நவநீதம்பிள்ளையிடம் முறையிட்ட இலங்கைத் தமிழர்களுக்கு அச்சுறுத்தல்: இலங்கை எம்.பி. தகவல்

17/02/2013

இலங்கைக்குச் சென்றிருந்த ஐ.நா.சபையின் மனித உரிமை ஆணையர் நவநீதம்பிள்ளையிடம் தங்கள் குறைகளைத் தெரிவித்த இலங்கைத் தமிழர்களுக்கு அச்சுறுத்தல் உள்ளதாக அந்நாட்டு எம்.பி. யோகேஸ்வரன் தெரிவித்தார்.

விநாயகர் சதுர்த்தியை முன்னிட்டு தமிழகத்தில் உள்ள வழிபாட்டுத் தலங்களுக்கு இலங்கை நாடாளுமன்ற உறுப்பினர் யோகேஸ்வரன் சுற்றுப்பயணம் செய்து வருகிறார். அதன் ஒரு பகுதியாக சென்னையில் இந்து அமைப்புகள் ஏற்பாடு செய்திருந்த விநாயகர் சதுர்த்தி விழாவில் புதன்கிழமை (செப்.11) கலந்துகொண்டார்.

அப்போது செய்தியாளர்களிடம் யோகேஸ்வரன் கூறியதாவது:

ஐ.நா.சபையின் மனித உரிமை ஆணையர் நவநீதம்பிள்ளை இலங்கையில் 7 நாள்கள் தங்கியிருந்து, அங்கு நடைபெற்ற உள்நாட்டுப் போரின் உண்மை நிலை குறித்து பாதிக்கப்பட்ட மக்களிடம் கேட்டு அறிந்தார். அப்போது பலதரப்பட்ட மக்கள் தங்கள் பாதிப்பையும், இழப்புகளையும் தெரிவித்தனர். அவ்வாறு தெரிவித்த இலங்கைத் தமிழர்களுக்கு தற்போது அச்சுறுத்தல் வருகிறது. எனினும் இதுதொடர்பாக அடுத்த ஆண்டில் நவநீதம்பிள்ளை வெளியிட உள்ள அறிக்கையை சர்வதேச நாடுகள் கவனத்தில் எடுத்துக் கொள்ளும் என்று எதிர்பார்க்கிறோம். அதன் காரணமாக இலங்கைத் தமிழர்களின் அரசியல் உரிமைகள் மீண்டும் கிடைக்கும் எனவும் நம்புகிறோம். இலங்கையில் வடக்கு மாகாணத்தில் தேர்தல் நடைபெற உள்ளது.

தேர்தல் முறையாக நடைபெறும் பட்சத்தில் தமிழ்த் தேசியக் கூட்டமைப்பைச் சேர்ந்த உறுப்பினர்கள் 30-க்கும் அதிகமான தொகுதிகளைக் கைப்பற்றுவார்கள் என்ற நம்பிக்கை உள்ளது என்றார்

நன்றி தினமணி

mbalasaravanan · mbalasaravanan Mon Sep 23, 2013 11:08 am

நவநீதம்பிள்ளையிடம் முறையிட்ட இலங்கைத் தமிழர்களுக்கு அச்சுறுத்தல்: இலங்கை எம்.பி. தகவல்

நவநீதம்பிள்ளையிடம் முறையிட்ட இலங்கைத் தமிழர்களுக்கு அச்சுறுத்தல்: இலங்கை எம்.பி. தகவல்

Re: நவநீதம்பிள்ளையிடம் முறையிட்ட இலங்கைத் தமிழர்களுக்கு அச்சுறுத்தல்: இலங்கை எம்.பி. தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக