ஆம்லெட் வகைகள்

**சிவா** · **சிவா** Wed Sep 25, 2013 5:41 pm

காளான் ஆம்லெட் எளிமையான மற்றும் ஆரோக்கியமான ஒரு ரெசிபி. குறிப்பாக இது நீரிழிவு நோயாளிகளுக்கு ஏற்ற ஒரு உணவு என்றும் சொல்லலாம். ஏனெனில் இதில் சேர்க்கப்படும் காளான், இரத்தத்தில் உள்ள சர்க்கரையின் அளவை கட்டுப்பாட்டுடன் வைக்கிறது. மேலும் இதனை காலையில் சாப்பிட்டால், அது உடலுக்கு வேண்டிய சக்தியையும் கொடுக்கிறது.

இப்போது அந்த காளான் ஆம்லெட்டை எப்படி செய்வதென்று பார்ப்போம்!

காளான் ஆம்லெட் தேவையான பொருட்கள்:

நல்லெண்ணெய் - 2 டேபிள் ஸ்பூன்
வெஜிடேபிள் எண்ணெய் - 1 டேபிள் ஸ்பூன்
பச்சை மிளகாய் - 1 (பொடியாக நறுக்கியது)
இஞ்சி - 1 டேபிள் ஸ்பூன் (துருவியது)
காளான் - 150 கிராம் (சிறியதாக நறுக்கியது)
வெங்காயம் - 2 (நறுக்கியது)
முட்டை - 6 (அடித்தது)
உப்பு - தேவையான அளவு

செய்முறை:

முதலில் ஒரு வாணலியை அடுப்பில் வைத்து, அதில் எண்ணெய்களை ஊற்றி காய்ந்தும், பச்சை மிளகாய், இஞ்சி, வெங்காயம் மற்றும் காளான் சேர்த்து தீயை குறைவில் வைத்து, காளான் பொன்னிறமாகும் வரை வதக்கிக் கொள்ள வேண்டும். பின்பு அதில் உப்பு சேர்த்து நன்கு வதக்கி விட்டு இறக்க வேண்டும். பிறகு அடித்து வைத்திருக்கும் முட்டையில் வதக்கிய கலவையை போட்டு கலந்து கொள்ள வேண்டும். அடுத்து, தோசைக்கல்லை அடுப்பில் வைத்து, அதில் முட்டையை கலவையை ஆம்லெட்டுகளாக போட்டு எடுக்க வேண்டும்.

இப்போது சூப்பரான காளான் ஆம்லெட் ரெடி!!!

**சிவா** · **சிவா** Wed Sep 25, 2013 5:49 pm

பசலைக்கீரை ஆம்லெட்

காலை வேளையில் எளிமையான முறையில் செய்யக்கூடிய ஒரு ஆரோக்கியமான உணவை சாப்பிட நினைத்தால், பசலைக்கீரை ஆம்லெட் செய்து சாப்பிடுங்கள். ஏனெனில் இந்த ரெசிபியில் உள்ள பசலைக்கீரை மற்றும் முட்டையைக் கொண்டு போடப்படும் ஆம்லெட்டில், உடலுக்கு வேண்டிய அனைத்து சத்துக்களும் கிடைத்து, அந்த நாள் முழுவதும் நன்கு சுறுசுறுப்புடன் செயல்பட முடியும். மேலும் இந்த ரெசிபியை குழந்தைகளும் விரும்பி சாப்பிடுவார்கள். குறிப்பாக காலையில் ஒரு டம்ளர் பால் குடித்துவிட்டு, இந்த பசலைக்கீரை ஆம்லெட் போட்டு சாப்பிட்டால், வயிறு நிறையும்.

பசலைக்கீரை ஆம்லெட் தேவையான பொருட்கள்:

முட்டை - 2
பசலைக்கீரை - 1 கப்
சீஸ் - 1 கட்டி (துருவியது)
மிளகு - 1/2 டீஸ்பூன்
உலர்ந்த கற்பூரவள்ளி இலை - 1/2 டீஸ்பூன்
கொத்தமல்லி - 1 கட்டு (நறுக்கியது)
வெண்ணெய் - 1 டீஸ்பூன்
பால் - 1 டேபிள் ஸ்பூன்
உப்பு - தேவையான அளவு

செய்முறை:

முதலில் ஒரு பாத்திரத்தில் தண்ணீரை ஊற்றி அடுப்பில் வைத்து, நன்கு கொதிக்க விட வேண்டும். தண்ணீரானது நன்கு கொதித்ததும், அதில் பசலைக்கீரையை போட்டு, மூடி வைத்து 2-3 நிமிடம் வேக வைத்து இறக்க வேண்டும். பின்னர் அதில் உள்ள நீரை வடித்துவிட்டு, கையால் அதனை லேசாக பிசைந்து தனியாக வைத்துக் கொள்ள வேண்டும். பின்பு ஒரு பௌலில் முட்டைகளை உடைத்து ஊற்றி, பால், உப்பு, மிளகு மற்றும் உலர்ந்த கற்பூரவள்ளி இலைகளைப் போட்டு நன்கு அடித்துக் கொள்ள வேண்டும். பிறகு அதில் பசலைக்கீரை மற்றும் கொத்தமல்லியைப் போட்டு, மீண்டும் நன்கு அடித்துக் கொள்ள வேண்டும். இறுதியில் ஒரு தோசைக்கல்லை அடுப்பில் வைத்து, அதில் வெண்ணெய் போட்டு உருகியதும், அடித்து வைத்துள்ள முட்டைக் கலவையை ஆம்லெட்டுகளாக ஊற்றி, சீஸை தூவி, முன்னும் பின்னும் வேக வைத்து எடுத்தால், சூப்பரான பசலைக்கீரை ஆம்லெட் ரெடி!!!

**சிவா** · **சிவா** Wed Sep 25, 2013 5:57 pm

வெஜிடேபிள் ஆம்லெட்

வெஜிடேபிள் ஆம்லெட் தேவையான பொருட்கள்:

முட்டை - 2-3
வெங்காயம் - 1 (நறுக்கியது)
தக்காளி - 1/2 (நறுக்கியது)
பச்சை மிளகாய் - 2 (நறுக்கியது)
பீன்ஸ் - 1 (நறுக்கியது)
மிளகு தூள் - 1 சிட்டிகை
மிளகாய் தூள் - 1/2 டீஸ்பூன்
பால் - 1 டேபிள் ஸ்பூன்
உப்பு - தேவையான அளவு
எண்ணெய் - தேவையான அளவு

செய்முறை:

முதலில் முட்டையை ஒரு பாத்திரத்தில் உடைத்து ஊற்றி, நன்கு அடித்துக் கொள்ள வேண்டும். பின் அதில் பால், வெங்காயம், தக்காளி, பீன்ஸ், பச்சை மிளகாய், உப்பு, மிளகு தூள் மற்றும் மிளகாய் தூள் சேர்த்து நன்கு கலந்து கொள்ள வேண்டும். அடுத்து தோசைக் கல்லை அடுப்பில் வைத்து, சூடேற்ற வேண்டும். கல்லானது சூடானதும், அதில் சிறிது எண்ணெய் ஊற்றி, அடித்து வைத்துள்ள முட்டையை ஆம்லெட் போல் ஊற்றி, தீயை குறைவில் வைத்து, முன்னும், பின்னும் வேக வைத்து எடுக்க வேண்டும். இப்போது சுவையான வெஜிடேபிள் ஆம்லெட் ரெடி!!!

**சிவா** · **சிவா** Wed Sep 25, 2013 6:00 pm

ப்ரெஞ்ச் உருளைக்கிழங்கு ஆம்லெட்

இது சாதாரணமாக செய்யும் ஆம்லெட் போன்றது தான். ஆனால் என்ன உருளைக்கிழங்கு சேர்த்ததால், இது உருளைக்கிழங்கு ஆம்லெட் ஆயிற்று. சரி, இப்போது அந்த ப்ரெஞ்ச் உருளைக்கிழங்கு ஆம்லெட்டை எப்படி செய்வதென்று பார்ப்போமா!!!

ப்ரெஞ்ச் உருளைக்கிழங்கு ஆம்லெட் தேவையான பொருட்கள்:

முட்டை - 3
உருளைக்கிழங்கு - 2 (தோலுரித்து, சிறிதாக நறுக்கியது)
வெண்ணெய் - 2 டீஸ்பூன்
கொத்தமல்லி - 2 டீஸ்பூன் (நறுக்கியது)
உப்பு - தேவையான அளவு
மிளகுத் தூள் - தேவையான அளவு

செய்முறை:

முதலில் ஒரு அகன்ற பேனை அடுப்பில் வைத்து, அதில் வெண்ணெய் போட்டு உருகியதும், உருளைக்கிழங்கைப் போட்டு, பொன்னிறமாக வறுக்க வேண்டும். அதே சமயம் ஒரு பௌலில் முட்டையை உடைத்து ஊற்றி, கொத்தமல்லி, உப்பு மற்றும் மிளகுத் தூள் சேர்த்து நன்கு அடித்துக் கொள்ள வேண்டும். பிறகு அந்த உருளைக்கிழங்கின் மீது அடித்து வைத்துள்ள முட்டையை ஆம்லெட் போல் ஊற்றி, முட்டையை நன்கு வேக வைத்து, கவனமாக மடித்து ஒரு தட்டில் வைக்க வேண்டும். இப்போது சுவையான ப்ரெஞ்ச் உருளைக்கிழங்கு ஆம்லெட் ரெடி!!!

பூவன் · பூவன் Wed Sep 25, 2013 6:00 pm

ஆம்லெட் வகைகள் அனைத்தும் அருமை , புது தகவல் முயற்சி செய்து பார்க்கிறேன் அண்ணா

**சிவா** · **சிவா** Wed Sep 25, 2013 6:03 pm

பூவன் wrote:ஆம்லெட் வகைகள் அனைத்தும் அருமை , புது தகவல் முயற்சி செய்து பார்க்கிறேன் அண்ணா

நீங்கள் முயற்சி செய்து, அதைச் சாப்பிடப் போகும் அந்த துரதிஷ்டசாலி யார் பூவன்! சிரி சிரி

**கரூர் கவியன்பன்** · 23/09/2012

சிவா wrote:
பூவன் wrote:ஆம்லெட் வகைகள் அனைத்தும் அருமை , புது தகவல் முயற்சி செய்து பார்க்கிறேன் அண்ணா
நீங்கள் முயற்சி செய்து, அதைச் சாப்பிடப் போகும் அந்த துரதிஷ்டசாலி யார் பூவன்!

வேற யாரு நீங்க தான்

**சிவா** · **சிவா** Wed Sep 25, 2013 6:11 pm

கரூர் கவியன்பன் wrote:
சிவா wrote:
பூவன் wrote:ஆம்லெட் வகைகள் அனைத்தும் அருமை , புது தகவல் முயற்சி செய்து பார்க்கிறேன் அண்ணா
நீங்கள் முயற்சி செய்து, அதைச் சாப்பிடப் போகும் அந்த துரதிஷ்டசாலி யார் பூவன்!
வேற யாரு நீங்க தான்

அய்யஹோ, இது பகிரங்கமான கொலை முயற்சி! பிடியுங்கள் பூவனை! அடையுங்கள் கவிதை எழுதப் பேப்பரில்லாத சிறையில்!

யினியவன் · யினியவன் Wed Sep 25, 2013 6:13 pm

சிவா wrote:அய்யஹோ, இது பகிரங்கமான கொலை முயற்சி! பிடியுங்கள் பூவனை! அடையுங்கள் கவிதை எழுதப் பேப்பரில்லாத சிறையில்!

ஆம்லெட் போடுவது மட்டும் கோழி வளர்ப்பு திட்டமா?

பூவன் · பூவன் Wed Sep 25, 2013 6:14 pm

சிவா wrote:
பூவன் wrote:ஆம்லெட் வகைகள் அனைத்தும் அருமை , புது தகவல் முயற்சி செய்து பார்க்கிறேன் அண்ணா
நீங்கள் முயற்சி செய்து, அதைச் சாப்பிடப் போகும் அந்த துரதிஷ்டசாலி யார் பூவன்!

முதல் சோதனை யினியவன் அண்ணா

Sponsored content · Sponsored content

ஆம்லெட் வகைகள்

ஆம்லெட் வகைகள்

Re: ஆம்லெட் வகைகள்

Re: ஆம்லெட் வகைகள்

Re: ஆம்லெட் வகைகள்

Re: ஆம்லெட் வகைகள்

Re: ஆம்லெட் வகைகள்

Re: ஆம்லெட் வகைகள்

www.karurkaviyanban.blogspot.in

Re: ஆம்லெட் வகைகள்

Re: ஆம்லெட் வகைகள்

Re: ஆம்லெட் வகைகள்

Re: ஆம்லெட் வகைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக