இந்திய கடல் பகுதிகளில் தோரியம் கடத்தப்பட்டதில், அரசுக்கு 60 லட்சம் கோடி இழப்பு

புதுடெல்லி: இந்தியாவில் உள்ள கடல் பகுதிகளில் இருந்து தோரியம் கடத்தப்பட்டதில், அரசுக்கு 60 லட்சம் கோடி இழப்பு ஏற்பட்டுள்ளதாக தகவல் அறியும் சட்டத்தின் (ஆர்டிஐ) மூலம் தெரியவந்துள்ளது.

ஒரிசா, கேரளா போன்ற மாநிலங்களில் இருந்துதான் அதிகமாக மணலில் இருந்து தோரியம் பிரித்தெடுக்கப்படுவதாகவும், இவை வெளிநாடுகளுக்கு கடத்தப்படுவதாகவும் கூறப்பட்டுள்ளது.

இதனால் அரசுக்கு 60 லட்சம் கோடி இழப்பு ஏற்பட்டுள்ளதாகவும், நாட்டின் பொருளாதாரம் பாதிக்கப்பட்டுள்ளதாகவும் தெரிவிக்கப்பட்டுள்ளது.

தோரியம் கடத்தலில் மத்திய மண்டல தாது பொருட்கள் கட்டுப்பாடு அதிகாரியாக உள்ள ரஞ்சன் சகாய் என்பவருக்கு முக்கிய பங்கு இருப்பது தெரிய வந்துள்ளது.

தோரியம் கடத்தல் குறித்தும் ரஞ்சன் சகாய் முறைகேடு குறித்தும் மத்திய ஊழல் கண்காணிப்பு ஆணையத்திற்கு அனுப்பப்பட்ட பல்வேறு புகார்கள் கிடப்பில் போடப்பட்டதாக கூறப்படுகிறது.

தோரியம் கடத்தலால் நாட்டிற்கு மிகப்பெரிய பெருளாதார இழப்பு ஏற்பட்டுள்ளது மட்டுமின்றி கதிர்வீச்சு தன்மையுள்ள இந்த பொருட்கள் தீவிரவாதிகள் கைகளில் சிக்கினால் பெரும் நாச வேலைகளுக்கு காரணமாகிவிடும் என்ற நிலையில் அரசு மெத்தனமாக இருப்பது கவலை அளிப்பதாக தகவல் அறியும் உரிமை ஆர்வலர்கள் தெரிவித்துள்ளனர்.

ஆனால், தோரியம் கடத்தப்படுவதாக வெளியான தகவலை மத்திய அரசு மறுத்துள்ளது.

சென்னை விமான நிலையத்தி்ல் இன்று செய்தியாளர்களிடம் பேசிய வெளியுறவுத்துறை இணை அமைச்சர் இ.அகமது, கடல் பகுதியில் தோரியம் கடத்தல் உறுதி செய்யப்பட்டால் தக்க நடவடிக்கை எடுக்கப்படும் என்றார்.

இந்தியாவில் இருந்து தோரியம் கடத்தல் என்பது அறிக்கையாகவே உள்ளது என்றும் அவர் கூறினார்.

நன்றி : விகடன் செய்திகள்

தோரியம் கடத்தப்படுவதாக வெளியான தகவலை மத்திய அரசு மறுத்துள்ளது.

அதுதான் சொல்லிடாங்குல்லா.... இப்ப தெரியுதா கடத்தினது யார் என்று

இந்தியா வளர்ந்துவிட்டது ... இப்போ எல்லாம் இலட்சம் கோடிகளில்தான் ..

இந்தியா ஒளிர்கிறது