ஏரியில் மூழ்கவிருந்த குடும்பத்தைக் காப்பாற்றிய கர்நாடக அமைச்சர்

கர்நாடகா மாநிலத்தின் தீர்த்தஹள்ளி என்ற ஊரைச் சேர்ந்த கிம்மனே ரத்னாகர், அம்மாநிலத்தின் ஆரம்ப மற்றும் நடுநிலைப் பள்ளிக் கல்வித்துறையின் அமைச்சராக இருக்கின்றார். இவர் நேற்று காலை தனது ஊரிலிருந்து பெங்களூருக்கு சென்று கொண்டிருந்தார். அமைச்சருடன் அவரது பாதுகாப்பு ஊழியர்களும் பயணித்துக் கொண்டிருந்தனர்.காலை 7 மணி அளவில் தீர்த்தஹள்ளியிலிருந்து 20 கி.மீ தொலைவில் உள்ள பெகுவல்லி என்ற இடத்தின் அருகில் இவர்களது வாகனத்தைத் தனியார் கார் ஒன்று முந்திச் சென்றது.

பதினைந்து நிமிடங்கள் கழித்து அமைச்சரது வாகனம் பெகுவல்லி ஏரியைக் கடந்தபோது தங்களை முந்திச் சென்ற கார் தண்ணீருக்குள் மூழ்கிக் கொண்டிருப்பதை அமைச்சர் பார்த்துள்ளார். காரினுள் இருந்தவர்களும் உதவி கேட்டு தங்கள் கைகளை ஆட்டிக்கொண்டிருப்பது தெரிந்துள்ளது.

உடனடியாகத் தன்னுடன் வந்த வாகனங்களை நிறுத்த உத்தரவிட்ட அமைச்சரும், மற்றும் மூன்று பேரும் உடனடியாக ஏரிக்குள் குதித்தனர். காரின் அருகில் நீந்திச் சென்ற அவர்கள் பின்புறக் கதவைத் திறந்து காரினுள் தத்தளித்துக் கொண்டிருந்த மூன்று குழந்தைகளை முதலில் காப்பாற்றி கரையில் கொண்டுவந்து விட்டனர். அதற்குள் மூழ்கிவிட்டிருந்த காருக்குத் திரும்ப நீந்திச் சென்ற அவர்கள் 55 வயதுப் பெண்மணி உட்பட மூன்று பேரைக் காப்பாற்றியுள்ளனர்.

காரை ஒட்டிக் கொண்டிருந்த நபர் மயக்கமடைந்திருந்ததால் மருத்துவரை அழைத்து அமைச்சர் அவருக்கு முதலுதவியும் செய்யக் கூறினார். பின்னர் தன்னிடமிருந்த ஆடைகளையும் அவருக்கு அளித்து அவர்களுக்குத் தேவையான மருந்து, சிற்றுண்டி போன்றவற்றையும் கொடுத்து பெங்களூருக்கு அவர்கள் திரும்பிச் செல்லவும் ஏற்பாடு செய்தார்.

விபத்தில் சிக்கிய குடும்பத் தலைவர் உதய் தங்களுக்கு இது மறுபிறவி என்று குறிப்பிட்டார். அந்த நேரத்தில் அமைச்சர் தங்களைக் காப்பாற்றியிருக்காவிட்டால் அனைவருமே நீரில் மூழ்கி இறந்திருப்போம் என்று கூறிய உதய் அமைச்சருக்கு நன்றி தெரிவித்தார்.

மாலைமலர்

மனிதன் மனிதன் அவர் தான் மனிதன்

நல்ல மனிதன்

DERAR BABU wrote:விபத்தில் சிக்கிய குடும்பத் தலைவர் உதய் தங்களுக்கு இது மறுபிறவி என்று குறிப்பிட்டார். அந்த நேரத்தில் அமைச்சர் தங்களைக் காப்பாற்றியிருக்காவிட்டால் அனைவருமே நீரில் மூழ்கி இறந்திருப்போம் என்று கூறிய உதய் அமைச்சருக்கு நன்றி தெரிவித்தார்.

அருமையான செயல் அமைச்சருக்கு வாழ்த்துக்கள்.



இவர் பள்ளி கல்வி துறை அமைச்சர் என்பதால் ஒரே ஒரு குடும்பத்தை தான் காப்பாற்றியுள்ளார். ஆனால் கர்நாடக நீர்பாசனதுரை அமைச்சரும் , முதலமைச்சரும் தமிழ்நாட்டின் பல்லாயிரம் குடும்பங்கள் தண்ணீரில் மூழ்காமல் வருடம் தோறும் காப்பாற்றி கொண்டிருக்கின்றனர்.