இலங்கையில் காமன்வெல்த் மாநாட்டை நடத்த எதிர்ப்பு திருச்சியில் இருந்து சென்னைக்கு 30 மாணவர்கள் சைக்கிளில் பிரசார பயணம்

ராஜு சரவணன் · ராஜு சரவணன் Sat Sep 14, 2013 10:04 am

இலங்கையில் காமன்வெல்த் மாநாட்டை நடத்த எதிர்ப்பு தெரிவித்து திருச்சியில் இருந்து சென்னைக்கு கல்லூரி மாணவர்கள் 30 பேர் சைக்கிளில் பிரசார பயணம் மேற்கொண்டனர்.

மாணவர்கள் சைக்கிள் பயணம்

இலங்கையில் நடந்த இனப்படுகொலையின்போது, 1½ லட்சம் அப்பாவி தமிழர்கள் கொன்று குவிக்கப்பட்டனர். பல்லாயிரக்கணக்கான தமிழ் பெண்கள் பாலியல் வன்முறைக்கு ஆளாக்கப்பட்டனர். இனப்படுகொலை நடந்த இலங்கையில் காமன்வெல்த் மாநாட்டை நடத்தக்கூடாது.

காமன்வெல்த் நாடுகளின் பட்டியலில் இருந்து இலங்கையை நீக்க வேண்டும் என்ற கோரிக்கையை வலியுறுத்தி சென்னை, திருச்சி, தஞ்சை ஆகிய மாவட்டங்களை சேர்ந்த கல்லூரி மாணவர்கள் 30 பேர் திருச்சி அரிஸ்டோ ரவுண்டானா அருகே இருந்து சென்னைக்கு சைக்கிளில் பிரசார பயணத்தை நேற்று தொடங்கினர். இதில் மலேசியாவை சேர்ந்த கலைமுகிழன், தமிழ்திறன், பாலமுருகன் ஆகிய 3 தமிழ் மாணவர்களும் கலந்து கொண்டனர்.

பொதுமக்களிடம் பிரசாரம்

மாணவர்களின் பிரசார பயணத்தின்போது ஒவ்வொரு மாவட்டங்களில் உள்ள பல்வேறு கல்லூரிகளிலும், பொதுமக்களிடம் காமன்வெல்த் மாநாட்டை இலங்கையில் நடத்த எதிர்ப்பு தெரிவித்தும், காமன்வெல்த் நாடுகள் பட்டியலில் இருந்து இலங்கையை நீக்க வேண்டும் என்று வலியுறுத்தி பிரசாரம் செய்கிறார்கள்.

இந்த பயணம் வருகிற 23–ந் தேதி சென்னையில் முடிகிறது. அப்போது பிரசாரத்துக்காக வாங்கிய சைக்கிள்களை சென்னை முகாம்களில் உள்ள இலங்கை அகதிகளுக்கு வழங்குகிறார்கள். மாணவர்களின் பயணத்தை தொடங்கும் முன்பு ம.தி.மு.க. பொதுச்செயலாளர் வைகோ, கொளத்தூர் மணி ஆகியோர் மாணவர்களின் சைக்கிள் பிரசார பயணத்துக்கு வாழ்த்து தெரிவித்து ஒலிநாடாவில் பேசினார்கள்.

ம.தி.மு.க. புறநகர் மாவட்ட செயலாளர் சேரன், மனிதநேய மக்கள் கட்சி மாவட்ட செயலாளர் பைஸ்அகமது, நாம் தமிழர் கட்சி பிரபு, துரை உள்ளிட்டோர் திருச்சி அரிஸ்டோ ரவுண்டானா அருகே சைக்கிள் பயணம் மேற்கொண்ட மாணவர்களை வழியனுப்பி வைத்தனர்.

நன்றி தினதந்தி

ராஜு சரவணன் · ராஜு சரவணன் Sat Sep 14, 2013 10:08 am

கோரிக்கை வெற்றியடைகிறதோ இல்லை , இந்த தமிழ். உணர்வுக்கு எனது சிரம் தாழ்ந்த வணக்கங்கள்

வாழ்த்துக்கள் நண்பர்களே

யினியவன் · யினியவன் Sat Sep 14, 2013 12:23 pm

மேலும் பலர் அறிய உதவும் பயணம் - வாழ்த்துகள்.

டெக்லஸ் இந்த வாரம் திருச்சி சென்னை பேருந்து செலவு உங்களுக்கு மிச்சம் - நீங்களும் கலந்துகொள்ளுங்கள்.

ராஜு சரவணன் · ராஜு சரவணன் Sat Sep 14, 2013 12:31 pm

யினியவன் wrote:மேலும் பலர் அறிய உதவும் பயணம் - வாழ்த்துகள்.

டெக்லஸ் இந்த வாரம் திருச்சி சென்னை பேருந்து செலவு உங்களுக்கு மிச்சம் - நீங்களும் கலந்துகொள்ளுங்கள்.

நான் சைக்கிள் ஓட்டினால். ஒரு பய பஸ் ஓட்ட முடியாது தல. உங்களுக்கு தெரியாததா புன்னகை

யினியவன் · யினியவன் Sat Sep 14, 2013 12:42 pm

நீராகாரம் பருகாமல் ஒட்டுங்க புன்னகை

ராஜு சரவணன் · ராஜு சரவணன் Sat Sep 14, 2013 12:50 pm

பூவனும் நானும் கவிதை பாடினால் பக்‌ஷே பார்ட்டி பரதேசம் போயிடுவாங்கன்னு சொல்லுறாங்க தல சோகம்

அப்படியா

யினியவன் · யினியவன் Sat Sep 14, 2013 12:51 pm

அப்படீன்னா உங்கள் கவிதைகளுக்கு தமிழ் சமுதாயத்தின் ஒட்டுமொத்த ஆதரவு கண்டிப்பா உண்டுங்கோ புன்னகை

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக