.

1. வெண்பாவின் ஈற்றடியில் உள்ள மூன்று சீர்களில் ஒன்றில் விடை அமைய வேண்டும்.

2. விடைச்சொல் சிதைவோ புணர்ச்சியோ உறாது அதுவாகவே அமைய வேண்டும். புணர்ச்சி தவிர்க்க முடியாத போது புணரும் எழுத்தை அடைப்புக் குறிகள் மூலமோ வேறு விதத்திலோ காட்டுதல் நலம்.

3. விடைச்சொல் மறமொழி யாவதால் அது மற்ற சீர்களுடன் இலக்கணத்தில் பொருந்தி நின்றாலும் பொருளில் பொருந்தாது நிற்குமாதலால் அதை இனங்கண்டு கொள்வது எளிதாகுமாறு அமைக்க வேண்டும்.

4. விடைச்சொல்லைப் பலவிதமான மறைமொழிகளில் (encryption) கூறலாம். எவ்வித மறைமொழி உத்தியாயினும் விடை எளிதில் காண முடிவதாக இருக்கவேண்டும்.

5. மறைமொழியும் பொருளுடன் அமைந்தால் விடை காணுவது சுவையான சிக்கலாக இருக்கும். பொருளில்லாதோ வேற்று மொழிச் சொல்லாகவோ அமைந்தாலும் தனித்து நின்று கண்பட்டு விடை காண வைக்கும்.

6. சில மறைமொழி உத்திகள்:
6.1. அதிக பட்சம் இரண்டு எழுத்துகளை மறையாக்கலாம், ஒற்றுகள் தவிர்த்து.

6.2. மறையாகும் எழுத்து விடையின் எழுத்தைச் சேர்ந்த இனமாக--குறிலெனில் குறிலாக, நெடிலெனில் நெடிலாக--இருக்கவேண்டும். அவ்வாறு வரும் குறில்/நெடில் தகுந்த முந்தைய அல்லது பின்வரும் எழுத்தாக அமைந்தால் விடைகாண எளிதாக இருக்கும். தள்ளியுள்ள எழுத்துகளாகவும் அமையலாம்.

உதாரணமாக, ’பட்டு’ என்னும் விடைச்சொல்லை முன்பின் அடுத்துள்ள எழுத்துகள் மூலம் ’நட்டு, மட்டு, மிட்டு’ என்று அமைக்கலாம். தள்ளி வரும் எழுத்துகள் மூலம் ’கட்டு, முட்டு, மொட்டு’ என்று அமைக்கலாம்.

6.3. விடைச்சொல்லின் எழுத்துகள் இடம் மாறியோ, ஒலி மாறியோ வரலாம். சான்று: ’சிவா’ என்பது ’வாசி’ அல்லது ’விசா’ என வரலாம்.

6.4. இரண்டு எழுத்துகளை மறைக்கும் போது ஒன்றின் மறை அருகில் வருவதாகவும் மற்றது தள்ளி வருவதாகவும் அமைக்கலாம். சான்று: ’பெண்மணி’ என்பதைத் ’தண்பணி’ எனலாம்.

6.5. வேறுவித உத்திகளைக் கையாளுவோர் அவற்றை இந்தப் பட்டியலில் சேர்க்கலாம்.

*****

by **ரமணி** Mon 30 Sep 2013 - 20:16

சரியான விடை.

பாலாஜி wrote:
ரமணி wrote:பாடியது ராகம் பறந்தது தூக்கமே
நாடினால் கிட்டாப் பசு. ... 7

கொசு

by பாலாஜி Mon 30 Sep 2013 - 20:18

ரமணி wrote:சரியான விடை.

பாலாஜி wrote:
ரமணி wrote:பாடியது ராகம் பறந்தது தூக்கமே
நாடினால் கிட்டாப் பசு. ... 7

கொசு

நன்றி ....மற்றவைகளுக்கு முயற்சி செய்கின்றேன்

ஆளாளுக்கு அடிச்சு நொறுக்குறீங்களே

by **ரமணி** Tue 1 Oct 2013 - 8:02

மறைமொழிகள் ஓங்கித் தெரியுமாறு குறித்துள்ளேன். இப்போது விடை காண்பது எளிதாக இருக்கும். மறைமொழி மீது மேலுள்ள விதிகளை உபயோகித்தால் விடை கிடைக்கும். சிவாவும் மற்றவர்களும் முயன்று பாருங்கள்.

by **ஜாஹீதாபானு** Tue 1 Oct 2013 - 8:22

காவியுடை யில்லாத் தவம்செய் துறவியாம்
வாவியுள் பக்கி யென. ... 9

கொக்கு

by **ஜாஹீதாபானு** Tue 1 Oct 2013 - 8:26

காயாகும் முன்னர் கனியான வானவன்
சேயாம் களனி யிது. ... 8
இளநீர்

by **ayyasamy ram** Tue 1 Oct 2013 - 8:33

களனி என்றால் என்ன?...கழனி என இருக்க வேண்டுமோ...

by **ஜாஹீதாபானு** Tue 1 Oct 2013 - 8:35

ayyasamy ram wrote:களனி என்றால் என்ன?...கழனி என இருக்க வேண்டுமோ...

அச்சச்சோ என் விடை தப்பா?

by **ரமணி** Tue 1 Oct 2013 - 8:52

சரியான விடை

ஜாஹீதாபானு wrote:காவியுடை யில்லாத் தவம்செய் துறவியாம்
வாவியுள் பக்கி யென. ... 9

கொக்கு

by **ரமணி** Tue 1 Oct 2013 - 8:55

விடைச் சொல்லில் அதிக பட்சம் இரண்டு எழுத்துகள் மறைந்திருக்கும் என்பதை நினைவில் வைத்துக் கொள்ளுங்கள்.

களனி என்பது கழனி என்பதன் பேச்சு வழக்கு. இதை வானவன் என்ற குறிப்புடன் பொருத்திப் பார்த்தால் விடை கிடைக்கும்.