முக்குறுணி விநாயகருக்கு மெகா கொழுக்கட்டை படையல்!

**சாமி** · **சாமி** Wed Sep 11, 2013 9:10 pm

விநாயகர் சதுர்த்தியை முன்னிட்டு மதுரை அருள்மிகு மீனாட்சிசுந்தரேசுவரர் திருக்கோயிலில் உள்ள முக்குறுணி விநாயகருக்கு 18 படி பச்சரிசியில் தயாரிக்கப்பட்ட மெகா கொழுக்கட்டை படையல் வைத்து பூஜை நடைபெற்றது.

மதுரை அருள்மிகு மீனாட்சிசுந்தரேசுவரர் திருக்கோயில் சன்னதி வெளிப்பிரகாரத்தில் முக்குறுணி விநாயகர் திருவுருவச்சிலை தெற்குநோக்கி உள்ளது. விநாயகர் சதுர்த்தியை முன்னிட்டு சிலைக்கு வெள்ளிக்காப்பு சார்த்தப்பட்டிருந்தது.

திங்கள்கிழமை பகலில் நடைபெற்ற சிறப்புப் பூஜையில் மெகா கொழுக்கட்டை படையலை சிவாச்சாரியார்கள் படைத்தனர். மதுரை நகரில் மேலமாசி-வடக்குமாசி வீதி சந்திப்பில் உள்ள அருள்மிகு நேரு ஆலாலய விநாயகர், ரயில்வே காலனி அருள்மிகு சித்தி விநாயகர், காமராஜர் சாலையில் உள்ள அரசமரத்தடி விநாயகர் உள்ளிட்ட அனைத்து விநாயகர் திருக்கோயில்களிலும் வெள்ளிக்கவசம் சார்த்தப்பட்டு சிறப்புப் பூஜைகள் நடைபெற்றன.

இந்து முன்னணி அமைப்பின் சார்பில் 130 இடங்களில் விநாயகர் சிலை அமைக்கப்பட்டு பூஜை நடைபெற்றது. சிவசேனா சார்பில் திங்கள் மாலையில் விநாயகர் சிலை ஊர்வலம் நடத்தப்பட்டு பேச்சியம்மன் படித்துறை அருகே வைகையில் கரைக்கப்பட்டது.

பெயர் காரணம்: தலா 6 படிகள் கொண்டது ஒரு குறுணி எனப்படும் அளவையாகும். அதன்படி, மூன்று குறுணிகளான 18 படி பச்சரிசியில் கொழுக்கட்டை தயார் செய்து அந்த விநாயகருக்கு படைக்கப்படுவதால் முக்குறுணி விநாயகர் என அழைக்கப்படுகிறார்.

முக்குறுணி விநாயகருக்கு மெகா கொழுக்கட்டை படையல்!

முக்குறுணி விநாயகருக்கு மெகா கொழுக்கட்டை படையல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக