25 ஆண்டுகளில் கிரேட்டஸ்ட் இந்தியர் பட்டியலில் ரஜினிக்கு முதலிடம்!

by **சிவா** Sun Sep 29, 2013 8:05 am

மும்பை: கடந்த 25 ஆண்டுகளில் வாழும் இந்தியர்களில் மிகச் சிறந்த 25 பேர் பட்டியிலில் சூப்பர் ஸ்டார் ரஜினிக்கு முதலிடம் கிடைத்துள்ளது. என்டிடிவி நிறுவனம் தனது வெள்ளிவிழாவையொட்டி, கடந்த கால் நூற்றாண்டில் இந்தியாவின் மிகச் சிறந்த 25 மனிதர்கள் யார் என்ற நாடு தழுவிய ஒரு கருத்துக் கணிப்பை இணைய தளம் மூலம் நடத்துகிறது. பொதுமக்கள் அதில் நேரடியாக வாக்களிக்கலாம். 25 ஆண்டுகளில் கிரேட்டஸ்ட் இந்தியர் பட்டியலில் ரஜினிக்கு முதலிடம்!

இந்தப் பட்டியலில் ரஜினி, சச்சின் டெண்டுல்கர், அப்துல் கலாம், ஏ ஆர் ரஹ்மான், டோனி, கபில்தேவ், ரத்தன் டாடா என அரசியலுக்கு அப்பாற்பட்ட ஆளுமை கொண்ட விவிஐபிக்கள் இடம்பெற்றுள்ளன. ஆன்லைனில் லைவ்வாக உள்ள கருத்துக் கணிப்பு இது என்பதால், ஒவ்வொரு நாளும் வாக்குகளின் அடிப்படையில் யாருக்கு என்ன இடம் என்ற விவரம் அந்த நிறுவன இணைய தளத்தில் இடம்பெற்றுள்ளது.

மூன்று தினங்களுக்கு முன் 5-ம் இடத்தில் இருந்த சூப்பர் ஸ்டார் ரஜினிகாந்த், இன்று முதலிடத்துக்கு முன்னேறியுள்ளார். அவருக்கு 7.03 சதவீத வாக்குகள் கிடைத்துள்ளன. அவருக்கு அடுத்து சச்சின் டெண்டுகர் வருகிறார் 6.99 சதவீத வாக்குகளுடன். அப்துல் கலாமுக்கு மூன்றாவது இடமும், ஏ ஆர் ரஹ்மானுக்கு நான்காவது இடமும் கிடைத்துள்ளன. அமிதாப் பச்சனுக்கு 10வது இடமும், ஷாரூக்கானுக்கு 13 வது இடமும் கிடைத்துள்ளன.

by யினியவன் Sun Sep 29, 2013 9:16 am

அப்துல் கலாமை இந்த பட்டியலில் சேர்த்தது தவறு.

விளையாட்டு வீரர்கள், நடிகர்களுடன் அவரை சேர்ப்பதா?

by **ராஜா** Sun Sep 29, 2013 10:51 am

கடந்த 25 ஆண்டுகளில் அப்துல் கலாம் அவர்கள் இந்தியாவிற்காக என்ன செய்தார் என்று நாட்டுமக்கள் அனைவருக்கும் தெரியும். gretest இந்தியர் என்னத்த ~~பு......~~ (மன்னிக்கவும்) பண்ணினார் என்று யாருக்காவது தெரிந்தால் சொல்லுங்கள் நண்பர்களே

யினியவன் wrote:அப்துல் கலாமை இந்த பட்டியலில் சேர்த்தது தவறு.

விளையாட்டு வீரர்கள், நடிகர்களுடன் அவரை சேர்ப்பதா?

அவரும் இந்தியர் தானே அண்ணா இந்தியப் பட்டியலில் அவராவது இருக்கிறாரே.

என்னசெய்வது நமக்கு அந்த இரண்டு துறையைச் சேர்ந்தவர்கள் மட்டும்தானே
கண்ணுக்குத் தெரிகிறது?பிரபலமில்லாதவர்கள் எல்லோரும் சாதிக்காமலில்லை,
பிரபலமாகத் தெரிபவர்கள் எல்லோரும் சாதித்தவர்களுமில்லை.

by ராஜு சரவணன் Sun Sep 29, 2013 7:58 pm

என்னை பொருத்தவரை கலாம் ஐயாவை இவர்களுடன் சேர்த்த்து தவறு. கலாம் இந்தியாவின் அறிவியல் விடிவெள்ளி. அவருடன் நிற்கும் மற்றவர்கள் தகுதி குறைவானவர்கள்

by **Muthumohamed** Sun Sep 29, 2013 10:18 pm

ராஜா wrote:கடந்த 25 ஆண்டுகளில் அப்துல் கலாம் அவர்கள் இந்தியாவிற்காக என்ன செய்தார் என்று நாட்டுமக்கள் அனைவருக்கும் தெரியும். gretest இந்தியர் என்னத்த ~~பு......~~ (மன்னிக்கவும்) பண்ணினார் என்று யாருக்காவது தெரிந்தால் சொல்லுங்கள் நண்பர்களே

25 ஆண்டுகளில் கிரேட்டஸ்ட் இந்தியர் பட்டியலில் ரஜினிக்கு முதலிடம்! 3838410834

என்ன பண்ணினார் என்று எனக்கு தெரியவில்லை அண்ணா

by **Muthumohamed** Sun Sep 29, 2013 10:19 pm

செம்மொழியான் பாண்டியன் wrote:
யினியவன் wrote:அப்துல் கலாமை இந்த பட்டியலில் சேர்த்தது தவறு.

விளையாட்டு வீரர்கள், நடிகர்களுடன் அவரை சேர்ப்பதா?
அவரும் இந்தியர் தானே அண்ணா இந்தியப் பட்டியலில் அவராவது இருக்கிறாரே.

என்னசெய்வது நமக்கு அந்த இரண்டு துறையைச் சேர்ந்தவர்கள் மட்டும்தானே
கண்ணுக்குத் தெரிகிறது?பிரபலமில்லாதவர்கள் எல்லோரும் சாதிக்காமலில்லை,
பிரபலமாகத் தெரிபவர்கள் எல்லோரும் சாதித்தவர்களுமில்லை.