எங்கே?

by arul123 Mon Sep 30, 2013 10:13 am

எங்கள் தென்னை மரத்தில் கூடு கட்டி
விளையாடிய தூக்கனாங் குருவிகள் எங்கே
என் வீட்டு முற்றத்தில் கூடு கட்டி கொஞ்சி
விளையாடிய சிட்டுக் குருவிகளும் எங்கே
தென்னை மரத்தில் இருந்து செங்குத்தாய்
கீழே குதித்து நீந்தி விளையாடிய கிணறுகளும் எங்கே
நாங்கள் சந்தோசத்தில் ஆக்கி தின்ற கூட்டஞ்சோறும்
கில்லி,நொண்டி,கபடி,கண்ணாமூச்சி,கிச்சு கிச்சு தம்பளம்
என்று விளையாடிய விளையாட்டுக்களும் எங்கே
ஆடு , மாடுகளுடன் துள்ளி விளையாடிய
பச்சை பசேலென இருந்த வயல் வெளிகள் எங்கே
அனைத்தும் இன்று கனவுகளாக என் கண் முன்னால்
முன்னேற்றம் என்ற போர்வையில் சந்தோசங்களை
அழித்து புன்னகையும் ஒழித்து அனைத்தையும் இழந்த இந்த வாழ்க்கை உயிர் இருந்தும் பிணமானது போல் ……………………………….

by அசுரன் Mon Sep 30, 2013 10:17 am

காலம் மாறிப்போச்சி நண்பா

by arul123 Mon Sep 30, 2013 11:42 am

ஆம் நண்பரே எல்லாம் முன்னேற்றம் என்ற போர்வையில் அழிக்கபட்டு கொண்டிருகிறது...........நன்றி நண்பரே

by **M.M.SENTHIL** Mon Sep 30, 2013 12:53 pm

மக்கள் தொகை பெருக்கம் இங்கே
உற்பத்தி குறைவும் இங்கே
பாதி பேருக்கு வீடில்லை இங்கே
இருக்கின்ற மரமெல்லாம்
வெட்டியே கூர்போன கோடாரி இங்கே
தனிக்குடித்தனம் அதிகம் இங்கே
தனியே தங்க வீடு வேண்டும் இங்கே
வீட்டை கட்ட காட்டை அழித்தான் இங்கே
காட்டை அழித்த காரணத்தால் மழை இல்லை இங்கே
இயற்கையும் பொய்யாய்ப் போனதால்
செயற்கை வளருது இங்கே - எத்தனை
முன்னேற்றம் வந்தாலும் இயற்கையோடு
போட்டியிட்டு வெல்லமுடியாது இங்கே

இத்தனையும் சொல்லிவிட்டேன்
உங்களின் எங்கே கேள்விக்கு?