கொஞ்ச நேரம் உறவுகளோடு

by **M.M.SENTHIL** Tue Sep 10, 2013 10:34 pm

கொஞ்ச நேரம் உறவுகளோடு !

தினமும் அலுவலகம் சென்று
எப்பொழுதும் தன்னை
நேரமில்லாதவன் போல பாவித்து
வரும் சில மனிதர்களே!

உங்களுக்கும் உண்டு உறவுகள்
இதை மறக்கலாமா!

அப்பா, அம்மா தொடங்கி
அண்ணன், தங்கை வரை
உறவுகள் உண்டு எத்தனையோ !!

அவர்களுக்காக கொஞ்ச நேரம்
ஒதுக்குங்களேன் - அந்த
உறவின் புனிதத்தை அறிந்துகொள்ள !!

யாரும் வேண்டாம் என்று சொன்ன
எத்தனையோ நபர்களை - இறுதியில்
நான்கு பேர் தூக்கி போவதை
கண்கூடாக பார்க்கிறோம்!!

என்னதான் வெறுத்தாலும்
உறவை அறுத்தாலும்
இறுதியில் கிடைக்கும் ஆறடி நிலமும்
நமக்கு சொந்தமில்லையே !!

எதுவுமே இல்லாமல் பிறக்கிறோம்
எதுவுமே இல்லாமல் இறக்கிறோம்
இடையில் கொஞ்சம் - நல் உறவுகளோடு
வாழ்ந்துவிட்டு போவோமே!!