பல வண்ணங்களில் ஆப்பிள் ஐபோன் 5சி! செப்டம்பர் 10 ஆம் தேதி அறிமுகம்!

பிரபல திறன் பேசி (Smart Phone) தயாரிப்பு நிறுவனமான ஆப்பிள் வரும் செப்டம்பர் 10 ஆம் தேதி தன்னுடைய புதிய தயாரிப்பு ஐபோன்களை அறிமுகப்படுத்த ஊடகங்களுக்கு அழைப்பு விடுத்திருக்கிறது.

ஆனால் அந்த அழைப்பில் ஐபோன்களைப் பற்றி அதிகம் குறிப்பிடாமல், “உங்களுடைய நாள் வண்ணமயமாக இருக்கும்” என்று மட்டும் குறிப்பிட்டுள்ளது.

இதன் படி, இனி புதிதாக வரக்கூடிய ஐபோன்கள் அனைத்தும் பல வண்ணங்களில் கிடைக்கப்போகிறது என்பது பொதுமக்களுக்கான நற்செய்தி.

கசிந்த தகவல்களின் அடிப்படையில்  பார்த்தால், ஐபோன் 5எஸ்  “ஷாம்பெயின்” ஷேடு நிறத்திலும், குறைந்த விலை தயாரிப்பான ஐபோன் 5சி வெள்ளை, பச்சை, சிவப்பு, நீலம், இளஞ்சிவப்பு ஆகிய நிறங்களிலும் கிடைக்கலாம் என்று எதிர்பார்க்கப்படுகிறது.

அழைப்பிதழில் மஞ்சள், பச்சை, ஆரஞ்சு, வெள்ளை, சிவப்பு, இளஞ்சிவப்பு மற்றும் இளம் நீலம் ஆகிய வண்ணங்கள் சேர்க்கப்பட்டுள்ளன. ஆகவே விரைவில் ஐபோன் பல வண்ணங்களில் உங்கள் கைகளில் தவழவுள்ளது.

ஐபோன் 5 எஸ்

ஐபோன் 5 எஸ் மாடலில், அதன் ஹோம் பட்டனில், கை விரல் ரேகைக்கான ஸ்கேனர் அமைக்கப்படலாம். இதன் கேமரா விநாடிக்கு 120 பிரேம்களைப் பதியும் வேகம் கொண்டதாக இருக்கும். தற்போதைய ஐபோன் கேமராக்கள், விநாடிக்கு 30 பிரேம் பதியும் திறன் கொண்டுள்ளன. இதனால், புதிய போனை கொண்டு ஸ்லோ மோஷன் திரைப்படங்களைக் கூடப் பதியலாம்.

ஐபோன் 5 சி

ஐபோன் 5 சி, விலை மலிவான பிளாஸ்டிக் கொண்டு வடிவமைக்கப்பட்டுள்ளது. இதனாலேயே இதன் விலையைக் குறைக்க முடிகிறது. தற்போது விலை குறைந்த மற்றும் மத்திய நிலையில் விலையிட்டுள்ள திறன் பேசிகளே சந்தையில் கோலோச்சி வருகின்றன. இதனால், குறைவான விலையில் திறன் பேசி ஒன்றை கொண்டு வருவதில் ஆப்பிள் குறியாய் உள்ளது. இந்த விலை குறைவான மாடல் மூலம் சந்தையில் தன்னுடைய திறன் பேசியை பெரும்பாலான மக்களிடம் கொண்டு சேர்க்க முடியும் என ஆப்பிள் நிறுவனம் எதிர்பார்க்கிறது.

என்ன விலை தல ...தோராயமாக

இப்ப இருக்கும் ஆண்ட்ராயிடு மோகத்தில் ஐ போன் வெற்றி பெறுவது கொஞ்சம் கடினம் தான்.

பாலாஜி wrote:என்ன விலை தல ...தோராயமாக

தோராயமாக $400-$500 ஆக இருக்கும் எனக் கூறுகிறார்கள் தல! மற்ற நாடுகளில் விற்பனையாகும் பொழுது இந்த விலையிலிருந்து 20% வரி இணைக்கப்படும்.

சிவா wrote:

பாலாஜி wrote:என்ன விலை தல ...தோராயமாக

தோராயமாக $400-$500 ஆக இருக்கும் எனக் கூறுகிறார்கள் தல! மற்ற நாடுகளில் விற்பனையாகும் பொழுது இந்த விலையிலிருந்து 20% வரி இணைக்கப்படும்.

நன்றி தல

கலெக்ஸி இப்போது நன்றாக இருக்கிறது அண்ணா நான் நோட் 2 பயன்படுத்துகிறேன்

ஆப்பிள் 4 முன்பு பயன்படுத்தினேன் வேகமாகச் சூடேறுகிறது பாட்டரி-யும் நீண்ட நீரம் வருவதில்லை

செம்மொழியான் பாண்டியன் wrote:கலெக்ஸி இப்போது நன்றாக இருக்கிறது அண்ணா நான் நோட் 2 பயன்படுத்துகிறேன்

ஆப்பிள் 4 முன்பு பயன்படுத்தினேன் வேகமாகச் சூடேறுகிறது பாட்டரி-யும் நீண்ட நீரம் வருவதில்லை

iphone 4 சில பிரச்சினைகள் ஆரம்பத்தில் இருந்தே தொடர்ந்து வருகிறது . 4 S நன்றாக இருக்கும்