வாரம் ஒரு நாள் அரசு பஸ்சில் பயணிக்க பெட்ரோலிய அமைச்சர் மொய்லி முடிவு

புதுடில்லி : ‘‘எரிபொருள் சிக்கனத்தை வலியுறுத்தும் வகையில், அக்டோபர் 9ம் தேதி முதல், புதன்கிழமை தோறும், பொது போக்குவரத்தை பயன்படுத்த உள்ளேன்,’’ என்று, மத்திய பெட்ரோலிய அமைச்சர், வீரப்ப மொய்லி தெரிவித்தார்.

டில்லியில், நேற்று நிருபர்களிடம் பேசிய, மத்திய பெட்ரோலிய அமைச்சர், வீரப்ப மொய்லி கூறியதாவது:கச்சா எண்ணெய் இறக்குமதியால், அரசின் அந்நில செலாவணி கையிருப்பு குறைந்து வருகிறது. இதற்காக செலவிடப்படும் தொகையில், 30 ஆயிரம் கோடி ரூபாய் வரை செலவை மிச்சப்படுத்தும் வகையில், பல்வேறு சிக்கன நடவடிக்கைகளை கடைபிடிக்க, பெட்ரோலிய அமைச்சகம் முடிவு செய்துள்ளது. இது தொடர்பாக, பொதுமக்கள் மத்தியில் விழிப்புணர்வை ஏற்படுத்தும் வகையில் பிரசாரம் செய்யப்பட்டு வருகிறது.‘பெட்ரோல், டீசல் பயன்பாட்டை குறைக்க, பொதுமக்கள், வாரத்திற்கு ஒரு நாள் வாகனங்களை பயன்படுத்துவதை தவிர்த்து, பொது போக்குவரத்தை பயன்படுத்த வேண்டும்’ என, மத்திய பெட்ரோலிய அமைச்சர் வீரப்ப மொய்லி வேண்டுகோள் விடுத்து இருந்தார். இதற்கு, பொதுமக்கள், எதிர்க்கட்சிகள் தரப்பில் கடும் விமர்சனம் எழுந்தது.

இந்நிலையில், நேற்று, நிருபர்களை சந்தித்த வீரப்ப மொய்லி கூறியதாவது: எரிபொருளை சிக்கனமாக பயன்படுத்துவதற்கு, முன்னுதாரணமாக இருக்கும் வகையில, அக்டோபர் 9ம் தேதி முதல், புதன்கிழமை தோறும், நான் பொது போக்குவரத்தை பயன்படுத்த முடிவு செய்துள்ளேன். என் அமைச்சகத்தில் பணியாற்றும் அதிகாரிகள், அமைச்சகத்தின் கீழ் உள்ள பொதுத்துறை நிறுவனங்களில் பணியாற்றும் அதிகாரிகள் அனைவரும், புதன்கிழமை, பொது போக்குவரத்தை பயன்படுத்துவர். இவ்வாறு, அவர் கூறினார்.



பெட்ரோல் விலை குறையும்:



‘‘இரண்டொரு நாளில், பெட்ரோல் விலை குறைப்பு பற்றிய அறிவிப்பு,’’ வரும் என்று வீரப்ப மொய்லி கூறினார்.அவர் மேலும் கூறியதாவது: அமெரிக்க டாலருக்கு எதிராக, ரூபாய் மதிப்பு உயர்வு, கச்சா எண்ணெய் விலையில் ஏற்பட்டுள்ள சரிவு காரணமாக, பெட்ரோல் விலை குறைப்பு பற்றி அறிவிப்பு அடுத்த சிலநாட்களில் வரும். 15 நாட்களில், பொதுத் துறை எண்ணெய் நிறுவனங்கள் பெட்ரோல் விலையை முடிவு செய்து அறிவிக்கும், அதன்படி இரண்டொரு நாளில் விலை குறைப்பு பற்றிய அறிவிப்பு வெளிவரும்.வரும், 30ம் தேதி அறிவிப்பு வருவதற்கு வாய்ப்பு உள்ளது. இவ்வாறு, அவர் கூறினார்.பெட்ரோல் விலை குறைப்பு கடைசியாக, மே 1ம் தேதி நடந்தது; அப்போது, 3 ரூபாய் குறைக்கப்பட்டது.




நன்றி தினமலர்

செம்மொழியான் பாண்டியன் நல்ல தகவலைத் தந்துள்ளார்! நான் அடிக்கடி நண்பர்களிடம் ‘ 'Shortcut’ என்று இதைத்தான் நீண்ட நாட்களாகவே கூறிவருகிறேன் !  “பேருந்துப் பிரச்சினையா ? ஒன்றும் செய்ய வேண்டாம் ! அந்த மாநிலத்து முதலமைச்சரைக்கூப்பிட்டு ‘ஐயா இந்தப் பேருந்தில் ஏறி அந்த நிறுத்தத்தில் இறங்குங்கள்’ என்று ஏற்றிவிடுங்கள் ! அப்போதுஅவருக்குத்  தெரியவரும் அதில் மக்கள் எவ்வளவு அவதிப் படுகின்றனர் என்று!உடனே அதிகாரிகள் குவிந்து தவறுகளைச் சரிசெய்து விடுவர்கள்! ”.

Dr.S.Soundarapandian wrote:செம்மொழியான் பாண்டியன் நல்ல தகவலைத் தந்துள்ளார்! நான் அடிக்கடி நண்பர்களிடம் ‘ 'Shortcut’ என்று இதைத்தான் நீண்ட நாட்களாகவே கூறிவருகிறேன் !  “பேருந்துப் பிரச்சினையா ? ஒன்றும் செய்ய வேண்டாம் ! அந்த மாநிலத்து முதலமைச்சரைக்கூப்பிட்டு ‘ஐயா இந்தப் பேருந்தில் ஏறி அந்த நிறுத்தத்தில் இறங்குங்கள்’ என்று ஏற்றிவிடுங்கள் ! அப்போதுஅவருக்குத்  தெரியவரும் அதில் மக்கள் எவ்வளவு அவதிப் படுகின்றனர் என்று!உடனே அதிகாரிகள் குவிந்து தவறுகளைச் சரிசெய்து விடுவர்கள்! ”.

அருமையிலும் அருமை அய்யா ஆனால் பூனைக்கு மணியைக் கட்டப்போவது யார் ?

நல்ல முடிவு ஆனால் உங்கள் முடிவை சன்டே வாக மாற்றினால் நன்றாக இருக்கும் ..எப்படியும் நீங்கள் ஏறும் பேருந்தில் உங்கள் தொண்டர்கள் பொதுமக்களை அனுமதிக்க மாட்டார்கள் அதனால் சன்டே மதியதிர்க்கு மேல் பயணம் செய்யுங்கள் ஐயா