சினிமா 100 விழாவில் ஆடமாட்டோம்: தெலுங்கு நடிகர் சங்கம் அறிவிப்பு

by ராஜு சரவணன் Thu Sep 19, 2013 3:57 pm

இந்திய சினிமாவின் நூற்றாண்டு விழா வருகிற 21ந் தேதி முதல் 24ந் தேதி வரை சென்னையில் நடக்கிறது. முதல்வர் ஜெயலலிதா துவக்கி வைக்கிறார். ஜனாதிபதி பிரணாப் முகர்ஜி முடித்து வைக்கிறார். தென்மாநில முதல்வர்கள், மற்றும் திரை நட்சத்திரங்கள் கலந்து கொள்கிறார்கள். இறுதிநாள் விழாவிலி இந்தி நட்சத்திரங்கள் கலந்து கொள்கிறார்கள். விழாவில் தினமும் ஒரு மாநில திரைப்பட கலைஞர்களின் கலை நிகழ்ச்சிக்கு ஏற்பாடு செய்யப்பட்டிருந்தது. தற்போது இந்த நிகழ்ச்சியில் நாங்கள் ஆட மாட்டோம் என்று தெலுங்கு நடிகர்கள் சங்கம் அறிவித்துள்ளது.

இதுபற்றி தெலுங்கு நடிகர் சங்க பிரமுகர் ஒருவர்கூறியதாவது: "தெலுங்கானா பிரச்னை காரணமாக எங்கள் மக்கள் போராடிக் கொண்டிருக்கிறார்கள். மாநிலமே பதட்டமான சூழ்நிலையில் உள்ளது. மக்கள் பயத்திலும், பதட்டத்திலும் போராடிக் கொண்டிருக்கும்போது நாங்கள் மேடையில் ஆட்டம்போட முடியாது. மக்களின் உணர்வுக்கு மதிப்பளிக்க வேண்டியது எங்கள் கடமை. இதுபோன்ற சந்தர்ப்பத்தில் நாங்கள் விலகி இருப்பதே நல்லது" என்றார்.

நன்றி : தினமலர்

by **krishnaamma** Thu Sep 19, 2013 4:05 pm

ஓ...............!

by பாலாஜி Thu Sep 19, 2013 4:08 pm

அவர்களுக்கு நல்ல காரணம் கிடைத்துவிட்டது . அவர்களின் உணர்வுகளுக்கு மதிப்பு அளிக்கின்றோம்.

ஆனால் இது மட்டும் காரணம் இல்லை .. நடப்பது இந்திய சினிமாவின் நூற்றாண்டு விழா என்றாலும் அதை அ.தி.மு.க வின் பொது குழு கூட்டம் போல நடத்துவார்கள் என்று அவர்களுக்கு தெரியும்

by **ராஜா** Thu Sep 19, 2013 4:13 pm

வாழ்த்துக்கள் , தங்கள் மாநிலத்தில் தங்கள் இன மக்களுக்கு பிரச்கினை என்றதும் ஒட்டுமொத்த தெலுங்கு சினிமா ஆட்களும் விழாவினை புறக்கணிக்கிறார்கள்.

ஆனால் , நம்ம ஊரில் வந்து தொழில் பண்ணிக்கொண்டு இருக்கும் ****கள் , இலங்கைக்கு கலைவிழா நடத்த போவார்கள் என்ன கொடுமை சார் இது

by ராஜு சரவணன் Thu Sep 19, 2013 4:30 pm

சினிமா 100' விழா செலவுக்கு ரூ 10 கோடி- வழங்கினார் ஜெயலலிதா

தமிழக அரசின் உதவியுடன் நடக்கும் இந்திய சினிமாவின் நூற்றாண்டு விழா கொண்டாட்டத்துக்கு ரூ 10 கோடி நிதி வழங்கினார் முதல்வர் ஜெயலலிதா. சென்னையில், தமிழக அரசின் உதவியுடன் 4 நாட்கள் பிரமாண்டமாக நடக்கிறது இந்திய சினிமா நூற்றாண்டு விழா. தென்னிந்திய திரைப்பட வர்த்தக சபை (பிலிம்சேம்பர்) இதற்கு ஏற்பாடு செய்து வருகிறது.

சென்னை நேரு உள்விளையாட்டு அரங்கில், சனிக்கிழமை (21-ந்தேதி) மாலை 5.30 மணிக்கு விழா தொடங்குகிறது. அதைத் தொடர்ந்து 22-ந்தேதி கன்னட சினிமா உலகினர் பங்குபெறும் நிகழ்ச்சியும், அன்று மாலை தெலுங்கு சினிமா உலகினர் பங்கேற்கும் நிகழ்ச்சியும், 23-ந்தேதி காலை மலையாள சினிமா உலகினர் கலந்து கொள்ளும் நிகழ்ச்சியும் நடைபெறுகிறது.

நன்றி : ஒன் இந்தியா

by mbalasaravanan Thu Sep 19, 2013 5:14 pm

ராஜா wrote:வாழ்த்துக்கள் , தங்கள் மாநிலத்தில் தங்கள் இன மக்களுக்கு பிரச்கினை என்றதும் ஒட்டுமொத்த தெலுங்கு சினிமா ஆட்களும் விழாவினை புறக்கணிக்கிறார்கள்.

ஆனால் , நம்ம ஊரில் வந்து தொழில் பண்ணிக்கொண்டு இருக்கும் ****கள் , இலங்கைக்கு கலைவிழா நடத்த போவார்கள்

உண்மை நண்பரே நாம் அவர்களுக்கும் கட் அவுட் வைப்போம் முதல்ல நாம திருந்தனும்

by **Muthumohamed** Thu Sep 19, 2013 11:20 pm

என்ன ஆனாலும் அவர்களின் மக்களை நினைக்கிறார்களே அதுவே பெரிய விஷயம் தான்

பாராட்டுக்கள் தெலுங்கு நடிகர் சங்கமே

by யினியவன் Thu Sep 19, 2013 11:29 pm

ஏன் பாஸ் அம்மா துவக்கி வெப்பாங்க, ஜனாதிபதி நிறைவு செய்வார் - நடுவுல நம்ம பிரதமர் சார்லி சேப்ளின் ஸ்டைலில் ஊம வேஷத்துல நடிச்சு சிரிக்க வெப்பாறா????

by **Muthumohamed** Thu Sep 19, 2013 11:44 pm

யினியவன் wrote:ஏன் பாஸ் அம்மா துவக்கி வெப்பாங்க, ஜனாதிபதி நிறைவு செய்வார் - நடுவுல நம்ம பிரதமர் சார்லி சேப்ளின் ஸ்டைலில் ஊம வேஷத்துல நடிச்சு சிரிக்க வெப்பாறா????

சிரிப்பா அப்படினா என்ன ? ஜாலி