உலகம் சுற்றும் சிங்

**சாமி** · **சாமி** Thu Sep 26, 2013 9:57 am

பிரதமர் மன்மோகன் சிங்கின் வெளிநாட்டுப் பயணத்திற்காக, கடந்த 9 வருடங்களில் விமான பயணச்செலவு ரூபாய் 642 கோடி (ஜூன் 9, 2013 தகவல்படி) செலவிடப்பட்டுள்ளதாக RTI தெரிவித்துள்ளது.

2004 ஆம் ஆண்டிலிருந்து இதுவரை 67 வெளிநாட்டுப்பயணங்கள் மேற்கொண்டிருக்கிறார் சிங். அதில் 5 பயணத்திற்கு இதுவரை வரவுசெலவு கணக்கு கொடுக்கவில்லை சிங். மீதமுள்ள 62 பயணங்களுக்காக ஆன விமானச்செலவு மட்டும் 642.45 கோடியாகும்.

2012 இல் 7 நாள் பயணமாக மெக்ஸிகோவுக்கும் பிரேசிலுக்கும் (G 20 - RIO +20 மாநாடு) போனபோது ஆனதுதான் அதிகபட்ச செலவாகும் 26.94 கோடி

2010 இல் வாஷிங்டன் மற்றும் பிரேசிலுக்கு சென்றபோது ஆன விமான செலவு 22.70 கோடியாகும்

இது வெறும் விமானப்பயணத்திற்கு மட்டும்தான், இதர செலவுகள் தெரியவில்லை.

இதோ வந்துவிட்டது அடுத்த பயணம்:-
ஐ.நா. பொதுச்சபை கூட்டத்தில் பங்கேற்பதற்காக, அமெரிக்கா புறப்பட்டுள்ள பிரதமர் மன்மோகன் சிங், வரும் வெள்ளிக்கிழமை (27.09.2013) பராக் ஒபாமாவைச் சந்தித்துப் பேச்சு நடத்துகிறார்.

அமெரிக்கா புறப்படும் முன் பிரதமர் மன்மோகன் சிங் இன்று வெளியிட்ட செய்திக் குறிப்பில், "வர்த்தகம், முதலீடு, அணுசக்தி, பாதுகாப்பு, சுகாதாரம், கல்வி என பல்வேறு நிலைகளில் அமெரிக்கா உடனான உறவு வலுவாகியிருக்கிறது" என்று குறிப்பிட்டுள்ளார்.

இந்தச் சந்திப்பின்போது, இரு நாடுகளுக்கு இடையிலான உறவுகள், அணுசக்தி ஒப்பந்தம் முதலானவை தொடர்பாக ஒபாமாவுடன் மன்மோகன் சிங் பேசுவார் எனத் தெரிகிறது.

குறிப்பாக, அமெரிக்கா செல்லும் இந்திய ஐ.டி. நிபுணர்களுக்கு யு.எஸ். விசா நடைமுறைகள் மிகக் கடுமையாக உள்ளது தொடர்பாக, ஒபாமாவிடம் அவர் எடுத்துரைப்பார் என நம்பப்படுகிறது.

ஐ.நா. பொதுச்சபை கூட்டம் தொடர்பாகக் குறிப்பிட்டுள்ள பிரதமர், "உலக அளவில் குறிப்பிடத்தக்க அரசியல் மாற்றங்கள் நிகழ்ந்துகொண்டிருக்கின்றன. சர்வதேச அளவில் பொருளாதாரப் பின்னடைவு காணப்படுகிறது. இதன் பின்னணியில், ஐ.நா. பொதுக் கூட்டம் நடக்கிறது.

சர்வதேச நாடுகள் சந்தித்துவரும் சவால்களை, ஐ.நா.வின் பன்முக அணுகுமுறையால்தான் சமாளிக்க முடியும்.

உலக அளவில் ஐ.நா.வின் நடவடிக்கைகள் நம்பகமானவையாக இருப்பதற்கு, ஐ.நா. பாதுகாப்புக் கவுன்சிலில் விரைவில் சீர்திருத்தங்களை மேற்கொள்ள வேண்டியது அவசியம். இதனை எனது உரையில் வலியுறுத்துவேன்.

இந்தப் பயணத்தின்போது, பாகிஸ்தான், வங்கதேசம் உள்ளிட்ட அண்டைநாட்டுத் தலைவர்களுடான சந்திப்பை ஆவலுடன் எதிர்நோக்கியுள்ளேன்" என்று பிரதமர் மன்மோகன் சிங் தெரிவித்துள்ளார்

அசுரன் · அசுரன் Thu Sep 26, 2013 12:55 pm

இவரு போயி மட்டும் என்ன ஆயிட போவுது வெளிநாட்டுக்கு புன்னகை

ஈகரையன் · ஈகரையன் Thu Sep 26, 2013 5:31 pm

இதே மாதிரி தான் பிரதீபா பாட்டில் அம்மையாருக்கும் ஆனா என்ன பிரயோசனம் ?

எவன் வந்தாலும் இந்த மாதிரி நம்ம கட்டுற வரிப்பணத்துல மங்களம் பாடிட்டு போயிட்டே இருப்பாங்க.

அப்துல் கலாம் மாதிரி ஆட்கள் இருந்த காலம் எல்லாம் மறைந்து விட்டது சோகம்

Sponsored content · Sponsored content

உலகம் சுற்றும் சிங்

உலகம் சுற்றும் சிங்

Re: உலகம் சுற்றும் சிங்

Re: உலகம் சுற்றும் சிங்

Re: உலகம் சுற்றும் சிங்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக