தொலைந்து போன கிராமம்

**M.M.SENTHIL** · **M.M.SENTHIL** Sat Sep 14, 2013 11:04 pm

தொலைந்து போன கிராமம்

என் சின்னஞ்சிறு வயதில்
என் கிராமத்தின் அடையாளம்

அடைமழை காலத்தில்
ஆறுபோல் காட்சியளிக்கும்
எங்கள் ஊர் ஏரியில் மீன் பிடித்து
அம்மாவிடம் அடி வாங்கியது நினைவில் !

தெருவில் பெருக்கெடுத்து ஓடும்
மழை நீரில் நீச்சலடிக்கையில்
அப்பா தடி எடுத்து துரத்தியதும்
என் மனக்கண்ணில் !!

சேற்றில் விளையாடிவிட்டு
வீடு திரும்புகையில் - உனக்கு
உணவில்லை என்று சொல்லி என்
பாட்டி தண்டனை கொடுத்ததும்
ஞாபகமாய் என் நினைவில் !!

இப்போது பார்க்கிறேன்
மழை நீர் ஓடிய தெருக்களெல்லாம்
வரிசையாய் வீடுகள்
அடைத்துக்கொண்டு நிற்கின்றன !!

நான் மீன் பிடித்த ஏரியில்
வான் தொடும் அளவு கட்டிடம் !

எங்கு பார்த்தாலும் சாலைகள்
குருவி கூடு கட்டக் கூட மரமில்லை
வெட்டிவிட்டார்கள் விறகுக்காக !!

மொத்தமாக மாறிவிட்டது
என் சின்னஞ்சிறு வயதில்
நான் வாழ்ந்த என் கிராமம் !!

வளர்ந்து பெரியவனாகிவிட்ட
பின்பு நான் தேடுகிறேன்
தொலைந்து போன என் கிராமத்தை !!