அப்பாவிடமிருந்து மகனுக்கு ஒரு கடிதம்...

by றினா Sun Sep 29, 2013 10:47 am

அன்பு மகனுக்கு அப்பா எழுதுவது….!
வசதியாகத்தான் இருக்கிறது மகனே…

நீ கொண்டு வந்து சேர்த்த முதியோர் இல்லம்.

பொறுப்பாய் என்னை ஒப்படைத்து விட்டு சலனமின்றி நீ வெளியேறிய போது, முன்பு நானும் இது போல் உன்னை வகுப்பறையில் விட்டு விட்டு என் முதுகுக்குப் பின்னால் நீ கதற கதறக் கண்ணீரை மறைத்தபடி புறப்பட்ட காட்சி ஞாபகத்தில் எழுகிறது!

முதல் தரமிக்க இந்த இல்லத்தை தேடித் திரிந்து நீ தேர்ந்தெடுத்ததைஅறிகையில்கூட அன்று உனக்காக நானும் பொருத்தமான பள்ளி எதுவென்றே ஓடி அலைந்ததை ஒப்பீடு செய்கிறேன்!

இதுவரையில் ஒருமுறையேனும் என் முகம் பார்க்க நீ வராமல் போனாலும் என் பராமரிப்பிற்கான மாதத் தொகையை மறக்காமல் அனுப்பி வைப்பதற்காக மனம் மகிழ்ச்சியடைகிறது நீ விடுதியில் தங்கிப் படித்த காலத்தில் உன்னைப் பார்க்க வேண்டும் என்ற ஆவல் இருந்தாலும் படிப்பை நினைத்து உன்னை சந்திக்க மறுத்ததன் எதிர்வினையே இதுவென்று இப்போது அறிகிறேன்!

இளம் வயதினில் நீ சிறுகச் சிறுக சேமித்த அனுபவத்தை என் முதுமைப் பருவத்தில் மொத்தமாக எனக்கே செலவு செய்கிறாய் ஆயினும்… உனக்கும் எனக்கும் ஒரு சிறு வேறுபாடு.

நான் கற்றுக்கொடுத்தேன் உனக்கு…

வாழ்க்கை இதுதானென்று!

நீ கற்றுக் கொடுக்கிறாய் எனக்கு…

உறவுகள் இதுதானென்று!

நன்றாக இருக்கிறது ஆனால் இரண்டுமுறை பதிந்திருக்கிறீர்கள் நண்பரே

by றினா Sun Sep 29, 2013 10:59 am

செம்மொழியான் பாண்டியன் wrote:நன்றாக இருக்கிறது ஆனால் இரண்டுமுறை பதிந்திருக்கிறீர்கள் நண்பரே

நன்றி... தற்போது சரி செய்யப்பட்டு விட்டது.

by **அருண்** Sun Sep 29, 2013 11:05 am

உணர்வுபூர்வமான கதை.! அப்பாவிடமிருந்து மகனுக்கு ஒரு கடிதம்... 3838410834

by ராஜு சரவணன் Sun Sep 29, 2013 8:06 pm

பள்ளியில் சேர்த்த அப்பனை
முதியோர் இல்லத்தில் சேர்த்துவிட்டு
கைமாறை காட்டுது கடன்பட்ட பிள்ளை

by mohu Mon Sep 30, 2013 9:27 am

அருமை

by **M.M.SENTHIL** Mon Sep 30, 2013 3:18 pm

தெய்வங்கள் வாழ்வது இரு இடத்தில்
கருவரையுள்ள கோவில்களிலும்
கல்லால் ஆன முதியோர் இல்லங்களிலும் !
ஒரே வித்தியாசம்
கடவுள் இருப்பது வசதியுள்ள இடமெனினும்
பலத்த பாதுகாப்புக்கிடையில்
முதியோர் இருப்பது வசதியில்லை எனினும்
சுதந்திரமாய்!
அப்பனை பாரமாய் நினைத்தவன்
தப்பை மறைக்க வருகிறான் கோவிலுக்கு,
அப்பனை ஆணிவேறாய் நினத்தவன்
அன்னதானம் கொடுக்க வருகிறான்
முதியோர் இல்லங்களுக்கு !

by பாலாஜி Mon Sep 30, 2013 4:12 pm

[mention]நான் கற்றுக்கொடுத்தேன் உனக்கு…
வாழ்க்கை இதுதானென்று!
நீ கற்றுக் கொடுக்கிறாய் எனக்கு…
உறவுகள் இதுதானென்று![/mention] wrote:

by **krishnaamma** Mon Sep 30, 2013 6:35 pm

அருமை றினா புன்னகை

நான் எப்பவுமே போர்டிங்க் இல் பசங்களை விடும் அப்பாக்களுக்கு சொல்லும் அறிவுரை , நாளை அவன் உங்களை முதியோர் இல்லத்திர்க்கு விட்டுவிடுவான், செக் மூலமே உங்களை பார்ப்பான் அன்பு,பாசத்துக்கு இடமிருக்காது என்று சொல்வேன் புன்னகை

.....இன்று உலகமும் இதே போலத்தான் இருக்கு சோகம்