ஞாயிறு

**M.M.SENTHIL** · **M.M.SENTHIL** Sun Sep 08, 2013 12:29 pm

ஞாயிறு

திங்கள் முதல்
வெள்ளி வரை
அலுவலகம் சென்று வந்து
சனிக்கிழமை ஓய்வெடுத்து
ஞாயிறு காலை மனைவியிடம் சொன்னேன்

சீக்கிரம் கிளம்பு படத்துக்கு
போகலாமேன - விளையாடிவிட்டு
ஓடிவந்த என் அன்பு மகள் சொன்னாள்

அப்பா படத்துக்கு வேண்டாம் - நாம்
பாட்டியை பார்த்து வரலாம் என!

ஞாயிறு விடுமுறையிலும் - நான்
மறந்து போய்விட்ட என் அன்னை முகம்
என் முன்னே தோன்றி மறைந்தது !!

வாரத்தின் ஏழு நாட்களும்
கஷ்டப்பட்டு
ஞாயிறன்று மாலையில்
கால் கிலோ ஆட்டு கறி வங்கி வந்து
அத்தனையும் எனக்கே ஊட்டி விட்ட
என் அன்னை - இப்போது
முதியோர் இல்லத்தில் !!

அம்மா உனக்கு வயதாகி
உன்னால் எனக்கு எந்த
பயனும் இல்லாததால் - உன்னை
மறந்தது போலவே !
ஞாயிற்று கிழமை பாட்டியை
பார்க்க போகலாம் என
என் மகளுக்கு சொன்ன அந்த
வார்தையையும் மறந்து விட்டேன் !!

ஆனால் என்னையும் - நீ
ஆசையோடு எனக்கு ஆட்டுக்கறி
ஆக்கிப்போட்ட எத்தனையோ
ஞாயிற்று கிழமைகளையும்
மறந்திருக்க மாட்டாய் தானே?

**ராஜா** · **ராஜா** Sun Sep 08, 2013 12:40 pm

அருமையான வரிகள் செந்தில் , படித்ததும் மனதில் பல மலரும் நினைவுகள் ஓடுகிறது அழுகை

ராஜு சரவணன் · ராஜு சரவணன் Sun Sep 08, 2013 12:42 pm

தற்போதைய பெற்றோர் பிள்ளை உறவை கவிதையால் வடித்தமை அருமை

**M.M.SENTHIL** · **M.M.SENTHIL** Sun Sep 08, 2013 12:49 pm

நன்றி தோழரே

விஸ்வ_32 · விஸ்வ_32 Sun Sep 08, 2013 1:18 pm

நல்லா இருக்கு ....உண்மை........

**சிவா** · **சிவா** Sun Sep 08, 2013 1:24 pm

கவிதையும், கருத்தும் அருமை செந்தில்!

அசுரன் · அசுரன் Mon Sep 09, 2013 12:10 am

கல்நெஞ்சங்களுக்கு புரியனுமே. கண்ணீர் வரவைக்கும் கவிதை. நல்லவேளை என் அன்னையை என்னுடனே வைத்திருக்கிறேன் சகல வசதிகளுடன். இறைவனுக்கு நன்றி

17/02/2013

நன்று

Sponsored content · Sponsored content

ஞாயிறு

ஞாயிறு

Re: ஞாயிறு

Re: ஞாயிறு

Re: ஞாயிறு

Re: ஞாயிறு

Re: ஞாயிறு

Re: ஞாயிறு

Re: ஞாயிறு

Re: ஞாயிறு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக