யாரை கண்டிப்பது?... சிறுகதை

by mbalasaravanan Fri Sep 13, 2013 11:31 am

முரளி ஒரு அரசு பள்ளியில் ஆசிரியராக இருக்கிறார். அவருடைய மனைவி வசந்தா. இவர்களுக்கு சோமு என்ற மகன் இருக்கிறான்..

வழக்கம் போல் மாலை பள்ளி முடிந்ததும் சோமு வீட்டுக்கு வந்தான்.. வந்தவுடன் தன் பையில் இருந்து பேனா, பென்சில், ரப்பர் போன்ற பொருட்களை ஒவ்வொன்றாய் எடுத்து "இது மணியிடம் அடிச்சது, இது ராஜு கிட்ட சுட்டது அப்புறம் இது ராகுலிடம் எடுத்தது" என்று சொல்லி கொண்டே வெளியே வைத்து விட்டு விளையாட சென்று விட்டான்..

இதை பார்த்து கொண்டு இருந்த அவனுடைய அம்மா அன்று இரவு முரளியிடம் நம்ம பையனுக்கு எல்லாம் வாங்கி கொடுத்தாலும் அவன் மத்தவங்க கிட்ட இருந்து தினமும் ஏதாவது எடுத்துட்டு வந்துடறான்.. இதுக்கு என்ன பண்றது? என்றாள்..
நாளைக்கு அவனை பள்ளிக்கு அனுப்பும் போது கொஞ்சம் கண்டித்து அனுப்ப வேண்டும் என்று முரளி தன் மனதிற்குள் நினைத்து கொண்டான்..

மறுநாள் காலை வசந்தா முரளியிடம், என்னங்க சாயங்காலம் நம்ம தெருவுல கோலப்போட்டி நடக்குது. நீங்க ஸ்கூல் முடிஞ்சு வரும் போது ஒரு கலர் சாக்பீஸ் டப்பா எடுத்துட்டு வாங்க என்றாள்..

அப்போது தான் முரளிக்கு புரிந்தது கண்டிக்க வேண்டியது மகனை அல்ல மனைவியை தான் என்று...
நன்றி:எலுது.கொம்

by பாலாஜி Fri Sep 13, 2013 11:33 am

by யினியவன் Fri Sep 13, 2013 11:47 am

நாம் கூட அப்படித்தான், சில சமயம் அலுவலகத்தில் இருந்து நமது உரிமை என்பதுபோல் சில பொருட்களை கொண்டு வருகிறோம் - இதைப் பார்க்கும் குழந்தைகளுக்கு இது தவறு இல்லை என்ற எண்ணத்தை வளர்த்து விடுகிறோம்.