சாப்பிட்டுவிட்டு பணம் தராததால் வாலிபர் அடித்து கொலை: ஓட்டல் அதிபர் கைது

by மீனு Wed Oct 28, 2009 4:44 am

ஓட்டலில் சாப்பிட்டுவிட்டு பணம் கொடுக்காததால் ஏற்பட்ட தகராறில் வாலிபர் அடித்துக் கொலை செய்யப்பட்டார். ஓட்டல் அதிபரை போலீசார் கைது செய்தனர்.

கோவை சீரநாயக்கன்பாளையம் திலகர் வீதியை சேர்ந்தவர் ஸ்ரீஹரி என்ற சீனிவாசன் (25). நண்பர்கள் சந்திரசேகர் (38), பாலகிருஷ்ணன்(27), தமிழ்மணி ஆகியோருடன் நேற்று முன்தினம் இரவு துடியலூர் காவல்நிலையம் அருகே உள்ள ஓட்டலுக்கு சாப்பிட சென்றார். அப்போது சீனிவாசன் வாந்தி எடுத்துள்ளார். இதை ஓட்டல் உரிமையாளர் கோபாலகிருஷ்ணன் மற்றும் ஊழியர்கள் கண்டித்தனர். சாப்பிட்டதற்கான பில் தொகையை தர மறுத்ததால் அவர்களுக்குள் தகராறு ஏற்பட்டது. ஒருவரையருவர் தாக்கிக் கொண்டனர்.

கோபாலகிருஷ்ணனின் கார் மற்றும் தனியார் இன்ஜினியரிங் கல்லூரி பஸ்சை 4 பேரும் சேதப்படுத்தினர். துடியலூர் போலீசில் கோபாலகிருஷ்ணன் புகார் செய்தார். போலீசார் சென்று சந்திரசேகர், பாலகிருஷ்ணனை கைது செய்தனர். தமிழ்மணி தப்பிவிட்டார்.

தாக்குதலில் காயமடைந்த சீனிவாசன் கோவை அரசு மருத்துவமனையிலும், ஓட்டல் உரிமையாளர் கோபாலகிருஷ்ணன் துடியலூர் தனியார் மருத்துவமனையிலும் சேர்க்கப்பட்டனர். சிகிச்சை பலனின்றி இன்று அதிகாலை சீனிவாசன் இறந்தார். இதையடுத்து ஓட்டல் அதிபர் கோபாலகிருஷ்ணனை போலீசார் கைது செய்தனர். மேலும் 2 பேரை தேடி வருகின்றனர்.

by **Manik** Wed Oct 28, 2009 8:59 am

கண்டிப்பா இவர்களை கொலை செய்வதில் ஆச்சரியம் இல்லை..... மவனே தண்ணி அடிச்சா வீட்டுல போய் வாந்தி எடுக்கனும் கடைல எடுத்த எந்த பன்னாட அத சுத்தம் செய்வான்..... குடித்துவிட்டு கும்மாளம் போடும் கோஷ்டிகளை கண்டால் பாத்த இடத்துல வெட்டனும்னு 1 தீர்ப்பு கொண்டு வரனும்.... அப்பதான் இந்த நாடு உறுப்படும்.

சாப்பிட்டுவிட்டு பணம் தராததால் வாலிபர் அடித்து கொலை: ஓட்டல் அதிபர் கைது

சாப்பிட்டுவிட்டு பணம் தராததால் வாலிபர் அடித்து கொலை: ஓட்டல் அதிபர் கைது

Re: சாப்பிட்டுவிட்டு பணம் தராததால் வாலிபர் அடித்து கொலை: ஓட்டல் அதிபர் கைது