கண்களுக்குள் பொங்கும் கடல்

by **ரா.ரா3275** Mon Sep 02, 2013 11:05 pm

இன்று தங்கமீன்கள் தரிசனம்.தங்க மகள்களைப் பெற்ற தகப்பன்கள் அத்துணை பேருக்கும் தலையில் கிரீடம் வைக்கும் தரமானப் பதிவு.

சிறுமி செல்லம்மாவும் கல்யாணியும்(இயக்குனர் ராம்) நம் இருதயத்தைச் சில்லுசில்லாய் உடைத்தெறிகிறார்கள்.முகம் பார்க்காமல் செல்போனில் பேசியே கண்களுக்குள் எப்படி இப்படி ஒரு கடலைப் பொங்க வைக்கமுடிகிறது?!

கொரியன்,ஈரானிய படங்கள் பார்த்து இருதயமும் விழிகளும் பிதுங்கி நின்ற பிரும்மாண்ட உணர்ச்சிக்கோலத்தை இதோ தமிழன் ஒருவனும் தலைநிமிர்ந்து நின்று தருவான் என்பதற்கு இந்த தங்கமீன்கள் ஓர் தகத்தாயப் படைப்பு-பதிவு.

அர்பிந்து சாராவின் ஒளிப்பதிவு மலைமுகடுகளில் மரக்கிளைகளில்-உச்சியில் தொங்கி தூளி ஆடுகிறது.அதுவும் பச்சை வயல்வெளிகளில் வண்ணப்பாத்திக் கட்டி வசீகரிக்கும் அழகே அழகு.

‘ஆனந்த யாழை’ மீட்டத் தொடங்கியது முதல் அனைவரையும் தன் இசைச்சித்திரத்தில் இயல்பைத் தொலைத்து இயைந்துபோகச் செய்கிறார் யுவன்.

இயக்குனர் ராம் இன்னும் பல மலைமுகடுகளை அநாயசமாகத் தாண்டுவார்.தாண்டட்டும்.தலைநிமிர்ந்த கலைஞனாகத் தமிழ்த்திரையுலகில் தாண்டவமாடட்டும்.வாழ்த்துகள்.

‘வர்த்தக ரீதியான’ என்ற வார்த்தைக்கே தங்கமீன்களுக்காக மட்டும் தடைபோட்டால் தமிழ்த் திரையுலகிற்கும் தமிழ் ரசிகர்களுக்கும் குறிப்பாக திரைவியாபாரிகளுக்கு தலையில் கிரீடம் ஏறும்.

உலகப்படவிழாக்களில் பெரும் பணத்துடன் பல விருதுகளையும் வென்றுவருவார்கள் செல்லம்மாளும் கல்யாணியும்.அதற்கு இப்போதே இருதயம் வழிய வழிய இனிய வாழ்த்துகள்.

by **கோவிந்தராஜ்** Mon Sep 02, 2013 11:27 pm

by யினியவன் Mon Sep 02, 2013 11:34 pm

சூப்பர் படம் சூப்பர் விமர்சனம் - தியேட்டர்ல பார்க்கிறேன் கண்டிப்பா ராரா

by **சிவா** Mon Sep 02, 2013 11:39 pm

தங்கமீன்கள் பற்றிய தங்களின் விமர்சனம் நன்றி! இன்னும் படம் பார்க்கவில்லை!

இதுப்போன்ற படங்கள் வியாபார ரீதியாக வெற்றிபெற வேண்டும்.

by **Muthumohamed** Tue Sep 03, 2013 12:30 am

நல்ல விமர்சனம் தான் ஆனால் இதுபோல் வருகின்ற படங்கள் விளம்பரம் இல்லாமல் மக்களை சென்றடைவதில்லையே

by **krishnaamma** Tue Sep 03, 2013 9:05 am

சாரி சேகரன், சிவா சொல்லித்தான் இது திரைப்படம் என்றே எனக்கு தெரிந்தது சோகம்

நானும் படத்தை பார்க்கிறேன், விமரிசனத்துக்கு நன்றி புன்னகை

by Pakee Tue Sep 03, 2013 2:42 pm

by **ரா.ரா3275** Fri Sep 06, 2013 3:40 pm

இன்னும் மறையவில்லை அந்தக் காட்சிகளும் உணர்வுகளும்...
தங்கமீன்களைப் பாருங்கள்...தரமான தமிழ்ப் படம் அதை உணருங்கள்...
உறவுகளுக்கு நன்றி...

by **ஜாஹீதாபானு** Fri Sep 06, 2013 3:47 pm

டிக்கெட் எடுத்துக் குடுங்க பார்க்கிறேன்

by யினியவன் Fri Sep 06, 2013 3:47 pm

ரா.ரா3275 wrote:இன்னும் மறையவில்லை அந்தக் காட்சிகளும் உணர்வுகளும்...
தங்கமீன்களைப் பாருங்கள்...தரமான தமிழ்ப் படம் அதை உணருங்கள்...
உறவுகளுக்கு நன்றி...

அமைதி அமைதி - ராரா உணர்ச்சிகளை கட்டுப்படுத்துங்கள் புன்னகை