ஐ.நா பொது சபை கூட்டத்தில் நவாஸ் ஷெரீப் பேச்சு இந்தியாவும் பாகிஸ்தானும் இணைந்தால் இருதரப்புக்கும் பலன் கிடைக்கும்

17/02/2013

நியூயார்க்: ஐ.நா பொது சபை கூட்டத்தில் காஷ்மீர் விவகாரத்தை வழக்கம் போல் எழுப்பிய பாகிஸ்தான் ஐ.நா பாதுகாப்பு சபை மீது புகார் தெரிவிக்கப்பட்டுள்ளது. ஐ.நா போது சபையில் பேசிய பாகிஸ்தான் பிரதமர் நவாஸ் ஷெரீப், தனது உரையில் காஷ்மீர் பிரச்சனை நெடுங்காலமாக தீர்க்கப்படாமல் இருக்கிறது என்று முந்தைய பாகிஸ்தான் பிரதமர்களை போல புகார் கூறினார். காஷ்மீர் மக்களுக்கு சுயநிர்ணய உரிமை கிடைக்க ஐ.நா கவனம் செலுத்த வேண்டும் என்று நவாஸ் ஷெரீப் கேட்டுக் கொண்டார்.

70 ஆண்டு காலமாக கிடப்பில் இருக்கும் கோரிக்கை

இதுதொடர்பாக ஐ.நா பாதுகாப்பு சபையில் எழுப்பப்பட்ட கோரிக்கை 70 ஆண்டு காலமாக கிடப்பில் இருப்பதாக அவர் குற்றம்சாட்டினார். காஷ்மீர் பிரச்சனையில் தமது நாட்டின் ஒட்டுமொத்த ஆதங்கத்தையும் வெளிபடுத்திய நவாஸ் ஷெரீப், இந்தியாவும் பாகிஸ்தானும் இணைந்து செயல்பட்டால் அது இருதரப்புக்கும் ஏராளமான நன்மைகளை கொடுக்கும் என்று கூறினார்.

இந்தியாவுடன் பேச்சுவார்த்தை நடத்த தயார்

இதற்காக இந்தியாவுடன் பேச்சுவார்த்தை நடத்த பாகிஸ்தான் தயாராக இருக்கிறது என்று அவர் கூறினார். அமைதி பேச்சுவார்த்தையில் ஈடுபட தயார் என நவாஸ் ஷெரீப் பேசுவதற்கு சில மணிநேரம் முன்பு, எல்லையில் இந்திய நிலைகள் மீது பாகிஸ்தான் படையினர் அத்துமீறி துப்பாக்கிச் சூடு நடத்தினர்.

இந்திய நிலைகள் மீது பாகிஸ்தான் ராணுவத்தினர் துப்பாக்கிச் சூடு

காஷ்மீரின் பூஞ்ச் மாவட்டத்தில் மெந்தார் என்ற இடத்தில் இந்திய நிலைகள் மீது பாகிஸ்தான் ராணுவத்தினர் கண்மூடித்தனமாக துப்பாக்கிச் சூடு நடத்தினர். இதற்கு இந்திய ராணுவத்தினரும் தகுந்த பதிலடி கொடுத்தனர்.

நன்றி தினகரன்

ராஜு சரவணன் · ராஜு சரவணன் Sat 28 Sep 2013 - 19:44

இந்த பாகிஸ் பிரச்சனைக்கு காரணமே நம்ம தேச தந்தை தான் என்று சொல்கிறார்களே புன்னகை

அசுரன் · அசுரன் Sat 28 Sep 2013 - 19:52

இவங்களோட நாம எதுக்கு இணையனும். இந்தியா பன்மடங்கு முன்னேரிய நாடு. ஒரு படத்துல வடிவேலு போலீசா நடிப்பாரு அப்ப லஞ்சம் வாங்குவாரு கூடவே ஒரு பிச்சைகாரன் வந்து அவனும் பிச்சை கேட்பான். கடைக்காரன் இருவரையும் ஒரு ஓரமா நிக்க சொல்லுவான் அது மாதிரி இருக்கு இந்த ஷரீப் பேச்சு

**Muthumohamed** · **Muthumohamed** Sun 29 Sep 2013 - 1:49

அசுரன் wrote:இவங்களோட நாம எதுக்கு இணையனும். இந்தியா பன்மடங்கு முன்னேரிய நாடு. ஒரு படத்துல வடிவேலு போலீசா நடிப்பாரு அப்ப லஞ்சம் வாங்குவாரு கூடவே ஒரு பிச்சைகாரன் வந்து அவனும் பிச்சை கேட்பான். கடைக்காரன் இருவரையும் ஒரு ஓரமா நிக்க சொல்லுவான் அது மாதிரி இருக்கு இந்த ஷரீப் பேச்சு

சரியான ஒப்புமை ஐ.நா பொது சபை கூட்டத்தில் நவாஸ் ஷெரீப் பேச்சு இந்தியாவும் பாகிஸ்தானும் இணைந்தால் இருதரப்புக்கும் பலன் கிடைக்கும் 3838410834