இங்கு கடவுள் விற்கப்படும்...!!!(Mano Red)

Mano Red · Mano Red Mon Sep 09, 2013 9:42 am

கடவுளைக் கூவி விற்கிறான்
கூறுகெட்ட மனிதன்,
எடையிட்டு ஏலமிடுகிறான்
ஏட்டறிவைத் தொலைத்தவன்,
கையால் செய்த ஒன்றை
கண்ணிட்டு கடவுள் என்கிறான்..!!

உள்ளங்கையில் உருவான ஒன்று
உன்னதம் பெறுமெனில்
இவ்வுலகம் படைக்க
இறைவன் தேவையில்லை..!!

படைத்தல் தொழிலை இறைவனுடன்
பகிர்ந்து கொண்டான் மனிதன்..!!
ஆண்டவனை இவன் படைத்து
ஆனந்த ஆட்டமாடி
வீதியில் கூச்சல் போட்டு
விற்றுத் தீர்க்கிறான்
உலகத்தின் முதலாளியை..!!

தூணிலும் துரும்பிலும்
இருக்கத் தெரிந்த இறைவன்,
சிரம் மட்டும் தந்துவிட்டு
சிந்தனை தர மறந்துவிட்டான்..!!

எல்லாம் சொன்ன இறைவன்
நம்பிக்கை வேறு,
மூட நம்பிக்கை வேறு
என்பதை சொல்ல மறுத்துவிட்டான்..!!

கல்லை மட்டும் பார்த்தால்
கடவுள் தெரியாதது உண்மையே,
அரைகுறை ஆன்மிகம் பார்ப்பவனே
அதனுள் அறிவியல் பார்..!!

இயற்கையைப் படைத்த
இறைவனை வைத்தே
இயற்கையை அழிக்கும்
இழிவு செயல்கள் இங்கே தான்..!!

கடவுளை உன் நிலையெண்ணி
கள்ளமின்றி சிரிப்பேன்..!!
மனிதனை உருவாக்கியதாய்
மதம் கொள்ளாதே,
உன்னை அவன் உருவாக்கி
கழுத்தில் கயிறிட்டு
கடலில் இறக்கி
கதை முடிக்கப் பார்க்கிறான்..!!

இனியாவது இறைவனே
திருந்தி விடு,
இவர்களை படைப்பதில் கொஞ்சம்
திருத்தி விடு...!!!

அசுரன் · அசுரன் Mon Sep 09, 2013 9:49 am

கவிதை மிக மிக அருமை நண்பா! ஆனால் கடவுள் ஏழை எளியவர்களுக்கு ஒரு நாள் வயற்று பசி போக்குவதற்காக மண்ணாக ஆசி கடலுக்குள் போகிறார் என்று வைத்துக்கொள்வோமே? இதுவும் இறைவனின் திருவிளையாடல்களில் ஒன்று தான்.

உண்மையில் இறைவன் எந்த வடிவில் இருக்கிறான் என்று யாருக்கும் தெரியாது, ஆனால் நாலுபேர் வயிறு நிறைய நாம் பணம் கொடுத்து வாங்கும் கடவுள் எவ்வளவோ உன்னதமானவர்.

Mano Red · Mano Red Mon Sep 09, 2013 9:51 am

இறைவன் உண்மையே.....மூடநம்பிக்கைகள் தவறு என்பதையே நான் காருதுகிறேன்....நன்றி தோழா....

அசுரன் · அசுரன் Mon Sep 09, 2013 9:59 am

Mano Red wrote:இறைவன் உண்மையே.....மூடநம்பிக்கைகள் தவறு என்பதையே நான் காருதுகிறேன்....நன்றி தோழா....

அதீத மூடநம்பிக்கை தவறு தான் தம்பி. ஆனால் சில வழிபாடு முறைகள் மற்றும் திருவிழாக்களில் பலரின் வாழ்வும் வருமானமும் அடங்கியிருக்கும். அவர்கள் எளியவர்கள் என்பதால் தான் அப்படி சொன்னேன். வாழ்க்கை ஜனரஞ்சகமாக இருப்பதற்காகவே இவைகள் படைக்கப்பட்டன என்று நினைக்கிறேன். ஒன்றுமில்லா வாழ்க்கை வெற்று வாழ்க்கை.

தண்ணீரில் லென்சு வச்சி பார்த்து தண்ணீர் குடித்தால் ஒருநாளைக்கு கூட நம்மால் உயிர் வாழ முடியாது.

Mano Red · Mano Red Mon Sep 09, 2013 10:01 am

நீங்கள் சொல்வதும் சரியே....ஆனால் அதிக விளைவுகளும் இவைகளால் மட்டுமே...

17/02/2013

எது எப்படியோ கவிதை நல்லாருக்கு நன்றி நண்பா

Mano Red · Mano Red Mon Sep 09, 2013 4:47 pm

நன்றி நண்பா.....

ராஜு சரவணன் · ராஜு சரவணன் Mon Sep 09, 2013 5:09 pm

மனிதனின் முதல் தொழில்
மண்பாண்டம் எனும் மகத்தான தொழில்

பாத்திரம் என்றாலே மண்பாண்டம் எனும்
சூத்திரம் கொண்டது அக்காலம்

பாத்திரம் என்றால் உலோகம் என்று
மாத்திகொண்டது இக்காலம்

உடலுக்கு நன்மை செய்யும்
இத்தொழிலை நம்பி இருப்போர் ஏராளம்

இதுபோன்ற தினங்களில் அவர்கள்
வாழ்கையில் ஒளியேற்ற வேண்டும் தாராளம்.

கடவுள் தன்னை தானே பிட்டுக்காக விற்றுகொண்டவர் தானே நண்பா புன்னகை

உங்கள் கவிதை நன்று புன்னகை

வாழ்துக்கள் புன்னகை

Mano Red · Mano Red Mon Sep 09, 2013 5:12 pm

நன்றி தோழா...!!!

Sponsored content · Sponsored content

இங்கு கடவுள் விற்கப்படும்...!!!(Mano Red)

இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

Re: இங்கு கடவுள் விற்கப்படும்...!!!(Mano Red)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக