முருகனை வணங்குவோம்!

**சாமி** · **சாமி** Fri Sep 20, 2013 10:37 pm

* தமிழ் தெய்வமான முருகன் கருணை மிக்க ஆறுமுகங்களும், பன்னிரண்டு கரங்களும் கொண்டு அடியார்களுக்கு வாரிவழங்கும் வள்ளலாக விளங்குகிறான்.

* வெற்றி வேலை வணங்கியவர்களுக்கு தீவினை அகலும். இதையே, "வேலுண்டு வினையில்லை' என்னும் பழமொழியாக கூறினார்கள்.

* ஆறுமுகனை தாங்கும் பேறு பெற்றது மயில். முருகனின் திருவடிகளைச் சுமக்கும் மயிலை வணங்குபவர்களுக்கு பயம் நீங்கும்.

* உயிர்களை எமன் பாசக்கயிற்றால் கட்டி இழுப்பான். ஆனால், முருகனின் அடியார்களைக் கண்டால் அஞ்சுவான்.

* நம் இதயக்குகையில் முருகன் வீற்றிருக்கிறான். அதனால், அவனை "குகன்' என்று போற்றுவர்.

* முதலும், முடிவும் எனப்படும் ஆதி அந்தமில்லாதவன் முருகன். அவனுடைய திருவடிகளைச் சரணடைந்தவர்களுக்கு இப்பிறவியில் நல்வாழ்வும், இனி பிறவாத முக்தி இன்பமும் உண்டாகும்.

* கடவுள் எல்லா இனங்களையும் படைத்துஇருக்கிறார். ஆனால், மனிதனுக்கு மட்டுமே மனம் என்னும் கருவியைக் கொடுத்திருக்கிறார். மனதால் நன்றி உணர்வோடு கடவுள்மீது பக்தி செலுத்த வேண்டியது கடமை.

* தினமும் மாலையில் குடும்பத்துடன் அமர்ந்து கூட்டு வழிபாடு செய்ய வேண்டும். இதனால், குடும்பத்தில் ஒற்றுமை, தெய்வகடாட்சம் நிறைந்திருக்கும். குடும்பத்தலைவர் பாடல்களைச் சொல்ல மற்றவர்கள் வழிமொழிய வேண்டும்.

* பசுவின் மடியில் இருந்து பால் சுரப்பது போல, கோயிலில் பக்தி உணர்வு சுரக்கிறது. அதனால் ஆலயவழிபாட்டை வாரம் ஒருமுறையாவது, செய்யவேண்டியது அவசியம்.

* பன்னிருகைகளால் வாரி வழங்கும் வள்ளலாக முருகப்பெருமான் வீற்றிருக்கிறார். வாழ்வு வளம் பெற ஆறுமுகனின் திருவடிகளைப் பணியுங்கள்.

* உயிர்கள் மீண்டும் மீண்டும் பிறவி எடுத்து ஆறுதல் இன்றி அலைகின்றன. அறுபடை வீடுகளைத் தரிசித்தால் வாழ்வில் நிம்மதி நிலைத்திருக்கும்.

- திருமுருக கிருபானந்த வாரியார்
நன்றி-தினமலர்

**M.M.SENTHIL** · **M.M.SENTHIL** Sat Sep 21, 2013 11:22 am

தமிழ் கடவுளாம் முருகனை
யானை முகத்தோனின் அண்ணனை
வணங்கி வளம் பெறுவோம் !!

பதிவிட்ட சாமிக்கு முருகன் அருள் கிட்டட்டும்

mbalasaravanan · mbalasaravanan Sat Sep 21, 2013 11:38 am

M.M.SENTHIL wrote:தமிழ் கடவுளாம் முருகனை
யானை முகத்தோனின் அண்ணனை
வணங்கி வளம் பெறுவோம் !!

பதிவிட்ட சாமிக்கு முருகன் அருள் கிட்டட்டும்

சிறு தவறு உள்ளது திருத்தி விட்டேன்
தமிழ் கடவுளாம் முருகனை
யானை முகத்தோனின் தம்பியை
வணங்கி வளம் பெறுவோம் !!

Sponsored content · Sponsored content

முருகனை வணங்குவோம்!

முருகனை வணங்குவோம்!

Re: முருகனை வணங்குவோம்!

Re: முருகனை வணங்குவோம்!

Re: முருகனை வணங்குவோம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக