ஃப்ரீசருக்காக 11 வயது மகளை விற்ற பெண்!

**சாமி** · **சாமி** Wed Sep 04, 2013 7:36 am

நியூயார்க்

ஃப்ரீசர் வாங்குவதற்காக 11 வயது மகளை அர்ஜென்டினா பெண் ஒருவர் விற்ற தகவல் அதிர்ச்சியை ஏற்படுத்தி உள்ளது.

32 வயதான அந்த தாயாரின் பெயர் பப்லா செசரினா மன்ஜோன் அல்டனா. அர்ஜென்டினாவைச் சேர்ந்த இவர் தனது பக்கத்து வீட்டுக்காரரிடம் இருந்து ஃப்ரீசர் மற்றும் இதர வீட்டு சாதன பொருட்களை வாங்கி விட்டு,அதற்கு பதிலாக பண்டமாற்று முறையில் தனது 11 வயது மகளை விற்றுள்ளார்.பக்கத்து வீட்டுக்காரர் அவளை பியூனஸ் அயர்ஸ் அருகே பெர்னல் பகுதியில் உள்ள கிலான்டஸ்டைன் என்ற அலுமினியம் ஆலை உரிமையாளர்களான ஒரு தம்பதியிடம் விற்றுள்ளார். அந்த ஆலையில் சிறுமி பாலியல் பலாத்காரம் செய்யப்பட்டாள்.இதையறிந்ததும் கடந்த வாரம் போலீஸார் அந்த ஆலையில் அதிரடி சோதனை நடத்தினர்.

அப்போது அந்த சிறுமி மற்றும் மேலும் 5 இளம் பெண்கள் வலுக்கட்டாயமாக வேலையில் சேர்க்கப்பட்டிருப்பது தெரியவந்தது. அவர்களுக்கு 14 முதல் 17 வயது வரைதான் இருக்கும்.அவர்களை போலீஸார் மீட்டனர்.ஆலையை சட்ட விரோதமாக நடத்திய தம்பதியை போலீஸார் கைது செய்தனர்.மேலும் அவர்கள் மீது குழந்தை தொழிலாளர்களை பணியில் அமர்த்தியது தொடர்பாகவும் வழக்கு பதிவு செய்தனர்.சிறுமியை விலைக்கு வாங்கிய பக்கத்து வீட்டுக்காரர் தலைவறைவாகி விட்டார்.