மோடிக்கு இன்று 64 வது பிறந்த நாள்

காந்திநகர்: பா.ஜ., பிரதம வேட்பாளராக அறிவிக்கப்பட்டுள்ள நரேந்திரமோடிக்கு இன்று 64 வது பிறந்த நாள். இவரது பிறந்த தினத்தை முன்னிட்டு நாடு முழுவதும் பா.ஜ., தொண்டர்கள் இனிப்பு வழங்கியும் கலைநிகழ்ச்சிகள் நடத்தியும் கொண்டாடி வருகின்றனர். பிறந்த நாளில் காந்திநகரில் சிறு அரசு இல்லத்தில் வசிக்கும் மோடியின் தாயார் ஹிராபாவிடம் ( வயது 94) காலில் விழுந்து ஆசி பெற்றார். தாயார் மோடியை உச்சி முகர்ந்து முத்தமிட்டு வாழ்த்தினார்.

தொடர்ந்து மோடி நிருபர்களிடம் பேசுகையில்: தமக்கு பல்வேறு தரப்பினரும் பிறந்த நாள் வாழ்த்து தெரிவித்தனர். இவர்களுக்கு எனது நன்றியை தெரிவித்து கொள்கிறேன், இந்த வாழ்த்தும், பிரார்த்தனையும் வீணாக போகாது. இந்த நாள் நாட்டின் தொழிலாளர்கள் மேம்படுத்தும் நாளாக இருக்கட்டும் என அவர்களுக்கு இந்த நாளை அர்ப்பணிக்கிறேன் என்றார் .

மோடியின் பிறந்த நாளில் இன்று மாலை டில்லியில் மாபெரும் பொதுக்கூட்டத்திற்கு ஏற்பாடு செய்யப்பட்டுள்ளது. இது தேர்தல் பிரசார துவக்க பொதுக்கூட்டமாக இருக்கும் என பா.ஜ., வட்டாரம் தெரிவிக்கிறது.

தாழ்த்தப்பட்டோர்:

மோடியின் பிறந்த நாளை முன்னிட்டு பா.ஜ., செய்தி தொடர்பாளர்களில் ஒருவரான ஐ. கே., ஜடேஜா கூறுகையில்; மோடிக்கு பிறந்த நாள் பரிசாக நாடு முழுவதும் பா.ஜ., உறுப்பினர் சேர்க்கை நடத்த திட்டமிட்டுள்ளோம். இதன் படி 9 நாள் நடக்கும் இந்த நிகழ்ச்சியில் சிறுபான்மையை சேர்ந்தவர்கள் ஒரு லட்சம் பேரும் மற்றும் முஸ்லிம் இளைஞர்கள், தாழ்த்தப்பட்டோர், பிற்படுத்தப்பட்டோர் என அனைத்து தரப்பிலும் ஒரு லட்சம் வீதம் புதிய உறுப்பினர்கள் சேர்க்கப்படுவர். இது மதசார்பற்ற தன்மையை பிரதிபலிக்கும் என்றார்.

பிரதமர் - அத்வானி வாழ்த்து: மோடி பிறந்த நாளை முன்னிட்டு பிரதமர் மன்மோகன்சிங், பா.ஜ., மூத்த தலைவர் அத்வானி பிரபல பாடகி லதா மங்கேஸ்கர் உள்ளிட்டோர் வாழ்த்து செய்திகளை மோடி அலுவலகத்திற்கு அனுப்பி வைத்துள்ளனர்.

தினமலர்

  இனிய பிறந்தநாள் வாழ்த்துகள் வருங்கால இந்தியாவே   

பிரதமர் வேட்பாளர் மோடி மேலும் பன் மடங்கு வளர்ந்து ,வாழ்ந்து, இந்தியாவை வாழ வைக்க வாழ்த்துகள்

வாழ்த்துக்கள் அவருக்கு

இனிய குஜராத்தாக இந்தியாவை மலர வைக்க இருக்கும் மோடிக்குப் பிறந்தநாள் வாழ்த்துகள்

என் கருத்துக்களை நீங்களே பதிவு செய்துவிட்டீர்கள்
வாழ்த்துக்கள்

உங்க செய்தியுடன்  இந்த படமும் போடுங்கள் சிவா

பிறந்தநாள் வாழ்த்துகள் அவருக்கு

சதாசிவம் wrote:பிரதமர் வேட்பாளர் மோடி மேலும் பன் மடங்கு வளர்ந்து ,வாழ்ந்து, இந்தியாவை வாழ வைக்க வாழ்த்துகள்

   

இளைஞர்கள் , மக்களின் நம்பிக்கையை காப்பாற்றுங்கள் மோடி .... 

தம்பி நரேந்திரா மோடிக்கு பிறந்த நாள் வாழ்த்துக்கள்.     

ரமணியன்