மோடிக்கு இன்று 64 வது பிறந்த நாள்

First topic message reminder :

காந்திநகர்: பா.ஜ., பிரதம வேட்பாளராக அறிவிக்கப்பட்டுள்ள நரேந்திரமோடிக்கு இன்று 64 வது பிறந்த நாள். இவரது பிறந்த தினத்தை முன்னிட்டு நாடு முழுவதும் பா.ஜ., தொண்டர்கள் இனிப்பு வழங்கியும் கலைநிகழ்ச்சிகள் நடத்தியும் கொண்டாடி வருகின்றனர். பிறந்த நாளில் காந்திநகரில் சிறு அரசு இல்லத்தில் வசிக்கும் மோடியின் தாயார் ஹிராபாவிடம் ( வயது 94) காலில் விழுந்து ஆசி பெற்றார். தாயார் மோடியை உச்சி முகர்ந்து முத்தமிட்டு வாழ்த்தினார்.

தொடர்ந்து மோடி நிருபர்களிடம் பேசுகையில்: தமக்கு பல்வேறு தரப்பினரும் பிறந்த நாள் வாழ்த்து தெரிவித்தனர். இவர்களுக்கு எனது நன்றியை தெரிவித்து கொள்கிறேன், இந்த வாழ்த்தும், பிரார்த்தனையும் வீணாக போகாது. இந்த நாள் நாட்டின் தொழிலாளர்கள் மேம்படுத்தும் நாளாக இருக்கட்டும் என அவர்களுக்கு இந்த நாளை அர்ப்பணிக்கிறேன் என்றார் .

மோடியின் பிறந்த நாளில் இன்று மாலை டில்லியில் மாபெரும் பொதுக்கூட்டத்திற்கு ஏற்பாடு செய்யப்பட்டுள்ளது. இது தேர்தல் பிரசார துவக்க பொதுக்கூட்டமாக இருக்கும் என பா.ஜ., வட்டாரம் தெரிவிக்கிறது.

தாழ்த்தப்பட்டோர்:

மோடியின் பிறந்த நாளை முன்னிட்டு பா.ஜ., செய்தி தொடர்பாளர்களில் ஒருவரான ஐ. கே., ஜடேஜா கூறுகையில்; மோடிக்கு பிறந்த நாள் பரிசாக நாடு முழுவதும் பா.ஜ., உறுப்பினர் சேர்க்கை நடத்த திட்டமிட்டுள்ளோம். இதன் படி 9 நாள் நடக்கும் இந்த நிகழ்ச்சியில் சிறுபான்மையை சேர்ந்தவர்கள் ஒரு லட்சம் பேரும் மற்றும் முஸ்லிம் இளைஞர்கள், தாழ்த்தப்பட்டோர், பிற்படுத்தப்பட்டோர் என அனைத்து தரப்பிலும் ஒரு லட்சம் வீதம் புதிய உறுப்பினர்கள் சேர்க்கப்படுவர். இது மதசார்பற்ற தன்மையை பிரதிபலிக்கும் என்றார்.

பிரதமர் - அத்வானி வாழ்த்து: மோடி பிறந்த நாளை முன்னிட்டு பிரதமர் மன்மோகன்சிங், பா.ஜ., மூத்த தலைவர் அத்வானி பிரபல பாடகி லதா மங்கேஸ்கர் உள்ளிட்டோர் வாழ்த்து செய்திகளை மோடி அலுவலகத்திற்கு அனுப்பி வைத்துள்ளனர்.

தினமலர்

 தொழிலாளர்கள் மேம்பாட்டுக்கு பிறந்தநாளை அர்ப்பணிக்கிறேன்: நரேந்திர மோடி



இன்று காலை அவர் காந்திநகரில் அரசு வீட்டில் தங்கி இருக்கும் தன் தாய் ஹீரா பாய் (94)விடம் ஆசி பெற்றார். அப்போது ஹீராபாய் உச்சி முகர்ந்து மோடியை வாழ்த்தினார்.

நரேந்திர மோடிக்கு பா.ஜ.க. மூத்த தலைவர்கள் அனைவரும் போனில் வாழ்த்து தெரிவித்தனர். அந்த வாழ்த்துக்களை ஏற்றுக் கொண்ட மோடி நிருபர்களிடம் கூறியதாவது:–

எனது பிறந்தநாளை தொழிலாளர்களுக்கு அர்ப்பணிக்க ஆசைப்படுகிறேன். நாட்டின் தொழிலாளர்கள் அனைவரையும் மேம்படுத்தும் நாளாக இந்த நாள் இருக்கும்.

இவ்வாறு மோடி கூறினார்.

நரேந்திர மோடி பிறந்த தினத்தை முன்னிட்டு ஒவ்வொரு தொகுதியிலும் முஸ்லிம்கள், தாழ்த்தப்பட்டவர்கள், பிற்படுத்தப்பட்டவர்கள் மற்றும் சிறுபான்மையினரை உறுப்பினர்களாக சேர்க்கும் திட்டம் இன்று தொடங்கப்பட்டது. டெல்லியில் இன்று மாலை பெரிய பொதுக்கூட்டத்துக்கும் ஏற்பாடு செய்யப்பட்டுள்ளது.

பாராளுமன்ற தேர்தலுக்கான பிரசார தொடக்கமாக அந்த கூட்டம் இருக்கும் என்று கூறப்படுகிறது.

     

இனிய பிறந்த நாள் வாழ்த்துகள் வருங்கால இந்தியாவே ..

     

ராஜு சரவணன் wrote:

அழுக்கு , நோய்கிருமிகள் போன்றவற்றில் இருந்து வீட்டை துடைத்து சுத்தம் செய்த மோடி நாளை இந்தியாவையும் இப்படி நன்றாக துடைத்து சுத்தம் செய்யவேண்டும்

அழுக்கு , நோய்கிருமிகள் போன்றவற்றில் இருந்து வீட்டை துடைத்து சுத்தம் செய்த மோடி நாளை இந்தியாவையும் இப்படி நன்றாக துடைத்து சுத்தம் செய்யவேண்டும்

இந்தியாவையும் இப்படி தான் சுத்தம் செய்யவேண்டும் என்று காட்டும் மோடி... கண்டிப்பாக இந்தியாவை நல்ல வழிக்கு கொண்டு வருவார்