வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

**சிவா** · **சிவா** Sat Sep 28, 2013 4:47 pm

திண்டுக்கல் மாவட்டம் வத்தலக்குண்டு அருகில் உள்ள ஜி.தும்மலப்பட்டி மருதாநதி, ரெட்டியபட்டி உள்ளிட்ட பல்வேறு பகுதிகளில் தொடர்ந்து நள்ளிரவில் டிராக்டர் மற்றும் லாரிகளில் மணல் அள்ளப்பட்டு வருகிறது.

போலீசார் மற்றும் வருவாய்த்துறையினருக்கு தகவல் கிடைத்தாலும் அவர்கள் வருவதற்குள் மணல் கடத்தும் கும்பல் தப்பி ஓடி விடுகின்றனர்.

இதனால் இந்த பகுதியில் கனிம வளங்கள் தொடர்ந்து கொள்ளை போய் வருகின்றன.

வத்தலக்குண்டு ஒன்றியம் கோம்பைப்பட்டி ஊராட்சிக்குட்பட்ட ரெட்டியபட்டியை சேர்ந்த அமுல்ராஜ் மகன் ராஜா (40). இவருக்கு திருமணம் ஆகி சுமதி என்ற மனைவியும், செந்தில்முருகன் (10), விக்னேஷ் (8) ஆகிய 2 மகன்களும் உள்ளனர். ராஜா கூலி வேலை பார்த்து வந்தார். நேற்று இரவு டிராக்டரில் வந்த ஒரு நபர் ராஜாவை மருதாநதி ஆற்றில் மணல் அள்ள அழைத்து சென்றார்.

இரவில் மணல் அள்ளிக் கொண்டிருந்தபோது மணல் சரிந்து விழுந்ததில் உயிரோடு ராஜா புதைந்து பலியானார். இதை பார்த்ததும் அவரை அழைத்து வந்தவர் விட்டு விட்டு ஓடிவிட்டார்.

அதிகாலையில் அந்த பகுதிக்கு சென்றவர்கள் ராஜா இறந்து கிடந்ததை பார்த்து வத்தலக்குண்டு போலீசாருக்கு தகவல் தெரிவித்தனர். போலீசார் சம்பவ இடத்திற்கு விரைந்து வந்து அவரது உடலை கைப்பற்றி வத்தலக்குண்டு அரசு ஆஸ்பத்திரிக்கு அனுப்பி வைத்தனர்.

இறந்துபோன ராஜாவின் உடலை பார்த்து அவரது உறவினர்கள் கதறி அழுதனர். நள்ளிரவில் மணல் அள்ள ராஜாவை அழைத்து சென்ற நபர் யார்? என்று போலீசார் விசாரணை நடத்தி வருகிறார்கள்.

மாலைமலர்

**சிவா** · **சிவா** Sat Sep 28, 2013 4:48 pm

இது நிச்சயம் கொலையாகத்தான் இருக்கும்! இதுவரை மணல் அள்ளிய ஒருவர் மணலில் புதைந்து இறந்ததாக சம்பவங்கள் நிகழ்ந்ததே இல்லை!

**ராஜா** · **ராஜா** Sat Sep 28, 2013 4:50 pm

சிவா wrote:இது நிச்சயம் கொலையாகத்தான் இருக்கும்! இதுவரை மணல் அள்ளிய ஒருவர் மணலில் புதைந்து இறந்ததாக சம்பவங்கள் நிகழ்ந்ததே இல்லை!

இப்பல்லாம் பல டெக்னிக் பயன்படுத்தி கொலை பண்ணுகிறார்கள் ,

**சிவா** · **சிவா** Sat Sep 28, 2013 4:53 pm

ராஜா wrote:
சிவா wrote:இது நிச்சயம் கொலையாகத்தான் இருக்கும்! இதுவரை மணல் அள்ளிய ஒருவர் மணலில் புதைந்து இறந்ததாக சம்பவங்கள் நிகழ்ந்ததே இல்லை!
இப்பல்லாம் பல டெக்னிக் பயன்படுத்தி கொலை பண்ணுகிறார்கள் ,

நீங்கள் எப்படிச் செய்வீர்கள் என்பதை மட்டும் இங்கு கூறுங்கள் தல ! அதிர்ச்சி

**ராஜா** · **ராஜா** Sat Sep 28, 2013 5:00 pm

சிவா wrote:
ராஜா wrote:
சிவா wrote:இது நிச்சயம் கொலையாகத்தான் இருக்கும்! இதுவரை மணல் அள்ளிய ஒருவர் மணலில் புதைந்து இறந்ததாக சம்பவங்கள் நிகழ்ந்ததே இல்லை!
இப்பல்லாம் பல டெக்னிக் பயன்படுத்தி கொலை பண்ணுகிறார்கள் ,
நீங்கள் எப்படிச் செய்வீர்கள் என்பதை மட்டும் இங்கு கூறுங்கள் தல !

தொழில் ரகசியம் .... அதெல்லாம் வெளியே சொல்ல கூடாது தல.....

**SajeevJino** · **SajeevJino** Sat Sep 28, 2013 6:50 pm

சிவா wrote:இது நிச்சயம் கொலையாகத்தான் இருக்கும்! இதுவரை மணல் அள்ளிய ஒருவர் மணலில் புதைந்து இறந்ததாக சம்பவங்கள் நிகழ்ந்ததே இல்லை!

நடக்க வாய்புகள் அதிகம் ..சில இடங்களில் மணலை அள்ளி மலை போல சேகரித்து வைத்திருப்பார்கள் .அதன் கீழே நிற்கும் போதோ அல்லது படுத்திருக்கும் போதோ மணல் மேடு சரிந்தால் அவ்வளவு தான்

முன்பு ஒருமுறை ஒரு நபர் லாரியின் லோடு ஏற்றும் பகுதியில் படுத்து தூங்கிக் கொண்டிருந்தார் .அதை கவனிக்காத டிரைவர் அதை மணல் அள்ள எடுத்து சென்றார் ..JCB ஒரு பக்கெட் மணலை லாரியில் தட்டியதும் மண்ணிற்குள் புதைந்து இறந்து விட்டார் அந்த நபர்

ராஜு சரவணன் · ராஜு சரவணன் Sat Sep 28, 2013 6:57 pm

திருடன் தானே இறந்தான் விடுங்கள்.... இயற்கை வளங்களை இவன் வளமாக வாழ திருட சென்றவன் போனது தப்பேயில்லை புன்னகை

ஆனால் மனிதனா பார்த்தல் வருத்தமான நிகழ்வு புன்னகை

Sponsored content · Sponsored content

வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

Re: வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

Re: வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

Re: வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

Re: வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

Re: வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

Re: வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

Re: வத்தலக்குண்டுவில் மணல் திருட சென்ற வாலிபர் உயிரோடு புதைந்து பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக