பால் பொருட்கள் வர்த்தகத்தில் அன்னிய நிறுவனங்கள்!

பால் பொருட்கள் வர்த்தகத்தில் அன்னிய நிறுவனங்கள் :வளமான வாய்ப்பை கவர திட்டம்!

இந்தியாவில் வேகமாக வளர்ந்து வரும் பால் பொருட்கள் துறையில் களமிறங்க, 10க்கும் மேற்பட்ட பன்னாட்டு நிறுவனங்கள் ஆயத்தமாகி வருகின்றன.பால், தயிர், பாலாடைக் கட்டி, பன்னீர், ஐஸ்கிரீம், குழந்தை உணவு போன்ற மதிப்பு கூட்டப்பட்ட பால் பொருட்கள் துறை, வேகமாக வளர்ச்சி கண்டு வருகிறது.


வளர்ச்சி:பால் பொருட்கள் வர்த்தகத்தில் அன்னிய நிறுவனங்கள் :வளமான வாய்ப்பை கவர திட்டம் அடுத்த நான்கு அல்லது ஐந்து ஆண்டுகளில், இத்துறை, ஆண்டுக்கு சராசரியாக, 20 -30 சதவீதம் ­வளர்ச்சி காணும் என, ரபோ பேங்க் மதிப்பீடு செய்துள்ளது. இந்த வளர்ச்சியை கருத்தில் கொண்டு, பால்பொருட்கள் துறையில் உள்ள பன்னாட்டு நிறுவனங்கள், இந்தியாவில் அவற்றின் வர்த்தகத்தை துவக்க தீவிரமாகியுள்ளன.

உலகளவில், 20 முன்னணி நிறுவனங்கள், மதிப்பு கூட்டப்பட்ட பால் பொருட்கள் துறையில் உள்ளன. இவற்றில் ஆறு நிறுவனங்கள், ஏற்கனவே, இந்திய பால் பொருட்கள் துறையில் களமிறங்கி விட்டன.அவற்றிலும், டனோன் புட் அண்டு பிவரேஜஸ் (இந்தியா) நிறுவனம் தவிர, மற்ற நிறுவனங்கள், பால் பொருட்கள் தயாரிப்பில் ஈடுபட வில்லை. டனோன் நிறுவனம் கூட, வெளியாரிடம் பால்பொருட்களை தயாரித்து பெற்று, இந்தியாவில் விற்பனை செய்து வருகிறது.


இது போன்ற வர்த்தகம், உள்நாட்டு நிறுவனங்களின் வளர்ச்சிக்கு மட்டுமே உதவக் கூடியது என்பதால், பல பன் னாட்டு நிறுவனங்கள், இந்திய நிறுவனங்களுடன் கூட்டு வர்த்தகம் புரிய துடிக்கின்றன. இத்தகைய முயற்சியில், நியூசிலாந்தின் பான்டெரா நிறுவனம் ஈடுபட்டுள்ளது. சந்தை மதிப்பு சென்ற 2012-13ம் நிதியாண்டு நிலவரப்படி, இந்தியாவின் அமைப்பு சார்ந்த பால் பொருட்கள் சந்தை மதிப்பு,1,000 கோடி டாலராக உள்ளது.இப்பிரிவின் ஆண்டு வளர்ச்சி, வரும் 2019-20ம் ஆண்டு வரை, 13-15 சதவீதமாக இருக்கும் என, மதிப்பிடப்பட்டு உள்ளது.

இந்திய பால் சந்தையில், பாரம்பரிய பால் பிரிவின் பங்களிப்பு, 90-95 சதவீதமாகவும், மதிப்பு கூட்டப்பட்ட பால் பொருட்களின் பங்களிப்பு, 5-10 சதவீதம் என்ற அளவிலும் உள்ளது. கூட்டுறவு பால் பண்ணைகள், தனியார் நிறுவனங்கள், விவசாயிகளிடம் இருந்து நேரடியாக பால் கொள்முதல் செய்து, பால் மற்றும் பால் பொருட்கள் விற்பனையில் ஈடுபட்டுள்ளன. ஆனால், இந்திய நிறுவனங்களுடன் கூட்டாக செயல்பட உள்ள, பன்னாட்டு நிறு வனங்கள், நேரடியாக விவசாயிகளிடம் இருந்து பால் கொள்முதல் செய்யாமல், விற்பனையில் மட்டும் கவனம் செலுத்த திட்டமிட்டு உள்ளன.


இதற்கு காரணம் உள்ளது. செலவிடும் வருவாய் அதிகம் உள்ள மக்கள், பீட்சா, பர்கர் போன்ற துரித உணவுகளை விரும்பி உண்கின்றனர். இந்த உணவுகளில், மதிப்பு கூட்டப்பட்ட பால் பொருட்களான, பாலாடைக்கட்டி, பன்னீர் போன்றவை இடம் பெறுவதால், அவற்றுக்கான தேவை அதிகரித்துள்ளது. இதனால், பிட்சா ஹட், கே.எப்.சி., மெக்டொனால்ட்ஸ், மேரிபிரவுன், பேங்ஸ், மெக்டொனால்ட்ஸ் போன்ற நிறுவனங்கள் விரைந்து வளர்ச்சி கண்டு வருகின்றன. அது போன்று, கேப் காபி டே போன்ற காபி பார்லர்களும் அதிகரித்து வருகின்றன.

இத்தகைய வளர்ச் சியை கருத்தில் கொண்டு, பன்னாட்டு பால் பொருட்கள் தயாரிப்பு நிறுவனங்கள், இந்தியாவிற் குள் நுழைய உள்ளன.எதிர்ப்பு இந்நிறுவனங்களால் எங்களுக்கு பாதிப்பு எதுவும் இல்லை என்று உள்நாட்டு நிறு வனங்கள் கூறுகின்றன. அதே சமயம், இந்நிறுவனங்கள், ஐரோப்பிய கூட்டமைப்புடன் இந்தியா, தாராள வர்த்தக ஒப்பந்தம் செய்து கொள்ள எதிர்ப்பு தெரிவித்துள்ளன.

இந்த ஒப்பந்தம் நடைமுறைக்கு வந்தால், பன்னாட்டு நிறுவனங்கள், அவற்றின் மதிப்பு கூட்டப்பட்ட பால் பொருட்களை நேரடியாக இந்திய சந்தையில் குவிக்கும் என்ற அச்சம் தான் இதற்கு காரணம். இந்தியாவின் அமைப்பு சார்ந்த பால் பொருட்கள் சந்தை மதிப்பு, 1,000 கோடி டாலராக உள்ளது. இப்பிரிவின் ஆண்டு வளர்ச்சி, வரும் 2019-20ம் ஆண்டு வரை, 13-15 சதவீதம் என்ற அளவில் இருக்கும்
நன்றி : தினமலர் - பிசினஸ் ஸ்டாண்டர்ட் உடன் இணைந்து.