4 பேருக்கும் தூக்கு தண்டனையா? நாளை அறிவிப்பு !

**krishnaamma** · **krishnaamma** Tue Sep 10, 2013 7:43 pm

டெல்லி மருத்துவ மாணவி பலாத்காரம் மற்றும் கொலை வழக்கில் தொடர்புடைய 4 பேரும் குற்றவாளிகள் என்று விரைவு நீதிமன்றம் அறிவித்துள்ளது.

முகேஷ், வினய் சர்மா, அக்ஷய் குமார், பவன் ஆகிய 4 பேரும் குற்றவாளிகள் என்று டெல்லி விரைவு நீதிமன்றம் அறிவித்துள்ளது. டெல்லியில் பிசியோதெரபி மாணவி ஒருவர் கடந்த ஆண்டு டிசம்பர் 16ம் தேதி அன்று ஓடும் பஸ்சில் 6 பேர் கும்பலால் பலாத்காரம் செய்யப்பட்டார். சிங்கப்பூர் மருத்துவமனையில் சிகிச்சை பெற்ற அவர் பின்னர் இறந்தார். இச்சம்பவம் நாடு முழுவதும் பெரும் பரபரப்பை ஏற்படுத்தியது. இந்த வழக்கில் 17வயது சிறுவன் உட்பட 6 பேர் மீது பலாத்காரம் மற்றும் கொலை வழக்கு பதிவு செய்யப்பட்டது.

முக்கிய குற்றவாளியான பஸ் டிரைவர் ராம்சிங் சிறையில் தூக்கிட்டு தற்கொலை செய்து கொண்டார். சிறார் நீதிமன்றத்தில் சிறுவனுக்கு அதிகபட்ச தண்டனையாக 3 ஆண்டு சிறை தண்டனை விதிக்கப்பட்டது. மற்ற 4 குற்றவாளிகள் மீதான வழக்கில் 130 விசாரணைகள் நடந்தது. இவர்களில் முகேஷ் என்பவர் மட்டுமே குற்றத்தை ஒப்புக் கொண்டார்.

நாளை தண்டனை:

குற்றவாளிகளாக அறிவிக்கப்பட்டுள்ள 4 பேருக்கும் வழங்கப்பட உள்ள தண்டனை விவரம் நாளை காலை 11 மணிக்கு அறிவிக்கப்படும் என்றும் விரைவு நீதிமன்றம் அறிவித்துள்ளது.

இந்த நிலையில் டெல்லி மருத்துவ மாணவியை கொடூரமாக கற்பழித்து உயிரிழக்க காரணமான கொலையாளிகளை தூக்கிலிட வேண்டும் என்று டெல்லி சாக்கெட் விரைவு நீதிமன்றம் முன்பு ஆர்பாட்டம் நடத்தப்பட்டது.

இந்த வழக்கில் அதிக பட்ச தண்டனையான மரண தண்டனை அளிக்க கூடும் என்று அனைத்து தரப்பிலும் எதிர்பார்க்கப்படுகிறது.

நன்றி : வெப்துனியா