எதை மறந்தாய் ?

**M.M.SENTHIL** · **M.M.SENTHIL** Mon Sep 16, 2013 6:35 am

எதை மறந்தாய் ?

பள்ளியில் படிக்கும்போது
என்று நினைக்கிறேன்
உன் விழி மோதி
காயமானது - முதன்
முதலாய் என் இதயம் !!

இந்த முதல் காயம்தான்
காதல் என அறியும் முன்,
பள்ளி வாழ்க்கைக்கு
முற்றுப்புள்ளி வைத்து விட்டாய் !!

எப்படிச் சொல்ல என் காதலை
அனுதினமும் யோசிக்கிறேன் !
உன்னை வர்ணித்து கவிதை
பாட எனக்கும் ஆசைதான்,
கற்பனை வளம் பொங்கி கிடக்கும்
கவிஞன் அல்லவே நான் !!

வித விதமாய் பரிசு
உனக்காய் வங்கி வர ஆசைதான்,
செல்வ வளம் கொட்டி கிடக்கும்
செல்வந்தன் இல்லையே நான் !

கவிதையும், பரிசும் தந்தாலும்
உன்மேல் எனக்கு காதல் இல்லையென்றாய்,
ஏதோ ஒன்றை உன் மனதில்
வைத்துக்கொண்டு என்னை
நீ மறந்தாய் !!

ஆனாலும்
படிக்கும் காலம் தொட்டே
உன் நிழலைகூட
மற்றவர் மிதிக்காமல்
அந்த நிழலுக்கும்
குடை பிடித்தேனே
அதை நீ மறந்தாயோ?

அறிவியலில் உனக்கு அறிவில்லை
என்றுன்னை அடித்த - அந்த
ராமசாமி வாத்தியாரை
பின் மண்டையை உடைத்துவிட்டு
பள்ளியில் ஒரு வாரம்
முட்டிக்கால் போட்டேனே
அதை நீ மறந்தாயோ ?

பள்ளி விட்டு நீ வந்த
அந்த கடைசி நாளில்
ஏ புள்ள என்னைக்கா இருந்தாலும்
நீதானடி என் பொண்டாட்டி - என்று
சொல்லி முடிப்பதற்க்குள்
உன் அப்பனின் கையிலிருந்த
கருக்கருவா என் கையை
பதம் பார்த்ததே
அதை நீ மறந்தாயோ ?

எத்தனையோ சொல்லலாம்
அத்தனையும் சொன்னாள்
திருக்குறளை மிஞ்சிவிடும்
என் காதல் குறள்கள் !!

சொல்லடி பெண்ணே
எல்லாமும் நீ மறந்திருந்தால்
சொல்லாமல் நான் போய் விடுகிறேன்,
எனக்குயிர் தந்த என் அன்னையை விட்டும்
என்னுயிரான உன்னை விட்டும் !!

mbalasaravanan · mbalasaravanan Mon Sep 16, 2013 6:47 am

நல்ல கவிதை

**ஜாஹீதாபானு** · **ஜாஹீதாபானு** Mon Sep 16, 2013 9:27 am

அருமை

Sponsored content · Sponsored content

எதை மறந்தாய் ?

எதை மறந்தாய் ?

Re: எதை மறந்தாய் ?

Re: எதை மறந்தாய் ?

Re: எதை மறந்தாய் ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக