சென்னை டாக்டர் கொலை வழக்கில் 2 பேர் கோவை காவல் நிலையத்தில் சரண்

**ராஜா** · **ராஜா** Sat Sep 28, 2013 5:37 pm

துரைப்பாக்கம் குமரன் குடில் பகுதியில் வசித்து வந்தவர் டாக்டர் சுப்பையா (58). ஓய்வு பெற்ற அரசு மருத்துவரான இவர் அபிராமபுரத்தில் உள்ள தனியார் மருத்துவமனையில் பணியாற்றி வந்தார். இந்நிலையில், கடந்த 14ம் தேதி மருத்துவமனையில் இருந்து புறப்பட்ட அவரை மருத்துவமனை அருகிலேயே, 4 பேர் கொண்ட கும்பல் சரமாரியாக அரிவாளால் வெட்டியது. இதில் பலத்த காயம் அடைந்த அவர் 22-ம் தேதி இறந்தார்.

இந்த கொலைக் காட்சிகள் அனைத்தும் மருத்துவமனை எதிரில் உள்ள குடியிருப்பில் பொருத்தப்பட்டிருந்த கண்காணிப்ப கேமராவில் பதிவாகியிருந்தது. அதன்மூலம் போலீசார் விசாரணை நடத்தி வந்தனர்.

இதையடுத்து சுப்பையா கொலையில் தொடர்புடைய பாசில், அவரது சகோதரர் போரீஸ் ஆகிய இரண்டு வழக்கறிஞர்களும் சைதாப்பேட்டை பெருநகர் குற்றவியல் நீதிமன்றத்தில் சரண் அடைந்தனர். அவர்களை அக்டோபர் 9ம் தேதி வரை சிறையில் அடைக்க நீதிபதி ராஜேந்திர கண்ணன் உத்தரவிட்டதை தொடர்ந்து, புழல் சிறையில் அடைக்கப்பட்டனர். மேலும் தலைமறைவாக உள்ள கூலிப்படையினரை தனிப்படை போலீசார் தேடி வருகின்றனர்.

இந்நிலையில், டாக்டர் சுப்பையா கொலை வழக்கு தொடர்பாக ஆசிரியர் பொன்னுசாமி, மேரிபுஷ்பம் ஆகியோர் இன்று கோவை ரேஷ்கோர்ஸ் காவல்நிலையத்தில் சரண் அடைந்தனர். அவர்கள் உடனடியாக கோர்ட்டில் ஆஜர்படுத்தப்பட உள்ளனர்.

ஒரே ஊரைச் சேர்ந்த டாக்டர் சுப்பையாவுக்கும் பொன்னுசாமி குடும்பத்திற்கும் இடையே நிலத்தகராறு இருந்துள்ளது. இவ்வழக்கில் டாக்டருக்கு சாதகமாக தீர்ப்பு வந்ததால் அவரை தீர்த்து கட்டியிருக்கலாம் என்று கூறப்படுகிறது. பொன்னுசாமி மற்றும் அவரது குடும்பத்தினர் மீது டாக்டரின் மனைவி ஏற்கனவே புகார் அளித்துள்ளது குறிப்பிடத்தக்கது.

-maalaimalar

**ராஜா** · **ராஜா** Sat Sep 28, 2013 5:38 pm

டாக்டர் கொலை வழக்கில் வக்கீல் & ஆசிரியர் கைது ..... என்னடா நடக்குது நம்ம ஊரில் ?!!!

நல்ல அரசாங்கம் என்ன கொடுமை சார் இது

அதி · அதி Sat Sep 28, 2013 5:42 pm

சொத்து வந்தா சொந்தம் போய்டுமா

அசுரன் · அசுரன் Sat Sep 28, 2013 6:02 pm

இந்த கொலைகாட்சிகள் மிக பயங்கரமாக இருந்தது. யாருக்கும் இதுபோல் இனி ஆகக்கூடாது.

Sponsored content · Sponsored content

சென்னை டாக்டர் கொலை வழக்கில் 2 பேர் கோவை காவல் நிலையத்தில் சரண்

சென்னை டாக்டர் கொலை வழக்கில் 2 பேர் கோவை காவல் நிலையத்தில் சரண்

Re: சென்னை டாக்டர் கொலை வழக்கில் 2 பேர் கோவை காவல் நிலையத்தில் சரண்

Re: சென்னை டாக்டர் கொலை வழக்கில் 2 பேர் கோவை காவல் நிலையத்தில் சரண்

Re: சென்னை டாக்டர் கொலை வழக்கில் 2 பேர் கோவை காவல் நிலையத்தில் சரண்

Re: சென்னை டாக்டர் கொலை வழக்கில் 2 பேர் கோவை காவல் நிலையத்தில் சரண்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக