எரிபொருள் சேமிப்பு - ‘‘கார் வேண்டாம்...!’’ கால்நடையாக செல்லும் கலெக்டர்...!

எரிபொருள் சேமிப்பு....
‘‘கார் வேண்டாம்...!’’
கால்நடையாக செல்லும் கலெக்டர்...!



இப்படி நடக்குமா, என்று வியப்பாக இருக்கிறதா? பெட்ரோலை மிச்சப்படுத்துவதற்காக பீகாரில் மாவட்ட கலெக்டர் தனது அலுவலகத்துக்கு நடந்தே செல்கிறார். பீகார் மாநிலத்தில் கைமூர் மாவட்ட கலெக்டராக இருப்பவர் அரவிந்த் குமார் சிங். இவருடைய வீட்டில் இருந்து 2 கிலோ மீட்டர் தொலைவில் கலெக்டர் அலுவலகம் உள்ளது. சமீபத்தில் பெட்ரோல் விலை உயர்த்தப்பட்டதை தொடர்ந்து, இவர் சிக்கன நடவடிக்கையை கடைபிடிக்க தொடங்கியுள்ளார்.

எரிபொருளை மிச்சப்படுத்துவதற்காக நேற்று முன்தினம் முதல் தனது வீட்டில் இருந்து அலுவலகத்துக்கு நடந்தே செல்கிறார். மற்ற அதிகாரிகளும் இதை பின்பற்ற வேண்டும் என்று கேட்டு கொண்டுள்ளார். மேலும், தனது மாவட்டத்தில் உள்ள அரசு அலுவலகங்களில் மதிய உணவு இடைவேளை நேரத்தில் 1 மணி முதல் 3 மணி வரை ஜெனரேட்டர்களை பயன்படுத்த வேண்டாம் என்று அறிவுறுத்தி உள்ளார்.

‘‘பெட்ரோலிய பொருட்கள் இறக்குமதியால் தான் அரசுக்கு அதிகம் செலவாகிறது. இதுபோன்ற சிறிய சிக்கன நடவடிக்கைளின் மூலம், இந்த செலவை ஓரளவு குறைக்கலாம். முடிந்த வரையில் எல்லா அரசு ஊழியர்களும் அரசு பஸ், ரயில்கள் மூலம் சென்றால் நல்லது. எனது பாதுகாப்புக்கு வாகனங்கள் வருவதையும் நிறுத்தி விட்டேன். மாதத்துக்கு ஒரு வாரம் இந்த சிக்கன நடவடிக்கையை கடைபிடிக்க வேண்டும் என்பதை அரசு அலுவலர்களுக்கு கட்டாயமாக்கி இருக்கிறேன். ஜெனரேட்டர் பயன் கூடாது என்ற நடைமுறை மாதம் முழுவதும் அமலில் இருக்கும்’’ என்றார்.

நன்றி : Pasumai Vikatan

{ மாவட்டத்தில் உள்ள அரசு அலுவலகங்களில் மதிய உணவு இடைவேளை நேரத்தில் 1 மணி முதல் 3 மணி வரை ஜெனரேட்டர்களை பயன்படுத்த வேண்டாம் என்று அறிவுறுத்தி உள்ளார்}.

இது ஓகே.. ஆனால்
{ தனது வீட்டில் இருந்து அலுவலகத்துக்கு நடந்தே செல்கிறார்}.

நடந்து செல்லும் 1/2 மணி நேரத்தில் கூடுதலாக மக்கள் பணியை பார்க்கலாமே .........

மாலிக் இடுகை நன்று! முன் மாதிரிகளை இன்று தேடிப் பிடிக்கவேண்டியுள்ளது !

நாட்டில் பொதுவாக ஒரு பழக்கம் உண்டு. அலுவலகம் இருப்பது நகரத்தின் மையத்தில் என்றால் நம்ம ஆள் வீடு பிடிப்பது நகரின் எல்லையில், அதேபோல் அலுவலகம் நகரின் எல்லையில் இருந்தால் வீடு பிடிப்பது நகரின் மத்தியில். 

தாம்பரத்தில் வேலை செய்யும் ஒருவர் என பூந்தமல்லியில் வீடு பிடித்து தினம் தினம் 1 லிட்டர் பெட்ரோல் போட்டு கொண்டு அலுவலகம் வர வேண்டும். ஏன் அதற்க்கு தாம்பரத்தில் வீடு பார்த்து தங்கினால் என்ன? , பெட்ரோல் காசு, அலைசல் மிச்சம் இல்லையா.

இதுபோல் தான் அலுவலகம் வீடு இடைப்பட்ட தூரம் குறைந்தபட்சம் 10 - 15 கிலோமீட்டர் இருக்கும்படி தான் பெரும்பாலானோர் வீடு பிடித்து வாழ்த்து வருகின்றனர்.

இதனால் ஏற்படும் தேவையில்லாத பெட்ரோல் செலவு, டீசல் செலவு, வாகன செலவு, அலைச்சலை தவிர்க்கலாம் என்ற எண்ணம் யாருக்கும் இல்லை. அவரவர் வேலை பார்க்கும் இடத்திற்கு அருகில் வீடு பார்த்து தங்கினால் எவ்வளவு மிச்சம்.

இவரைப்போல் அனைவரும் இருந்தால் அரசாங்கத்தின் நிறைய பணம் மிச்சம் ஆகும் என்பதில் சந்தேகமே இல்லை

பெட்ரோலிய பொருட்கள் இறக்குமதியால் தான் அரசுக்கு அதிகம் செலவாகிறது. இதுபோன்ற சிறிய சிக்கன நடவடிக்கைளின் மூலம், இந்த செலவை ஓரளவு குறைக்கலாம்.

நல்ல ஆட்சியாளர் தொடரட்டும் இவரது பணி ...