குற்றால நாதர் சித்திரசபை குடமுழுக்கு

**சிவா** · **சிவா** Fri Sep 20, 2013 1:46 pm

நெல்லை மாவட்டம் குற்றாலத்தில் பிரசித்தி பெற்ற குற்றால நாதரின் துணைக் கோவிலான சித்திரசபை அமைந்துள்ளது. ஆடவல்லான் திருத்தாண்டவம் ஆடிய 5 அதிசய சபைகளில் சித்திரசபையும், ஒன்று. நடராஜபெருமான், சிவபெருமான் ஆகிய தெய்வங்களின் உருவங்கள் பண்டைக்காலங்களில் இங்குள்ள மூலிகைச் சாறு கொண்டு வரையப்பட்டு அழியா ஒவியமாக காட்சியளித்து வந்தது ஆண்டு தோறும் மார்கழி மாத காலங்களில் சிறப்பு வழிபாடுகளும் நடைபெறும்.

பல ஆண்டுகளாக சித்திரசபையின், ஒவியங்கள் புதுப்பிக்கப்படாத நிலையில் தற்போது, சபையின் திருப்பணிகள் நடந்ததோடு ஒவியங்களும் புதுப்பிக்கப்பட்டு மெருகூட்டப்பட்டன. பின்பு அதற்கான திருக்குட நன்னீராட்டு பெருவிழா நடந்ததோடு செப் 16 அன்று குடமுழுக்கு விழாவும் நடந்தது முன்னதாக யாக சாலை பிரவேசம், முதல்கால யாக சாலை பூஜை, கணபதி பூஜையோடு தொடர்ந்து தீபாராதனையும் நடந்தது.

கும்பாபிஷேகத்தை முன்னிட்டு பஞ்சவாத்தியங்கள், மேள தாளாங்கள் முழங்க காலை 9.21 மணிக்கு சித்திரசபை விமானங்களில் மகா கும்பாபிஷேகம் நடந்தது. இதனை தரிசித்த ஆயிரக்கணக்கான பக்கதர்கள் சிவ நாமத்தை உச்சரித்தனர்.

அறநிலைத்துறை ஆணையர் அன்புமணி, மற்றும் துறை அதிகாரிகள் இதற்கான ஏற்பாடுகளை சிறப்பாகச் செய்திருந்தனர் மாவட்டத்தின் முக்கியப் பிரமுகர்கள் பலர் கலந்து கொண்டனர்.

mbalasaravanan · mbalasaravanan Fri Sep 20, 2013 5:18 pm

முன்பெல்லாம் குற்றாலம் போயி குற்றால நாதரை தரிசிப்பார் இப்பெல்லாம் குடிசூடு குளிக்க போறாங்க

குற்றால நாதர் சித்திரசபை குடமுழுக்கு

குற்றால நாதர் சித்திரசபை குடமுழுக்கு

Re: குற்றால நாதர் சித்திரசபை குடமுழுக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக