அன்பு மகளுக்கு..இனிய பிறந்த நாள் வாழ்த்துக்கள்

by raheema faizal Sun Sep 08, 2013 7:35 am

அன்பு மகளுக்கு...

விசேஷம் இல்லையா...
என்கிற
நிறையப்பேரின் தொல்லைகளுக்கு
விடையாக நீ வந்தாய்....

சிரித்த முகம் ....!
ஆண்குழந்தை பிறக்கும்
என்றார்கள்...!
பெருத்த வயிறு....
பெண் பிள்ளைதான் -என்றார்கள்....!
உரத்த சத்தி...
ஆண்பிள்ளை என்றார்கள்....!!!

முதல் பிள்ளை ஆண்பிள்ளை தான்
பிறக்கணும்-என
முடிவுகளும் பலர் சொல்ல...

பிறக்கிற குழந்தை...
ஆரோக்கியமாய் பிறக்கணும்-எனும்
பிரார்தனைகளோடு மட்டும்...
நாமிருந்தோம் ....!!!

இன்றைய நாளில்..
நீ பிறந்தாய்.....!
உன் -முகம் பார்த்து...
வலி மறந்தோம்...!!!
நமக்கான ;
பெற்றோரின் வலி உணர்ந்தோம்...!!!

படிக்கிற நாட்களிலும்...
நள்ளிரவில் விழித்ததில்லை....
விடிய விடிய
இமைக்காமல் விழித்திருப்பாய்...
எம் -தூக்கம் கலைத்தாய்....
இருந்தும்
சந்தோசங்களால்...
வாழ்வை நிறைத்தாய்..!!

உன் சிரிப்பிலும்
உன் விளையாட்டுகளை
வேடிக்கை பார்த்தபடியும்....
உன்னை வாசித்தபடியும்....
ஓடித்தொலைகிறது நாட்கள்...!!!

வருஷம் ஒன்று...
'ஒரு வயசாக்கிட்டா ???
என்கிற ஆச்சரியங்களில் இருந்து...
விடுபடமுடியாமலே
இன்னும் -நாம்..

எது எப்படியோ..
ஸாலிஹானா மகளாய்...
சிரித்த முகமுமாய்
நீண்ட ஆயுளும்
நோயற்ற வாழ்க்கையும்...
நீ வாழனும்...

இனிய பிறந்த நாள் வாழ்த்துக்கள் மகள்...