ஹைக்கூ ( சென்ரியூ ) கவிஞர் இரா .இரவி !

by **eraeravi** Thu Sep 26, 2013 5:29 pm

ஹைக்கூ ( சென்ரியூ ) கவிஞர் இரா .இரவி !

தொட்டில் கட்டில்
மூங்கில்
வாழ்க்கை !

மருமகள் உடைத்தால்
பொன்குடம்
உடையுமா பொன்குடம் !

பசி ஏப்பத்தில் மக்கள்
புளி ஏப்பத்தில்
அரசியல்வாதிகள் !

மணலை கயிறாகத் திரிப்பர்
வானத்தை வில்லாய் வளைப்பர்
அருகில் தேர்தல் !

வல்லவனுக்கு புல்லும் ஆயுதம்
நல்லவனுக்கு தேவையில்லை
ஆயுதம் !

கறுப்புக் கோழி
இட்டது
வெள்ளை முட்டை !

வெற்றிக்கனி
ஈட்டிட ஆயுதம்
முயற்சி !

சாதனைக்கு
வழி
விடாமுயற்சி !

குடிகாரனின்
உயிர் குடித்தது
மது !

வேகத்தின் குறியீடு
விரயமில்லா ஆற்றல்
கொம்பில்லாக் குதிரை !

என் முதுகு
எனக்குத் தெரியும்
கண்ணாடியில் !

நம் உள்ளம்
நமக்குத் தெரியும்
நம்மை உணர்ந்தால் !

நன்றி
அன்புடன்
கவிஞர் இரா .இரவி

www.eraeravi.com

www.kavimalar.com

http://www.eraeravi.blogspot.in/
.
http://www.tamilthottam.in/f16-forum

http://eluthu.com/user/index.php?user=eraeravi

http://www.noolulagam.com/product/?pid=6802#response*

இறந்த பின்னும்
இயற்கையை ரசிக்க
கண் தானம் !

by ராஜு சரவணன் Thu Sep 26, 2013 11:12 pm

தாங்கள் எழுதுவது தமிழில் தானே நண்பரே புன்னகை

அப்புறம் அது என்ன ஹைக்கூ ( சென்ரியூ )

தமிழில் வார்தைகள் வற்றி விட்டதா என்ன ? ....உங்கள் கவிதை அருமை....ஆனால் இந்த ஆங்கில பெயரை தவிர்த்தால் இன்னமும் அழகாக இருக்கும். புன்னகை

by **eraeravi** Fri Sep 27, 2013 6:10 pm

ஹைக்கூ என்பது ஆங்கிலச் சொல் அல்ல ஜப்பானியச் சொல் .பரவலாக எல்லோராலும் அறியப் பட்ட சொல் .

by ராஜு சரவணன் Sat Sep 28, 2013 3:04 pm

eraeravi wrote:ஹைக்கூ என்பது ஆங்கிலச் சொல் அல்ல ஜப்பானியச் சொல் .பரவலாக எல்லோராலும் அறியப் பட்ட சொல் .

சரி ஹைக்கூ என்ற ஜப்பானியச் சொல் தேவையா.... புன்னகை

தமிழில் இதற்கு தமிழில் துளிப்பா, குறும்பா, சிந்தர், கரந்தடி, விடுநிலைப்பா, மின்மினிக்கவிதை, வாமனக் கவிதை, அணில் வரிக் கவிதை என்று பல பெயர்கள் இருக்கும் போது ஏதாவது ஒரு பெயரை பயன்படுத்தி தலைப்பை போடலாமே புன்னகை

கடவுளுக்கு கண்கண்ணாடி போட்டால் எப்படி இருக்குமோ...அப்படி தான் இது போன்ற கவிதைகள். இலக்கியம், கவிதை இதில் போயி மற்ற மொழி சொற்களை பயன்படுத்தினால் அது எப்படி ரசிக்கும்படி இருக்கும். இதை தான் சொல்லவந்தேன் புன்னகை

by **eraeravi** Sat Sep 28, 2013 10:58 pm

எல்லோருக்கும் தெரிந்த சொல் ஒரே சொல் ஹைக்கூ .குழப்பம் வராது .
துளிப்பா, குறும்பா, சிந்தர், கரந்தடி, விடுநிலைப்பா, மின்மினிக்கவிதை, வாமனக் கவிதை, அணில் வரிக் கவிதை குழப்பம் வரும் .பெயர்ச் சொல்லை மொழி பெயர்க்க வேண்டிய அவசியம் இல்லை .எனக்கும் மிகுந்த தமிழ்ப் பற்று உண்டு .

by ராஜு சரவணன் Sun Sep 29, 2013 12:05 am

தமிழில் ஒரு பொருள் கொண்ட பல சொற்கள் இருப்பது ஒன்றும் புதிதல்ல. அது நம் மொழியின் வளம். அதற்காக மற்ற மொழி சொற்களை பயன்படுத்த ஆரம்பித்தால் மொழி சிதைவு தான் ஏற்படும். மேலும் இது போன்று பயன்படுத்த எந்த ஒரு அறிஞரும் சொன்னதாக தெரியவில்லை.தாங்களே குழப்பம் வரும் என்று எண்ணிக்கொள்வது வருந்ததக்கது.

by **eraeravi** Sun Sep 29, 2013 12:45 pm

காபி என்ற ஆங்கிலச் சொல் எல்லோராலும் அறியப்பட்ட ஒன்று .அது போலதான் ஹைக்கூ என்ற சொல்லும் எல்லோராலும் அறியப்பட்ட ஒன்று .காபியை குழம்பி என்பதோ கொட்டை வடி நீர் என்பதோ குழப்புவதாகவே அமையும் .

by ராஜு சரவணன் Sun Sep 29, 2013 1:20 pm

ஹைக்கூ (துளிப்பா) என்று போடலாமே. ஹைக்கூ என்ற சொல்லை பற்றி அறியாதவர்களும் அறிந்துகொள்வார்களே புன்னகை

சரியான தமிழ் சொல் இல்லை என்றால் மற்றமொழி சொற்களை தான் பயன்படுத்த முடியும்.காபிக்கு சரியான தமிழ் பதம் இல்லாத்தால் அதை அப்படியே தான் பயன்படுத்த முடியும்.

ஹைக்கூ என்ற சொல்லிற்கு தமிழில் பல சொற்கள் உள்ளன.

நீங்கள் மட்டும் இல்லை பலரும் ஹைக்கூ என்றுதான் போடுறாங்க. இது எந்த மாதிரியான மொழி பற்று என்று தெரியவில்லை

by ராஜு சரவணன் Sun Sep 29, 2013 1:35 pm

இரண்டு வரி திருக்குறள் சொல்லாத பொருளையா இந்த ஹைக்கூ கள் தர போகிறது. நம்மவர் எப்போதும் அடுத்தவர்களை தூக்கி தலையில் வைத்துக்கொண்டு ஆடுவது பழக்கமாகி விட்டது.