கவிஞர் தாமரையின் கோபம் நியாயம் தானே!!

by ராஜு சரவணன் Fri Sep 06, 2013 10:41 am

காங்கிரஸே.....!
எத்தனை கொடுமைகள்
செய்துவிட்டாய்

எங்கள் தமிழினத்திற்கு...
எத்தனை
வழிகளில் கெஞ்சியும் கூத்தாடியும்
காலில் விழுந்தும் கதறியும்
கொளுத்திக் கொண்டு செத்தும்
தீர்ந்தாயிற்று...

எதுவுமே காதில் விழாத உங்களுக்கு
இன்னும் தராத ஒன்று மிச்சம் உண்டு என்னிடம்....

அழுது வீங்கிய கண்களோடும்
அரற்றிய துக்கத்தோடும்
களைந்த கூந்தலோடும்
வயிரெரிந்து இதோ விடுகிறேன்..

கண்ணகி மண்ணில் இருந்து
ஒரு கருஞ்சாபம்!
உங்கள் சிம்மாசனம் வெடித்துத்
தூள் தூளாகட்டும்!!..

கவிஞர் தாமரை.
'பாரத் போஸ்ட்' என்ற இணைய தளத்தில் இந்த கவிதை வெளியிடப்பட்டுள்ளது..

அந்த கவிதையின் ஒலி வடிவத்தை இணைத்துள்ளேன் ராஜு. தவறாக நினைக்க மாட்டீர்கள் என்று நம்பி. (ஆதிரா)

by ராஜு சரவணன் Fri Sep 06, 2013 10:46 am

பெண்மையின் இலக்கணம் இவருக்கு பொருந்தும்

by ராஜு சரவணன் Fri Sep 06, 2013 2:47 pm

ஒரு தாலிக்கு
இரு லட்சம் தாலி பறித்த பாதகையே
பட்டு போகட்டும் உன் கொடி
பழயபடி பரதேசம் போவாய்
எங்கள் சொல்படி

by பூவன் Fri Sep 06, 2013 2:53 pm

அழுது வீங்கிய கண்களோடும்
அரற்றிய துக்கத்தோடும்
களைந்த கூந்தலோடும்
வயிரெரிந்து இதோ விடுகிறேன்..

கண்ணகி மண்ணில் இருந்து
ஒரு கருஞ்சாபம்!
உங்கள் சிம்மாசனம் வெடித்துத்
தூள் தூளாகட்டும்!!..

நல்ல வரிகள் கவிதை பகிர்வுக்கு நன்றி ....

by **ரா.ரா3275** Fri Sep 06, 2013 3:58 pm

அட எதுக்கு தாமரை இவ்ளோ கோவம்...அவங்களே தூண்ட காணோம் துணிய காணோம்னு ஓடப்போறாங்க...அப்ப இருக்கு நமக்கெல்லாம் இனிப்பு...

by அசுரன் Mon Sep 09, 2013 12:38 am

நம் எண்ணத்தை பிரதிபலிக்கும் கவிதை. அருமை என்று சொல்வதைவிட பெருமை என்று சொன்னால் சாலப் பொருந்தும்.

ஆனால் ஞா ன தேசிகனும் நாரவாய்சாமியும் தொடர்ந்து இப்படி சொல்லிக்கொண்டு திரிகிறார்கள். "இலங்கை பிரச்சனை க்கும் தேர்தலுக்கும் மக்கள் முடிச்சி போடமாட்டார்கள் என்று"