உதவி பேராசிரியர் கொலையில் கள்ளக்காதலனுடன் மனைவி கைது

சிதம்பரம் அண்ணாமலை பல்கலைக்கழக உதவி பேராசிரியர் கார் ஏற்றி கொலை செய்யப்பட்ட வழக்கில் அவருடைய மனைவி, கள்ளக்காதலன் உள்பட 3 பேரை போலீசார் கைது செய்தனர்.

கடலூர் மாவட்டம் சிதம்பரம் கனகசபை நகர் 7-வது கிராஸ் ரோட்டை சேர்ந்தவர் இளங்கோ. இவருடைய மகன் சம்பத் (வயது 37). இவர் சிதம்பரம் அண்ணாமலை பல்கலைக்கழக பொறியியல் கல்லூரியில் எலெக்ட்ரிக்கல் இன்ஸ்ட்ருமென்டேசன் துறையில் உதவி பேராசிரியராக பணிபுரிந்து வந்தார். இவருக்கு 6 ஆண்டுகளுக்கு முன்பு திருமணமாகி கிரண்ரூபினி என்ற மனைவியும், 4 வயதில் சோனா என்ற மகளும் உள்ளனர்.

இந்தநிலையில், கடந்த 29-ந் தேதி நள்ளிரவு, கிரண்ரூபினி தனக்கு நெஞ்செரிச்சல் ஏற்பட்டுள்ளதாக கூறினார். இதையடுத்து, சம்பத் தனது மோட்டார் சைக்கிளில் சோடா வாங்க சென்றார். அதன் பின்னர் அவர் வெகுநேரமாகியும் வீடு திரும்பவில்லை.

இதையடுத்து சம்பத்தை தேடி இளங்கோவும், கிரண்ரூபினியும் வெளியே சென்றனர். அவர்கள் சிறிது தூரம் சென்று பார்த்தபோது, வீட்டின் அருகே சாலையோரத்தில் தலைநசுங்கிய நிலையில் சம்பத் பிணமாக கிடந்தார்.

சிதம்பரம் டவுன் போலீசார், சம்பத்தின் உடலை கைப்பற்றி, பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். பின்னர் உதவி பேராசிரியர் சம்பத் வாகனம் மோதி இறந்ததாக வழக்குப்பதிவு செய்து விசாரணையை தொடங்கினர்.

இருப்பினும் சம்பத் இறந்து கிடந்த இடத்தில் கார் ஒன்று முன்னும், பின்னும் பலமுறை சென்றதற்கான டயர் தடயங்கள் இருந்தன. எனவே இந்த சம்பவம் விபத்தாக இருப்பது அரிது என்றும், சம்பத் கொலை செய்யப்பட்டு இருக்கலாம் என்று போலீசார் சந்தேமடைந்தனர்.

மேலும் சம்பவ இடத்துக்கு வரவழைக்கப்பட்ட மோப்பநாய், சுமார் ½ கிலோ மீட்டர் தூரம் உள்ள வெள்ளதாங்கி அம்மன்கோவிலில் முன்பு சென்று நின்றது.

இதைத்தொடர்ந்து கொலையாளிகளை பிடிக்க சிதம்பரம் துணை போலீஸ் சூப்பிரண்டு தலைமையில் தனிபடை அமைக்கப்பட்டது.

வெப்துனியா

அந்த யானைக் குட்டிகளைப் படம் பிடித்துப் போட்டிருந்தார்கள் தந்தியில்...
இப்ப அந்த ரெண்டு யானைக்குட்டிகளும் களி திங்குதுங்க ... 

அண்ணா இந்தச் செய்தி அதன் தலைப்பு வரைக்கும் போகலையே கவனிக்கவில்லையா