ஊட்டிக்கு ரூ.200 கோடியில் 3வது மலைப்பாதை

17/02/2013

மஞ்சூர் : ஊட்டிக்கு 3வது மலைப்பாதை அமைப்பதற்கான சர்வே பணி முடிந்துள்ளது. நீலகிரி வரும் சுற்றுலா பயணிகள் மேட்டுப்பாளையத்தில் இருந்து பர்லியார், குன்னு£ர் வழியாகவும், இரண்டாவது பாதையாக மேட்டுப்பாளையம், குஞ்சப்பனை, கோத்தகிரி வழியாகவும் வந்து செல்கின்றனர். இதில், நாளுக்கு நாள் அதிகரித்து வரும் வாகனங்களால், அடிக்கடி போக்குவரத்து நெரிசல் ஏற்படுகிறது. குறிப்பாக சீசன் சமயங்களில் வாகனஓட்டிகள் நிலைமை பெரிதும் பரிதாபத்திற்குரியதாக உள்ளது. இதுமட்டுமின்றி பருவ மழை காலங்களில் ஏற்படும் இயற்கை சீற்றங்களால் மண் மற்றும் நிலச்சரிவால், போக்குவரத்து கடுமையாக பாதிக்கப்படுகிறது.

இதனால் வெளிமாவட்டங்களில் இருந்து வருபவர்கள் மட்டுமின்றி உள்ளூர் பொதுமக்களும் கடும் அவதிக்குள்ளாகி வருகின்றனர். இதையடுத்து பொதுமக்கள் நலன் கருதி, ஊட்டியில் இருந்து மஞ்சூர், கெத்தை, வெள்ளியங்காடு, காரமடை வழியாக கோவைக்கு 3வது மலை பாதை அமைக்க தமிழக அரசு முடிவு செய்துள்ளது. ஏற்கனவே மஞ்சூரில் இருந்து கெத்தை, முள்ளி, வெள்ளியங்காடு, காரமடை வழியாக கோவைக்கு அரசு பஸ்கள் இயக்கப்பட்டு வருகிறது.

இச்சாலை குறிப்பிட்ட தூரம் மின்வாரியம், வனத்துறை மற்றும் நெடுஞ்சாலைதுறை ஆகியவற்றின் கட்டுப்பாட்டில் உள்ளது. இந்த சாலையை மேம்படுத்த ரூ.200 கோடி திட்டம் தயாரிக்கப்பட்டுள்ளது. இதற்கான சர்வே பணி முடிவடைந்துள்ளது. வனத்துறையின் அனுமதி கிடைத்தவுடன் சாலை சீரமைப்பு பணி துவங்கும் என நெடுஞ்சாலைதுறையினர் தெரிவித்தனர்.

எக்ஸ்ட்ரா தகவல்

ஊட்டி, கோவை 3வது பாதையில் உள்ள 56 கொண்டை ஊசி வளைவுகளில் பிரெஞ்ச் தொழில் நுட்பத்தை பயன்படுத்தி நவீன முறையில் தடுப்பு சுவர்கள் அமைக்கப்படவுள்ளன.

நன்றி தினகரன்

பூவன் · பூவன் Mon Sep 23, 2013 9:44 am

ஊட்டி, கோவை 3வது பாதையில் உள்ள 56 கொண்டை ஊசி வளைவுகளில் பிரெஞ்ச் தொழில் நுட்பத்தை பயன்படுத்தி நவீன முறையில் தடுப்பு சுவர்கள் அமைக்கப்படவுள்ளன.

ஐயா இதெல்லாம் நம்பும் படியாக இல்லை , ஏற்கனவே இருக்கும் குன்னூர் வழியாக செல்லும் பாதை 17 வளைவுகளை மட்டுமே கொண்டு உள்ளது இடையே இன்னும் சரியாக சீரமைக்க முடியவில்லை அரசால் , இதில் பிரெஞ்ச் தொழில்நுட்பமா ?
என்ன கொடுமை சார் இது , கோத்தகிரி வழியான பாதை கடந்த மாதம் சிறந்த முறையில் சீரமைக்க பட்டது காரணம் அம்மா அந்த வழியாக கொடநாடு செல்வதால் மட்டுமே இது பொதுமக்கள் நலன் கிருதி இல்லை என்பதை மனதில் கொள்ளவும் ஹெலிபேட் வானநிலை சரி இல்லாத காரணத்தால் இந்த பாதை கட்டாய முறையில் 2 நாட்களில் சரி செய்ய பட்டது .. , ஊட்டிக்கு இது சாத்தியமா என்றால் கடினம் தான் ,

சுமார் 100 ஆண்டுகளுக்கு முன்னர் ஆங்கிலேயர் கண்டறிந்த மலை ரயில் பாதை இன்னும் கூட மழை காலங்கள் வந்தால் வார கணக்கில் நின்று விடுகிறது , இதை சரி செய்ய ஒரு தனிக்குழு அமைத்து ஆராய்சி மட்டுமே நடத்துகிறார்கள் , இறுதியில் இழுவை திறன் குறைவு என்ற பெயரில் இருக்கிற நாலு பெட்டியை ஒரு பெட்டியை குறைத்து 3 ஆக்கி ஓட செய்ய மட்டுமே முடிகிறது நம்மால் , அதும் நாம் நாட்டு பொறியாளர் வருவதில்லை , வெளிநாட்டு பொறியாளர் மட்டுமே இதை செய்கிறார்கள் ...

இது நடந்தால் சந்தோசமே ...

mbalasaravanan · mbalasaravanan Mon Sep 23, 2013 10:59 am

முடிஞ்சதுக்கப்புறம் சொல்வாங்க எவ்ளோ ஊழல்னு

பூவன் · பூவன் Mon Sep 23, 2013 11:12 am

180 கோடி ஊழல் 20 கோடி செலவு ...

யினியவன் · யினியவன் Mon Sep 23, 2013 11:36 am

வந்தால் நன்று.

இன்று திட்டங்கள் திட்டமிடப்படுவது திருடத்தானோன்னு தோன்றுவது இயல்பாகிவிட்டது.

பூவன் · பூவன் Mon Sep 23, 2013 11:38 am

யினியவன் wrote:வந்தால் நன்று.

இன்று திட்டங்கள் திட்டமிடப்படுவது திருடத்தானோன்னு தோன்றுவது இயல்பாகிவிட்டது.

வரும் ஆனால் சிலகாலங்கள் தான் தொடர்ந்து வரும் அப்புறம் வராது இந்த பாதை ...

**பார்த்திபன்** · 24/07/2011

எத்தனை மரங்கள் பலியாகப் போகின்றனவோ இத்திட்டத்திற்கு? சோகம்

Sponsored content · Sponsored content

ஊட்டிக்கு ரூ.200 கோடியில் 3வது மலைப்பாதை

ஊட்டிக்கு ரூ.200 கோடியில் 3வது மலைப்பாதை

Re: ஊட்டிக்கு ரூ.200 கோடியில் 3வது மலைப்பாதை

Re: ஊட்டிக்கு ரூ.200 கோடியில் 3வது மலைப்பாதை

Re: ஊட்டிக்கு ரூ.200 கோடியில் 3வது மலைப்பாதை

Re: ஊட்டிக்கு ரூ.200 கோடியில் 3வது மலைப்பாதை

Re: ஊட்டிக்கு ரூ.200 கோடியில் 3வது மலைப்பாதை

Re: ஊட்டிக்கு ரூ.200 கோடியில் 3வது மலைப்பாதை

Re: ஊட்டிக்கு ரூ.200 கோடியில் 3வது மலைப்பாதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக