முதுகுளத்தூர் அருகே குடிசையில் வாழும் ஊராட்சி தலைவர்: 100நாள் வேலையை நம்பி குடும்பத்தினர்

முதுகுளத்தூர்:ஆடம்பரமாக வாழும் ஊராட்சி தலைவர்களுக்கு மத்தியில், முதுகுளத்தூர் அருகே விளக்கனேந்தல் ஊராட்சி தலைவர் குடிசையில் எளிமையாக வாழ்ந்து மக்கள் பணியை செய்து வருகிறார்.

உள்ளாட்சி தேர்தல்களில், பல லட்சம் ரூபாய் செலவு செய்து கவுன்சிலர்கள், ஊராட்சி தலைவர், மாவட்ட கவுன்சிலர் போன்ற பதவிகளை பெறும் நிலைதான் பரவலாக உள்ளது. பதவிக்கு வந்தபின் ஆடம்பரமான வாழ்க்கை, மேலும் பல பதவிகளை பெற போட்டி என உள்ளநிலையில், ஆடம்பரமின்றியும், எளிமையாகவும் மக்கள் பணியே மகேசன் பணி என்ற போக்கில், ராமநாதபுரம் மாவட்டம், முதுகுளத்தூர் ஒன்றியம் விளக்கனேந்தல் ஊராட்சி தலைவர் ராமையா செயல்பட்டு வருகிறார். இவர் இரண்டு முறை ஊராட்சி தலைவராக இருந்தும், இன்னும் சிறிய குடிசை வீட்டில் உட்கார சேர்கூட இல்லாதநிலையில், தனது மனைவியுடன் வசித்து வருகிறார். இவர் மக்கள் பணி மேற்கொள்வதால், வீட்டு செலவுக்கு இவரது மனைவி செல்வி, நூறுநாள் வேலைக்கு சென்று, அதில் கிடைக்கும் சம்பளத்தில் குடும்பத்தை நடத்துகின்றனர். பல ஆண்டுகளுக்கு முன் அரசு வழங்கிய இலவச வீட்டில் வசித்து வந்தநிலையில், தற்போது அந்தவீடு சேதமடைந்துவிட்டதால், அருகில் சிறிய குடிசையில் குடும்பத்துடன் தங்கி மக்கள் பணியை செய்து வருகிறார். தனக்கு என, இரு சக்கர வாகனம் கூட இல்லாததால், அருகில் உள்ள பகுதிகளுக்கு நடந்தே செல்கிறார். இவரது சேவை இப்பகுதி மக்களை பெரிதும் கவந்துள்ளதால், இவரை தொடர்ந்து வெற்றி பெற செய்கின்றனர்.

ஊராட்சி தலைவர் ராமையா கூறும்போது,""2006 ல் போட்டியின்றி தேர்வு செய்யபட்டேன். 2011ல், போட்டியிருந்தாலும், மக்களுக்கு செய்த சேவையின் பிரதிபலனாக மீண்டும் தலைவராகும் வாய்ப்பு கிடைத்தது. சொந்தவீடு இல்லாததால், குறைந்த தொகையில், கூரை வீடு அமைத்து, எளியமுறையில் குடும்பத்தினருடன் சந்தோசமாக வாழ்ந்து வருவதில் அதிக சுகம். மழை காலத்தில் மட்டும் மழைநீர் வீட்டிற்குள் வந்துவிடும். அப்போதுதான் குழந்தைகளை வைத்து கொண்டு இரவில் தூங்குவது சிரமமாக இருக்கும்'' என்றார்.

நண்பரே அவரது புகைப்படம் வெளியிடலாமே

mbalasaravanan wrote:நண்பரே அவரது புகைப்படம் வெளியிடலாமே

மேலேயே இணைத்திருக்கிறேனே நண்பா

இதை மேலே இணையுங்கள் செ பா படம் தெரியும் , நீங்கள் இணைத்த பட லிங்க் வேலை செய்யவில்லை

பூவன் wrote:

இதை மேலே இணையுங்கள் செ பா படம்  தெரியும்  ,  நீங்கள்  இணைத்த பட லிங்க் வேலை செய்யவில்லை

நன்றி பூவன் ஆனால் முன்பு எனக்குத் தெரிந்ததே? பரவாயில்லை இப்போது இணைத்துவிட்டேன்.

இப்படி வாழ்பவரை நம்ம அரசியல் வியாதிகள் பிழைக்க தெரியாதவர்கள் என்பார்கள்
நல்ல மனிதர்

ஊராட்சித் தலைவர் என்கிற பதவியையே கேவலப்படுத்திவிட்டார். இவரைப் பிடித்து உள்ளே போட வேண்டும். சொத்து சேர்க்கத் தெரியாதவர் அப்பதவியில் இருந்து என்ன? இல்லையென்றால் என்ன? இப்பதவியின் மூலம் சம்பாதித்துக் கொழுத்துத் திரியும் மற்ற ஊராட்சித் தலைவர்களின் மனம் இதைப் படிக்கும்போது என்ன பாடுபடும்?

நல்ல மனிதர்

எனக்கு இன்னும் படம் தெரிய வில்லை