குட்டிக் குட்டிக் குறிப்புகள்

**சிவா** · **சிவா** Wed Aug 28, 2013 2:30 am

பழைய பூரியைப் பயன்படுத்தும் முறை

சப்பாத்தி, பூரி மிச்சப்பட்டு விட்டால் தோல் சீவிய உருளைக் கிழங்கு ஒன்றுடன் சேர்த்து ஒரு டப்பாவில் போட்டுக் காற்றுப் புக முடியாதபடி மூடி வைத்து விட்டால் மறுநாள் எடுத்துச் சுட வைத்துப் பயன்படுத்தலாம். கெடாமல் புதிதாகத் தயார் செய்தது போலவே இருக்கும்.

**சிவா** · **சிவா** Wed Aug 28, 2013 2:30 am

தேமல் மறைய

வெள்ளைப் பூண்டின் நான்கு பல் எடுத்து பச்சை வெற்றிலை ஒன்றுடன் கசக்கி, இந்தச் சாற்றைத் தேமல் உள்ள பகுதிகளின் மேல் தடவி வரவும். நாளடைவில் தேமல் மறையும்.

**சிவா** · **சிவா** Wed Aug 28, 2013 2:31 am

முகத்தில் தோன்றும் பருவைக் கிள்ளி விடுவது மிகவும் ஆபத்தானது. ஜாதிக்காயைச் சந்தனக் கல்லில் உரைத்து தினந்தோறும் இரவில் முகத்தில் பூசி வந்தால் பருக்கள் மறையும்

**சிவா** · **சிவா** Wed Aug 28, 2013 2:31 am

பல்லில் கூச்சம் ஏற்பட்டால் புதினாச் செடியின் விதைகளைச் சிறிது வாயில் போட்டு மெல்லவும்.

**சிவா** · **சிவா** Wed Aug 28, 2013 2:31 am

சரும அழகு

சோற்றுக் கற்றழையின் மேல் தோலைச் சீவினால் வழுவழுப்பான திரவம் வரும். தேமல் உள்ளவர்கள் அந்த திரவத்தை தேமல் மீது பூசி ஊற வைத்து பயத்தம் பருப்பு மாவு தேய்த்துக் குளித்தால் தேமல் மறையும்.

**சிவா** · **சிவா** Wed Aug 28, 2013 2:32 am

காய்கறிகள் வாடாமலிருக்க

ஈரத் துணியினால் மூடி வைத்திருந்தால் காய்கறிகள் வாடாமல் இருக்கும். காய்கறிகள் வாடிப் போய் விட்டால் அவற்றை எலுமிச்சம் பழச் சாறு கலந்த நீரில் சிறிது நேரம் ஊற வைத்தால் பசுமையாக மாறிவிடும்.

**சிவா** · **சிவா** Wed Aug 28, 2013 2:37 am

மருந்தாகும் மாம்பழம்

மாம்பழத்தை சாப்பிட்டுவிட்டு கொட்டையை உடைத்து உள்ளிருக்கும் பருப்பை குழம்பு, சாம்பாரில் போட்டு சாப்பிட நோயைக் கட்டுப்படுத்தும். குடல் புண், பெண்களின் பெரும்பாடு ஆகியவற்றைக் குணப்படுத்தும்.

**சிவா** · **சிவா** Wed Aug 28, 2013 2:39 am

இட்லி மாவு

இட்லிக்கு அரைக்க முழு உளுத்தம் பருப்பை அதை மணி நேரம் ஊற வைத்து, மேலும் அரை மணி நேரம் ·பிரிஜ்ஜில் வைத்து, எடுத்து அரைத்தால் இட்லி மிகவும் மிருதுவாகவும் இருக்கும். பருப்பு குறைந்த அளவே தேவைப்படும்.

**சிவா** · **சிவா** Wed Aug 28, 2013 2:41 am

நெருப்புப்பட்ட புண் ஆற

நெருப்பு சுட்டுவிட்டால், உடனே சுத்தமான தேனை புண் மேல் தடவி விடவும்.பிறகு தினசரி தேனைத் தடவி வர,புண் நன்கு ஆறிவிடுவதோடு சருமத்தின் நிறமும் முன்போலாகிவிடும்.

**சிவா** · **சிவா** Wed Aug 28, 2013 3:22 am

அரிசி பருப்பு துரிதமாக ஊறச் செய்ய

அரிசியையோ, பருப்பு வகைகளையோ துரிதமாக ஊறச் செய்ய வேண்டும் என்று நினைத்தால் கை பொறுக்கும் நிலையில் உள்ள வெந்நீரை ஊற்றி ஊறவிட வேண்டும். பிறகு வேகும்போது சீக்கிரம் வெந்துவிடும்.

Sponsored content · Sponsored content

குட்டிக் குட்டிக் குறிப்புகள்

குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

Re: குட்டிக் குட்டிக் குறிப்புகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக