ரூ.48,000 கோடிக்கு ஒப்பந்தம் நோக்கியாவை வாங்கியது மைக்ரோசாப்ட் நிறுவனம்

by **பார்த்திபன்** Wed Sep 04, 2013 5:36 pm

ஹெல்சிங்கி : நோக்கியா மொபைல் போன் நிறுவனத்தை மைக்ரோசாப்ட் நிறுவனம் 720 கோடி டாலர் (சுமார் 48,000 கோடி ரூபாய்) கொடுத்து வாங்கியுள்ளது. இந்த தகவல் தெரிந்ததும் நோக்கியா பங்குகளின் விலை 45 சதவீதம் உயர்ந்தது. மொபைல் போன் உலகின் முடிசூடா மன்னனாக திகழ்ந்த நோக்கியா, ஸ்மார்ட்போன் தயாரிப்பில் ஆப்பிள் மற்றும் சாம்சங் நிறுவனங்களின் அபார வளர்ச்சியால் தடுமாறியது. இந்த சூழ்நிலையில், 2011ல் மைக்ரோசாப்ட் நிறுவனத்தின் விண்டோஸ் போன் சாப்ட்வேரை நோக்கியா தனது மொபைல்போன்களில் ஆபரேடிங் சிஸ்டமாக அறிமுகம் செய்தது. எனினும், இந்த கூட்டணியால் நோக்கியா இழந்த சந்தைப் பங்கை திரும்ப அடைய முடியவில்லை.

கம்ப்யூட்டர்களுக்காக சமீபத்தில் அறிமுகம் செய்த விண்டோஸ் 8 ஆபரேடிங் சிஸ்டம் எதிர்பார்த்த வரவேற்பை பெறாததால் அமெரிக்காவின் மைக்ரோசாப்ட் நிறுவனமும் சோர்ந்திருந்தது. இந்த நேரத்தில் நோக்கியாவின் புதிய தயாரிப்புகளான லூமியா போன்கள் விண்டோஸ் ஆபரேடிங் சிஸ்டத்தில் சிறப்பாக செயல்படுவதால் பல நாடுகளிலும் விறுவிறுப்பாக விற்பனையாக தொடங்கியது.

இதை தொடர்ந்து நோக்கியா நிறுவனத்தை வாங்கும் திட்டத்தை மைக்ரோசாப்ட் துரிதப்படுத்தியது. இரு தரப்புக்கும் பலனளிக்கும் இணைப்பு என மைக்ரோசாப்ட் நிறுவனத்தின் தலைமை செயல் அதிகாரி ஸ்டீவ் பால்மெர் நம்பிக்கை தெரிவித்துள்ளார். தலைமை செயல் அதிகாரி எலூப் உள்பட நோக்கியாவின் 32,000 ஊழியர்கள் மைக்ரோசாப்ட் நிறுவனத்திற்கு மாற்றம் செய்யப்படுவார்கள். கனடாவை சேர்ந்த எலூப், முன்னாள் மைக்ரோசாப்ட் அலுவலர். 2010ல் பின்லாந்தை தலைமையிடமாக கொண்ட நோக்கியாவில் சேர்ந்தார். பால்மெர் இந்த ஆண்டு ஓய்வு பெற்றதும் மைக்ரோசாப்ட் தலைமை பொறுப்பை ஏற்பார் என தெரிகிறது.

நன்றி: தினகரன்

by **சிவா** Wed Sep 04, 2013 6:04 pm

ஒரு காலத்தில் புதிய நோக்கியா போன்களை வாங்குவதில் மிகுந்த ஆர்வம் செலுத்தினேன்! கடைசியாக வாங்கியது N96. இப்பொழுது கேலக்ஸியின் ரசிகனாகிவிட்டேன்!

by ராஜு சரவணன் Wed Sep 04, 2013 10:00 pm

சிவா wrote:ஒரு காலத்தில் புதிய நோக்கியா போன்களை வாங்குவதில் மிகுந்த ஆர்வம் செலுத்தினேன்! கடைசியாக வாங்கியது N96. இப்பொழுது கேலக்ஸியின் ரசிகனாகிவிட்டேன்!

நல்ல போன் தான் தல... ஆனாலும் கொஞ்சம் சிறிய பிரச்சனைகள் இருக்கு. இருந்தாலும் நோக்கியவை ஓரம் கட்ட வைத்த சாம்சுங்கிற்கு பாராட்டுகள் புன்னகை

by **Muthumohamed** Thu Sep 05, 2013 12:23 am

நானும் முதலில் வாங்கிய ஃபோன் நோக்கிய தான் 3310

by **ராஜா** Thu Sep 05, 2013 12:28 pm

நான் முதலில் வாங்கிய பிற தயாரிப்பு ஃபோன் galaxy s2 தான் அதற்கு முன் வாங்கிய அனைத்து ஃபோன்களும் நோக்கியா தான்

by ராஜு சரவணன் Thu Sep 05, 2013 3:17 pm

என்னுடைய முதல் ஃபோன் சோனி எரிக்சன் பிறகு எல்‌ஜி அப்புறம் தான் SAMSUNG புன்னகை

by **கோவிந்தராஜ்** Thu Sep 05, 2013 10:42 pm

எனக்கு பிடித்த நிறுவனங்கள் நோக்கியா மற்றும் மைக்ரோ சாஃப்ட் இருந்தும் இணைந்ததில் மிகவும் மகிழ்ச்சி . ரூ.48,000 கோடிக்கு ஒப்பந்தம் நோக்கியாவை வாங்கியது மைக்ரோசாப்ட் நிறுவனம் 103459460