மழையோடு கற்பனை உறவு

by கவியாழினி Thu Sep 19, 2013 11:11 am

இதமான மழைச்சாரலுடன்
இலகுவான நடை நடக்க
வந்துவிழுந்த மழைத்துளிகள்!!!

மோகம் கொண்டு வந்து
தேகம் தீண்ட நினைத்து கல்லில்
தெறித்த பின் தெளிந்தாயோ
அனுமதியில்லாமல் - பெண்மை
தீண்டினால் அழிக்கப்படுவாயென்று!!!

உள்ளம் புரிந்து என் இதழ்களில்
சத்தமின்றி பக்கம்வந்து தித்திக்க
முத்தமிடுகிறாயே எப்படி
தெரிந்தது என்னுள்ளிருக்கும் -காதல்
உன்னுள்ளும் இருந்ததோ!!!

நனைந்தபடி நான் செல்ல தலை
துவட்டிய தாயின் அன்பில்
உணர்ந்தேன் உன் தாய்மையை
எவ்வளவு அழகாய் - உன் கரங்களால்
என்னை தலை குளிக்கவைத்தாய்!!!

நனைந்த புத்தகத்தை பாதுகாக்க
நான் ஓடி செல்கையில் ஒரு நிமிடம்
மிதமானது உன் வேகம் புரிந்தேன்
தோழமை உணர்வுகொண்டு - என்
இனிய நட்ப்பாக வந்தது நீயென்று!!!

...கவியாழினி...

by பூவன் Thu Sep 19, 2013 11:23 am

மழை கவிதையில் விடாது நனைந்த சொற்கள் ...

மழை சில நேரம்
பிழையாகவே ஏழைகளின் வாழ்வில் .....

by mbalasaravanan Thu Sep 19, 2013 11:24 am

நல்ல கவிதை

by ராஜு சரவணன் Thu Sep 19, 2013 11:30 am

மோகம் கொண்டு வந்து
தேகம் தீண்ட நினைத்து கல்லில்
தெறித்த பின் தெளிந்தாயோ
அனுமதியில்லாமல் - பெண்மை
தீண்டினால் அழிக்கப்படுவாயென்று!!!

மழையும் அழகு... மழையில் நனையும் பெண்ணும் அழகு புன்னகை

கவிதையும் அழகு .... கவிதை வர்ணனையும் அழகு புன்னகை

கவிதையை விரும்பினேன் புன்னகை

by **M.M.SENTHIL** Thu Sep 19, 2013 11:52 am

மழையோடு கற்பனை உறவு
மனதோடு நிற்கும் வரவு !!

கவிதையை போலவே
மழை பொழிவும் கற்பனையாகவே !!

நம் முன்னோர்களை மட்டுமல்ல
மழையையும் நம் மழலைகளுக்கு
போட்டோவில்தான் காண்பிக்க வேண்டும் போல !!