கீழ் நீதிமன்றங்களில் இனி தமிழில் தான் தீர்ப்பு !

**krishnaamma** · **krishnaamma** Thu Sep 19, 2013 6:42 pm

மதுரை உயர் நீதிமன்ற கிழையில் வழக்கறிஞர்கள் உண்ணாவிரத போராட்டத்தின் விளைவாக, இனி கீழ் நீதிமன்றங்களில் தீர்ப்பு தமிழில் தான் வழங்கப்படும் என்று உயர் நீதிமன்ற தலைமை நீதிமதி உறிதிமொழி அழித்துள்ளார்.

உயர் நீதிமன்றத்தில் தமிழை வழக்கு மொழியாக்க வேண்டும், கீழ் நீதிமன்றங்களில் தீர்ப்புகளை ஆங்கிலத்திலும் எழுதலாம் என்று, கடந்த 1994 ஆம் ஆண்டு தலைமை நீதிபதி கே.ஏ.சாமி தலைமையிலான நீதிபதிகள் குழு கொண்டு வந்த தீர்மானத்தை ரத்து செய்ய வேண்டும் என்பது உள்பட பல்வேறு கோரிக்கைகளை நிறைவேற்ற வேண்டும் என்று வக்கீல்கள் வலியுறுத்தி வருகிறார்கள்.

இந்த கோரிக்கையை வலியுறுத்தி, மதுரை ஐகோர்ட்டு கிளையில் வக்கீல்கள் எழிலரசு, சூரியபகவான்தாஸ், வினோத், சட்டக்கல்லூரி மாணவர் திசைஎந்திரன் ஆகியோர் கடந்த 16 ஆம் தேதி காலவரையற்ற உண்ணாவிரதம் தொடங்கினர். நேற்று 3 வது நாளாக இந்த போராட்டம் நீடித்தது.

இதனால் அவர்களது உடல்நிலை மோசமானது. மதுரை ஐகோர்ட்டு கிளையில் செயல்பட்டு வரும் மருத்துவமனை மருத்துவர்கள், உண்ணாவிரதம் இருந்தவர்களின் உடல்நிலையை பரிசோதித்தனர்.

அப்போது வக்கீல் வினோத் உடல்நிலை மோசமாக இருந்ததால், உடனடியாக அவருக்கு சிகிச்சை அளிக்கப்பட வேண்டும் என்றும் தெரிவித்தனர். இதைத் தொடர்ந்து வினோத், மதுரை அரசு மருத்துவமனையில் சேர்க்கப்பட்டார்.

தொடரும்..............

**krishnaamma** · **krishnaamma** Thu Sep 19, 2013 6:42 pm

இதற்கிடையில், போராட்டத்துக்கு ஆதரவு தெரிவிப்பதற்காக சட்டக்கல்லூரி மாணவர்கள் 13 பேர் நேற்று ஐகோர்ட்டு கிளைக்கு வந்தனர். ஆனால் போலீசார் அவர்களை உள்ளே விடுவதற்கு மறுத்து விட்டனர். தடையை மீறி ஐகோர்ட்டு வளாகத்திற்குள் செல்ல முயன்ற அவர்களை போலீசார் கைது செய்தனர்.

இதனால், அங்கு பதற்ற நிலை ஏற்பட்டது. இதற்கிடையில் சட்டக்கல்லூரி மாணவர்கள் மேலும் 45 பேர் ஊர்வலமாக வந்தனர். மாட்டுத்தாவணி பூ மார்க்கெட் அருகே வந்த அவர்களை போலீசார் கைது செய்து திருமண மண்டபங்களுக்கு கொண்டு சென்றனர்.

இந்த நிலையில், போராடும் வக்கீல்களின் கோரிக்கையை ஏற்றுக்கொண்ட சென்னை ஐகோர்ட்டு தலைமை நீதிபதி (பொறுப்பு) ராஜேஷ்குமார் அக்ரவால், கீழ் கோர்ட்டுகளில் இனி தமிழில் மட்டுமே தீர்ப்பு வழங்கப்படும் என்று உறுதி அளித்தார்.

ஆங்கிலத்திலும் தீர்ப்பு எழுதலாம் என்று, நீதிபதி சாமி தலைமையிலான குழுவின் பரிந்துரை அடிப்படையிலான விதிமுறை ரத்து செய்யப்படும் என்றும், அவர் அறிவித்தார்.

நேற்று மாலை 3.30 மணிக்கு, உண்ணாவிரதம் இருந்த வக்கீல்களிடம் மதுரை வக்கீல்கள் சங்க நிர்வாகிகள் ஐகோர்ட்டு தலைமை நீதிபதியின் உறுதிமொழி பற்றி தெரிவித்து, உண்ணாவிரதத்தை தற்காலிகமாக வாபஸ் பெற வேண்டும்" என்று வற்புறுத்தினார்கள். அதை ஏற்றுக்கொண்ட வக்கீல்கள் உண்ணாவிரதத்தை வாபஸ் பெற்றனர்.

நன்றி : வெப்துனியா

**Muthumohamed** · **Muthumohamed** Thu Sep 19, 2013 10:20 pm

நல்ல முடிவு பதிவுக்கு நன்றி அம்மா

அனைத்து நீதிமன்றங்களிலும் தமிழிலே தீர்ப்பு வழங்கினால் பலருக்கும் பயன்படுமே

இந்த பதிவைத் துவங்கியவர் நன்றி கூறியுள்ளார் Muthumohamed

யினியவன் · யினியவன் Thu Sep 19, 2013 10:25 pm

நல்ல செய்தி - தமிழனுக்கு தமிழில் நீதிமன்றத்தில் நீதி கிடைக்க இவ்ளோ நாளாயிருக்கு.

**Aathira** · **Aathira** Thu Sep 19, 2013 11:00 pm

நீதி தமிழில் கிடைக்கும். மகிழ்ச்சி

நீதி கிடைக்குமா?

யினியவன் · யினியவன் Thu Sep 19, 2013 11:07 pm

Aathira wrote:நீதி தமிழில் கிடைக்கும். மகிழ்ச்சி

நீதி கிடைக்குமா?

சின்னபுள்ளத்தனமா கேக்கப்படாது - எந்த மொழில கேட்டாலும் அது மட்டும் கிடைக்காது

**Muthumohamed** · **Muthumohamed** Thu Sep 19, 2013 11:21 pm

யினியவன் wrote:
Aathira wrote:நீதி தமிழில் கிடைக்கும். மகிழ்ச்சி

நீதி கிடைக்குமா?
சின்னபுள்ளத்தனமா கேக்கப்படாது - எந்த மொழில கேட்டாலும் அது மட்டும் கிடைக்காது

கீழ் நீதிமன்றங்களில் இனி தமிழில் தான் தீர்ப்பு ! 3838410834

ரேவதி · ரேவதி Fri Sep 20, 2013 11:57 am

யினியவன் wrote:
Aathira wrote:நீதி தமிழில் கிடைக்கும். மகிழ்ச்சி

நீதி கிடைக்குமா?
சின்னபுள்ளத்தனமா கேக்கப்படாது - எந்த மொழில கேட்டாலும் அது மட்டும் கிடைக்காது

நல்ல ரைமீங்க் நல்ல டைமிங் சியர்ஸ்

பாலாஜி · பாலாஜி Fri Sep 20, 2013 12:03 pm

நல்ல செய்தி ..... மிக்க மகிழ்ச்சி

**krishnaamma** · **krishnaamma** Fri Sep 20, 2013 12:09 pm

Muthumohamed wrote:நல்ல முடிவு பதிவுக்கு நன்றி அம்மா

அனைத்து நீதிமன்றங்களிலும் தமிழிலே தீர்ப்பு வழங்கினால் பலருக்கும் பயன்படுமே

ஆமாம் முத்து புன்னகை

Sponsored content · Sponsored content

கீழ் நீதிமன்றங்களில் இனி தமிழில் தான் தீர்ப்பு !

கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

Re: கீழ் நீதிமன்றங்களில் இனி தமிழில் தான் தீர்ப்பு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக