காக்கையிடம் இருந்து கிளியை காப்பாற்ற முயன்ற வாலிபர் மின்சாரம் தாக்கி பலி

தர்மா · தர்மா Wed Sep 11, 2013 11:04 pm

First topic message reminder :

சோழிங்கநல்லூர் லால்பகதூர் சாஸ்திரி தெருவைச் சேர்ந்த ஜீவனாந்தம். இவரது மகன் அருண்குமார் (18). இவர் 10–ம் வகுப்பு படித்து விட்டு தந்தைக்கு உதவியாக லோடு ஆட்டோ ஓட்டி வந்தார். நேற்று இவர் ராஜீவ்காந்தி சாலை வழியாக வந்துக் கொண்டிருந்தார். அப்போது ஒரு காகம் ஒரு கிளியை துரத்திச் சென்று கொத்தியது.

காக்கையிடம் இருந்து தப்பிய கிளி அருகில் இருந்த மரத்தில் தஞ்சம் புகுந்தது. அங்கேயேயும் சென்ற காகம் கிளியை மீண்டும் கொத்தியது.

இதைப் பார்த்த அருண்குமார் கிளியை காப்பாற்றுவதற்காக மரத்தில் ஏறினார். அப்போது லேசாக மழை பெய்து கொண்டிருந்தது.

மரத்தில் ஏறி காகத்தை விரட்டி கிளியை காப்பாற்ற முயன்ற அருண்குமார் கை அருகில் சென்ற மின்சார வயரில் பட்டது. இதனால் மின்சாரம் பாய்ந்து அவர் கீழே விழுந்து அருண்குமார் பரிதாப உயிரிழந்தார்.

அவரது உடலை பார்த்து பெற்றோரும் உறவினர்களும் கதறியது நெஞ்சை உருக்குவதாக இருந்தது. அந்த பகுதியே சோகமாக காணப்பட்டது.

இதுகுறித்து செம்மஞ்சேரி போலீசார் வழக்குப் பதிவு செய்து விசாரணை நடத்தி வருகிறார்கள்.

நன்றி மாலைமலர்

நாண்பா உன் ஆன்மா சாந்தி அடைய இறைவனை வேண்டுகிறேன்