கொட்டிக்கிழங்கோஓஓஓ... கிழங்கு!

[You must be registered and logged in to see this image.]
-
சோழனுடைய அரண்மனையில் கம்பருக்கு அணுக்க
உரிமைகள்  இருந்தன.
                   
ஒருமுறை ஒரே பந்தியில் அமர்ந்து சாப்பிட கம்பர்,
அம்பிகாபதி, சோழர், ஒட்டக்கூத்தர் ஆகியோர்
ஆரம்பித்தனர். அப்போது அமராவதி (அரசரின் மகள்)
எங்கிருந்தோ வந்தாள். அவளும் ஒரு வட்டிலைச்
சுமந்துகொண்டு ஏதோ பலகாரத்தைப் பரிமாற
வந்தாள்.
-
                   
அதைக் கண்ட அம்பிகாபதி தம்மை
-
இட்ட அடி நோக எடுத்த அடி கொப்பளிக்க
வட்டில் சுமந்து மருங்கசைய.........

என்று பாட ஆரம்பித்தார்.
-
சோழனுக்கு இதைக் கண்டு பொசு பொசுவென்று
இருந்தது. இன்னும் ஒரு விநாடிதான்.கோபவெறி
ஏற்பட்டிருக்கும். அதன் விளைவு விபரீதமாக
இருந்திருக்கும்.
  -                
நிலைமையை உணர்ந்த கம்பர் உடனேயே இடை
வெட்டிப் பாடினார்....
-
கிழங்கோ கிழங்கென்று கூவுவாள் தந்நாவில்
வழங்கோசை வையம்பெறும்.
-
அவர் பாடி முடிப்பதற்கு முன்னர் அவர்களுடைய
போஜனசாலையின் சாளரத்துக்கு வெளியிலிருந்து
ஓங்கி ஒரு பெண் குரல் இனிமையாகக் கேட்டது..............

                   கொட்டிக்கிழங்கோஓஓஓ... கிழங்கு!
                   கொட்டிக்கிழங்கோஓஓஓ...கிழங்கு!
                   கொட்டிக்கிழங்கோஓஓஓ...கிழங்கு!

                   விரைந்து சென்று வெளியில்
எட்டிப்பார்த்தார் சோழர்.
                   அங்கு ஒரு பெண் வட்டிலைச்
சுமந்துகொண்டு அதில் கோட்டிக்கிழங்குகளை வைத்துக்
கொண்டு கூவி விற்றுக்கொண்டே வந்தாள்.

                   இட்ட அடி நோக எடுத்த அடி கொப்பளிக்க
                   வட்டில் சுமந்து மருங்கசைய - கொட்டிக்
                   கிழங்கோ கிழங்கென்று கூவுவாள் தந்நாவில்
                   வழங்கோசை வையம்பெறும்

                  கம்பன் கூறிய சொல்லை அவளே வந்து
உண்மையாக்கி அவன் வாக்குக்கு  ஏற்றம் கொடுத்தாள்.

                   சாரஸ்வத்யம் உள்ளவர்கள் சொல்லும்
சொல்லை தெய்வங்கள் காப்பாற்றி மெய்யாக்குவார்கள்.
-
----------------------------------------
>கடாரத் தமிழ்ப் பேரறிஞர்
டாக்டர் எஸ்.ஜெயபாரதி