குடிகாரன் பேச்சு விடிஞ்சா போச்சு..!!(Mano Red)

by Mano Red Thu Sep 19, 2013 10:11 am

குடும்பம் நாசமாய்ப் போனாலும்,
குடித்துக் குடித்து
நாட்டை வாழ வைக்கும்
நல்ல குடிமகன்களே...!!

சாகப் போவது தெரிந்தும்
சாயந்திர நேரம் வந்ததும்
சரக்கடிக்க துடிக்கும்
சரித்திர நாயகர்களே..!!

கை உதறினால் போதும்,
கையாலாகாமல்
கை கட்டி வாய்மூடி
கள்ளுக்கடை வரிசையில் நிற்கும்
கலாச்சார சிங்கங்களே..!!

மனைவியின் தாலி விற்று
மகளின் எதிர்காலம் அழித்து
மனித மிருகமாய் மாறும்
மிகச் சிறந்த மனிதர்களே..!!

மது குவளையில் மயங்கி
மதிகெட்டு போன பின்
மானம் தொலைத்து
மரியாதை தொலைத்து வாழும்
மாண்புமிகு பெரியோர்களே...!!

சுய சிந்தனை இல்லாமல்
குடித்துவிட்டு,
சுய நினைவின்றி
ஆடை களைந்து
தெருவில் கூத்தடிக்கும்
நிகழ்காலக் கோமாளிகளே..!!

ஒரு பாட்டில் சாராயத்திற்கு
ஓட்டுப் போட்டு
ஆண்டுகள் பல
அடிமையாய் கிடக்கும்
அறிவு ஜீவிகளே...!!

எங்கேயோ போய்கொண்டிருக்கும்
எம தர்மனை
குடித்துக் குடித்தே
வம்பிற்கு இழுக்கும்
விளங்காமல் போனவர்களே..!!

முட்டாள் மட்டுமே
முழுமுயற்சி செய்து
தன்னைத் தானே
தரம் தாழ்த்தி கொள்கிறான்..!!
குடிகாரன் பேச்சு விடிஞ்சா போச்சு
குடித்துக் கொண்டே இருந்தால்
நின்று விடும் உன் மூச்சு...!!!

by mbalasaravanan Thu Sep 19, 2013 10:35 am

நல்ல கவிதை

by Mano Red Thu Sep 19, 2013 10:37 am

நன்றி சார்.....

by mbalasaravanan Thu Sep 19, 2013 10:39 am

Mano Red wrote:நன்றி சார்.....

இன்னும் நிறைய எழுத வேண்டும் இது எனது வேண்டு கோள் நண்பரே

by ராஜு சரவணன் Thu Sep 19, 2013 10:42 am

நல்ல குடிமகன்களே...!!
சரித்திர நாயகர்களே..!!
கலாச்சார சிங்கங்களே..!!
மிகச் சிறந்த மனிதர்களே..!!
மாண்புமிகு பெரியோர்களே...!!
நிகழ்காலக் கோமாளிகளே..!!
அறிவு ஜீவிகளே...!!

அருமையான குத்து விட்டுள்ளீர்கள் நண்பரே புன்னகை

கவிதை அருமை புன்னகை

சரக்கடித்து எழுதியதோ புன்னகை

சும்மா

விரும்பினேன் புன்னகை

by Mano Red Thu Sep 19, 2013 10:47 am

நிச்சயமாக..........

by Mano Red Thu Sep 19, 2013 10:49 am

ராஜு உங்களின் எதிர்பார்ப்பை என்னால் கொஞ்சம் பூர்த்தி செய்ய முடிந்தது என நினைக்கிறேன்....நைய்யாண்டி நக்கல் இருக்கா ..??இல்லையா ..???

by ராஜு சரவணன் Thu Sep 19, 2013 10:53 am

Mano Red wrote:ராஜு உங்களின் எதிர்பார்ப்பை என்னால் கொஞ்சம் பூர்த்தி செய்ய முடிந்தது என நினைக்கிறேன்....நைய்யாண்டி நக்கல் இருக்கா ..??இல்லையா ..???

இருக்கிறது...இன்னும் கொஞ்சம் எதிர்பார்த்தேன்..... புன்னகை

மற்றபடி கவிதை கனகச்சிதமாய் வந்திருக்கிறது .... அழகு ... புன்னகை

by Mano Red Thu Sep 19, 2013 10:54 am

நன்றி ராஜு .....பொதுவாக சொல்லலாம் என்று நினைத்து எழுதி விட்டேன்....

by ராஜு சரவணன் Thu Sep 19, 2013 11:01 am

Mano Red wrote:நன்றி ராஜு .....பொதுவாக சொல்லலாம் என்று நினைத்து எழுதி விட்டேன்....

இல்லை பாஸ் உண்மையில் உங்களைப்போல் என்னால் நிச்சயம் எழுத முடியாது. உங்கள் கவிதையில் கருத்துக்கள் அதிகம்....
கருத்து தான் முக்கியம், மற்றபடி நையாண்டி, நக்கல் போன்றவை கொஞ்சம் வாசிப்பவர்களை இறுக்கி பிடிப்பவை. அதே நேரம் அதிக நையாண்டி கவிதையை கெடுத்துவிடும்.

மீண்டும் சொல்கிறேன் ... உங்கள் கவிதையில் குறையில்லை புன்னகை